ആദിത്യഹൃദയം S2 – PART 1 [Akhil] 1074

“”ആരാണ് അവൻ…????…””… ആദം ആലോചിച്ചു..,,,,

ആദം വീണ്ടും കണ്ണടച്ചു..,,,,,

“”””””കുറെ ആരവങ്ങൾ അവർ എല്ലാം..,,,
“”ENKI ADAM,,,, ENKI ADAM…,,,””.. എന്ന് പറയുന്നു..,,,,
പെട്ടന്ന് തന്നെ വീണ്ടും ഒരു ചിത്രം ആദം കണ്ടു..,,,,,,ആരൊക്കയോ സംസാരിക്കുന്നു..,,,
“”ആദം ഇനി ഒരിക്കലും പുറത്ത് വരരുത്..,,, അതിന് വേണ്ടത് എന്താണെങ്കിലും നമ്മൾ ചെയ്തിരിക്കണം..,,,, “”..,,,
വീണ്ടും ഒരു മിഞ്ഞായം പോലെ ഒരു കാഴ്ച്ചയും കൂടെ ആദം കണ്ടു..,,
“”തന്നെ ഒരു കുളിതോട്ടിയിലേക്ക് ആരൊക്കെയോ ചേർന്ന് എടുത്ത് കിടത്തുന്നു..,,, ഒപ്പം അവരുടെ സംസാരവും..,,,””….
“”ഈ ഭൂമിയിൽ ഇനി ആദം വേണ്ടാ..,,,,””….”””””””

അത് കണ്ടതും ആദം വേഗം തന്നെ തന്റെ കണ്ണുകൾ തുറന്നു..,,,

“”എന്നെ വേണ്ടാത്ത ഭൂമിയോ…????
ഏത് ഭൂമിയിൽ നിന്നുമാണോ എന്നെ പിഴുതെറിയാൻ നോക്കിയത്..,,,
അതെ ഭൂമിയെ തന്നെ ഞാൻ നശിപ്പിക്കും..,,,
സർവ്വതും നശിപ്പിക്കും…,,,””..,,,,

അടങ്ങാത്ത പകയുമായി ആദം ആ കല്ലിൽ കിടന്നു..,,,,

പതിയെ ആ കല്ലിന്റെ വേഗത കുറഞ്ഞ് ആ കല്ല് നിശ്ചലമായി നിന്നു..,,,

പതിയെ ആദം മയക്കത്തിലേക്കുംവീണു

ഈ ഭൂമി തന്നെ നശിപ്പിക്കുവാൻ ശേഷിയുള്ള ശക്തിയുമായി തിരിച്ചു വരുവാൻ..,,,

****************************************************

നാല് മാസങ്ങൾക്ക് ശേഷം

മിസോറാം ഫോറസ്റ്റ് ഏരിയ

ഒരു ജീപ്പ് കാട്ടിലൂടെ ചെളിയെല്ലാം തെറിപ്പിച്ചുകൊണ്ട് പാഞ്ഞു കൊണ്ടിരുന്നു….,,,

കുറെ ദൂരം മുൻപിലേക്ക് പോയത്തിന് ശേഷം…,, ജീപ്പ് ഓടിക്കുന്ന വ്യക്തി ജീപ്പ് നിറുത്തി പതിയെ ജീപ്പിൽ നിന്നും പുറത്തേക്കിറങ്ങി…,,,

സമയം സന്ധ്യ ആവാറായിരിക്കുന്നു ….,,,,,

അയാൾ തൻ്റെ മുൻപിൽ ഇലകൾ കൊണ്ട് മറച്ചിരിക്കുന്ന വേലി മാറ്റി…,,, അതിനുശേഷം ജീപ്പ് അവിടേക്ക് കയറ്റി നിറുത്തി…,,,, എന്നിട്ട് ആ ജീപ്പ് ആരും കാണാത്ത വിധം ഇലകൾ കൊണ്ട് മൂടി ഇട്ടു…,,,

