ഇവാ, An Angelic Beauty Part 2[മാലാഖയുടെ കാമുകൻ] 1723

അവൾ ഉടനെ ആ പെൺകുട്ടിയെ വിളിച്ചു കാര്യം പറഞ്ഞു.. അവൾ നാളെ വകീൽ ഓഫീസിൽ എത്താമെന്ന് പറഞ്ഞു.

***

കേരളത്തെ ഞെട്ടിച്ചുകൊണ്ടാണ് പിറ്റേ ദിവസം ഭദ്ര കേസ് ഫയൽ ചെയ്തത്..

Tv ചാനലുകൾ മുഴുവൻ വാർത്ത വന്നു.. മുൻ മന്ത്രി ആയിരുന്ന ഒരാളെ കൊലപാതകത്തിന്റെ പേരിൽ കുടുക്കാൻ ശ്രമിക്കുന്നു എന്നാണ് ആദ്യം വാർത്ത വന്നത്.. അകെ മുഴുവൻ ചർച്ചകൾ ആയി..

അയാൾക്കെതിരെ കെട്ടിച്ചമച്ച കേസ് ആണെന്ന മട്ടിൽ ആണ് അയാൾ പ്രതികരിച്ചതും..

“പറഞ്ഞിട്ട് കേട്ടില്ല അല്ലെ.? നീയും അവളുമൊക്കെ ജീവനോടെ ഉണ്ടായാൽ മാത്രമല്ലേ നീ ഈ കേസ് ജയിക്കുകയുള്ളു..? കാണാം..”

ഭദ്രക്ക് വന്ന ഒരു ഫോൺ കാൽ ആയിരുന്നു അത്. അവൾക്ക് പേടിയൊന്നും തോന്നിയില്ല..

അവൾ ആ പെൺകുട്ടിയെ കൂട്ടി പോലീസ് സ്റ്റേഷനിൽ ചെന്നു.. ജീവനിൽ ഭീഷണി ഉണ്ടെന്ന് പരാതി കൊടുത്തു.

എന്നാൽ തണുപ്പൻ മട്ട്‌ ആയിരുന്നു അവർക്ക്.. കാര്യമായ പ്രതികരണം ഒന്നും ഉണ്ടായില്ല.

അനേഷണം മരവിപ്പിക്കാനുള്ള എല്ലാ മാർഗവും അയാൾ നോക്കി.

ഒരു ദിവസം രാത്രി വാതിലിൽ മുട്ട്‌ കേട്ടപ്പോൾ ഭദ്രയും റോക്കും എഴുന്നറ്റു..

“വക്കീലെ…?”

പുറത്തുനിന്നും വിളി കേട്ടപ്പോൾ ഭദ്ര വേഗം വാതിൽ തുറന്നു.. ഒരു ബാഗും കൊണ്ട് നിൽക്കുന്ന ആ പെൺകുട്ടി..

“വക്കീലേ.. എന്നെ ഹോസ്റ്റലിൽ നിന്നും ഇറക്കി വിട്ടു.. എന്റെ പുറകെ വണ്ടി ഉണ്ടായിരുന്നു.. ജീവനും കൊണ്ട് ഓടി വന്നതാണ്.. ഈ കേസ് പിൻവലിക്കാം വകീലെ.. എന്നെയും നിങ്ങളെയും ഒക്കെ അവര് കൊല്ലും..”

അവൾ കരഞ്ഞുകൊണ്ട് ഭദ്രയോട് പറഞ്ഞപ്പോൾ ആണ് രണ്ടു ജീപ്പുകൾ അവരുടെ വീടിന്റെ മുൻപിലേക്ക് വന്നു നിന്നത്..

അതിൽ നിന്നും ആളുകൾ ഇറങ്ങി മിറ്റത്തേക്ക് വന്നു.. കണ്ടാൽ പേടി തോന്നിക്കുന്ന ആളുകൾ..

എന്നാൽ അവരെ അമ്പരപ്പിച്ചുകൊണ്ട് ഭദ്ര അവരുടെ മുൻപിലെക്ക്‌ ഇറങ്ങി ചെന്നു..

“എന്നെ കൊല്ലാൻ ആണോ ചേട്ടന്മാർ വന്നത്‌..?”

പുച്ഛത്തിൽ അത് ചോദിച്ചു ചിരിക്കുന്നവളെ അമ്പരപ്പോടെ ആണ് അവർ നോക്കിയത്.. ചേച്ചിയുടെ ധൈര്യം കണ്ടപ്പോൾ റോക്ക് വാ പൊളിച്ചു പോയി..