അപരാജിതൻ -37 5363

“എന്നാലേ ,,ഞാൻ ഇനി പോയി റെഡിയാകട്ടെ മനുവേട്ടാ ,,അമ്പലത്തിൽ പോയി വ്രതം വീടണം”

“ആണോ ,,,എന്നാ അങ്ങനെയാകട്ടെ ,, ഞാനും പോയി റെഡിയായി ക്ഷേത്രത്തിൽ പോകട്ടെ ,,,താങ്കസ് അനൂ ,,,ഈ രാത്രീ എനിക്കായി കഥ പറഞ്ഞു തന്നതിന് ”

“ഒന്ന് പോ മനുവേട്ടാ ,, എത്ര മാസം കൊണ്ട് മനുവേട്ടൻ രാത്രി എനിക്ക് പറഞ്ഞു തന്നതാ ചുരുക്കി ഞാൻ പറഞ്ഞു തന്നത് ”

 ഇരുവരും ടെറസിൽ  നിന്നും എഴുന്നേറ്റു  താഴേക്കിറങ്ങി.

@@@@

രാത്രി ഉറക്കമൊഴിഞ്ഞു കഥ കേട്ടതിനാൽ മനുവിന് നല്ലപോലെ ക്ഷീണമുണ്ടായിരുന്നു.

ക്ഷേത്രദർശനം കഴിഞ്ഞു വന്നവൻ പ്രാതലും കഴിച്ചു റൂമിൽ വന്നു കിടന്നു.

കട്ടിലിൽ കിടന്നു കൊണ്ട് അവൻ വസുന്ധരയെ വിളിച്ചു.

“മമ്മാ ,,,,ഒന്നിങ്ങോട്ട് വന്നേ ”

വിളികേട്ടു അവർ വാതിൽ പാതി തുറന്നു അവനോടു വിവരം തിരക്കി.

“മമ്മ ,,എനിക്ക് നല്ല ക്ഷീണമുണ്ട് , ഞാൻ സ്വസ്ഥമായി ഉറങ്ങട്ടെ”

“അപ്പൊ ലഞ്ച് കഴിക്കാൻ എണീക്കില്ലേ നീ ?”

“ഇല്ല ,, ഞാൻ എപ്പോ എഴുന്നേൽക്കുന്നൊ,,അപ്പൊ വിശന്നാൽ എന്നോട് ദയവു കാണിക്കാൻ പപ്പയുടെ ഭാര്യയോട് ഒന്ന് പറയണം,,പ്ലീസ്, ഇടയ്ക്കെന്നെ വിളിച്ചു ഉറക്കം കളയാ൯ നിൽക്കരുത്”

“ഹമ് ,,,, ശരി … ” വസുന്ധര അതും പറഞ്ഞു മുറി ചാരി തിരിച്ചു നടന്നു.

മനു പാതി പുതച്ചു.

റിമോട്ട് ഞെക്കി മ്യൂസിക് സിസ്റ്റം ഓൺ ചെയ്തു.

അതിൽ ഒരു ഓടക്കുഴൽ നാദം പ്ലേ ചെയ്‌തു.

കണ്ണുകളച്ചു കിടന്നു.

ക്ഷീണമുള്ളതിനാൽ മനു വേഗം ഉറങ്ങി

@@@@@