അയാൾ വേഗത്തിൽ തന്നെ ജീപ്പിൽ നിന്നും എടുത്ത തൻ്റെ ബാഗുമായി മുൻപിലേക്ക് നടന്നു…,,,

കുറച്ച് ദൂരം കൂടെ മുൻപിലേക്ക് നടന്നപ്പോൾ അയാൾ അങ്ങ് ദൂരെയായി ഒരു കൊച്ചു വീട് കണ്ടു…,, അയാൾ വേഗം തന്നെ അവിടേക്ക് ഓടി….,,,

“” ഇന്നേക്ക് അഞ്ചു ദിവസമായി ഇവിടെ നിന്നും പോയിട്ട്… “”…. അയാൾ മനസിൽ ആലോചിച്ചു…,,,

അയാൾ വേഗം തന്നെ മരം കൊണ്ട് പണിതീർത്ത ആ കൊച്ചു വീട്ടിലേക്ക് കയറി…,,,

വാതിൽ തുറന്നു അകത്തേക്ക് കയറിയതും താഴെ ഒരു സുന്ദരിയായ പെൺകുട്ടി പായ വിരിച്ചുകൊണ്ട് അതിൽ കിടക്കുന്നുണ്ട്….,,,

അയാൾ പതിയെ ആ പെൺകുട്ടിയുടെ അടുത്തേക്ക് ചെന്നു…,, അവളുടെ മുടിയിൽ പതിയെ തലോടി…,,, അവളുടെ കഴുത്തിൽ ആഴത്തിലുള്ള ഒരു മുറിവുണ്ട് അത് ഉണങ്ങികൊണ്ടിരിക്കുന്നു…,,,,

അയാൾ തലോടിയതും അവൾ പതിയെ തൻ്റെ കണ്ണുകൾ തുറന്നു…,,,

അയാളെ കണ്ടതും അവൾ പതിയെ അവനെ കെട്ടിപിടിച്ചുകൊണ്ട് നെറ്റിയിൽ ചുംബിച്ചു…,,,

അയാൾ അവളെ പിടിച്ചു എഴുന്നേൽപ്പിച്ചു….,,, അതിനുശേഷം അവളെയും കൂട്ടി ആ കൊച്ചു വീടിൻ്റെ പിന്നിലേക്ക് നടന്നു….,,,

അവിടെ വേറെ ഒരാൾ മരത്തിൽ കെട്ടിവെച്ചിരിക്കുന്ന ഒരു വലിയ പഞ്ചിങ് ബാഗിൽ ശക്തിയിൽ ഇടിച്ചുകൊണ്ടിരിക്കുന്നു…,,,

അയാളുടെ ശക്തിയിൽ ആ വലിയ മരം വരെ കുലുങ്ങുന്നുണ്ട്…,,,,

ജീപ്പിൽ വന്ന വ്യക്തി അയാളെ വിളിച്ചു….

“”ആദി….,,””….

ശബ്ദം കേട്ടതും ആദി തിരിഞ്ഞു…. പിന്നിൽ നിൽക്കുന്ന വ്യക്തിയെ കണ്ടതും ആദി ഒന്ന് ചിരിച്ചതിനു ശേഷം സംസാരിച്ചു തുടങ്ങി…,,

“”വിഷ്ണു….,,,,
ഞാൻ നിൻ്റെ വരവും പ്രതീക്ഷിച്ചു ഇരിക്കായിരുന്നു….,,,””…. ആദി പറഞ്ഞു…,,,

“”ടി..,, അനു…,,
നിന്നോട് ഞാൻ പറഞ്ഞതല്ലേ എഴുന്നേൽക്കണ്ട എന്ന്….””…. ആദി വിഷ്ണുവിൻ്റെ തോളിലേക്ക് ചാഞ്ഞു കിടക്കുന്ന അവളോട് ചോദിച്ചു…,,,

സംസാരിക്കാൻ ചെറിയ ബുദ്ധിമുട്ട് ഉള്ളതുകൊണ്ട് അനു പതിയെ ചിരിച്ചു…,,,

“”വിഷ്ണു…,,,
പോയ കാര്യം എന്തായി…???
എൻ്റെ ആമിയെ കണ്ടുപിടിച്ചോ…???…””… ആദി ചോദിച്ചു…,,