ഇവാ, An Angelic Beauty Part 2[മാലാഖയുടെ കാമുകൻ] 1724

അവൾ ഫോൺ പെട്ടെന്ന് വച്ച് അവിടെ ഇരുന്നു.

“എന്താ ചേച്ചി..?”

റോക്ക് ചോദിച്ചു..

“മേഘ ചേച്ചിക്ക് സ്ഥലം മാറ്റം ആണ്… ഇന്ന് പോകും..”

അവൾ നിരാശയോടെ പറഞ്ഞു. റോക്കിനും സങ്കടം തോന്നി. എസിപി മേഘ ഒരു ആശ്രയം ആയിരുന്നു.. ഇപ്പോൾ വീട്ടിൽ കയറി ഭീഷണി വരെ ആയി.. അവർ ആലോചിച്ചു ഇരുന്നു.. ചേച്ചി ഈ കേസ് വിടുമെന്ന് റോക്കിന് തോന്നി..

അന്ന് രാത്രി..

“നിനക്ക് എന്നെ വിശ്വാസം ഉണ്ടോ..?”

ഭദ്ര ചോദിച്ചത് കേട്ടപ്പോൾ റോക്ക് കണ്ണ് മിഴിച്ചു..

“എന്താ ചേച്ചി ഈ ചോദിക്കുന്നത്..? ചേച്ചിയെ എനിക്ക് വിശ്വാസം ഇല്ലേൽ പിന്നെ ആരെയാണ് വിശ്വാസം..? എന്തുപറ്റി എന്റെ ചേച്ചികുട്ടിക്ക്..?”

അവൻ അവളുടെ താടി പിടിച്ചു പൊക്കി ചോദിച്ചു..

“എന്തിനും കൂടെ ഉണ്ടാകില്ലേ മോനു നീ..?”

“ചോദിക്കാൻ ഉണ്ടോ..?”

“എന്നാൽ….ഞാൻ ആ കേസ് എടുക്കാൻ തീരുമാനിച്ചു…”

അത് കേട്ട് റോക്ക് ഒന്ന് ഞെട്ടി.. എന്നാൽ അവളുടെ കണ്ണിലെ ഭാവം കണ്ടപ്പോൾ അവന് ഒരു കാര്യം മനസിലായി..

ഇനി അവളെ അതിൽ നിന്നും പിന്തിരിപ്പിക്കാൻ കഴിയില്ല.. ഭദ്ര എന്തെങ്കിലും തീരുമാനിച്ചാൽ അങ്ങനെയാണ്..

“ചേച്ചി കാര്യമായിട്ട് ആണോ..?”

റോക്ക് ചോദിച്ചപ്പോൾ അവൾ അവനെ നോക്കി..

“പരീക്ഷണങ്ങൾ നേരിടേണ്ടി വരും.. പക്ഷെ ഇതാണ് മോനെ അവസരം.. കഷ്ടപെട്ടാൽ മാത്രമേ ജീവിതം വിചാരിക്കുന്നത് എന്ന് നിനക്ക് അറിയാലോ..? കൂടാതെ ആ കുട്ടിയുടെ കയ്യിൽ നല്ല തെളിവുകൾ ഉണ്ട്.. അത് വച്ച് ഒന്ന് പിടിച്ചാൽ സംഗതി നടക്കും..”

അവൾ അത് പറഞ്ഞപ്പോൾ റോക്കിനും അത് ശരിയാണ് എന്ന് തോന്നി. അവൻ അവളുടെ കൈപിടിച്ചു..

“ഒപ്പം ഉണ്ട് ചേച്ചി ഞാൻ…ഇന്ന് മാത്രം അല്ല.. എന്നും ഉണ്ടാകും..നമുക്ക് നമ്മളെ ഉള്ളു..”

അവൻ പറഞ്ഞത് കേട്ടപ്പോൾ അവളുടെ കണ്ണ് നനഞ്ഞു.. അവനെ വാരി പുണർന്നുകൊണ്ടാണ് അവൾ അതിന് മറുപടി കൊടുത്തത്..