അപരാജിതന്‍ 26 [Harshan] 11586

ആദി വേഗമുണര്‍ന്നു

അവനാകെ അത്ഭുതപ്പെട്ടുകൊണ്ട് പുറത്തേക്കിറങ്ങി.

കായലിൽ നിന്നും കാറ്റ് നല്ലപോലെ വീശുന്നുണ്ടായിരുന്നു

അവൻ കണ്ണുകളടച്ചു നിന്നു.

തിരുനയനാർ വംശത്തിന്‍റെ  കപ്പലുകള്‍

അതിലെ യോദ്ധാവിന്  എന്‍റെ  മുഖഛായ

അതിനര്‍ത്ഥം എന്‍റെ  പ്രപിതാമഹന്‍

എന്‍റെ  ത്രിലോകരുദ്രൻ മുത്തശ്ശനും ഒരു യോദ്ധാവായിരുന്നു

ആ ഗുണങ്ങൾ എനിക്കും ലഭിച്ചു

അപ്പോൾ  അത്രി എന്ന വാക്കിന്‍റെ  ഇടയിൽ  പച്ചകുത്തിയിരുന്ന ആ കണ്ണ്

മുത്തശന്‍റെ  , തിരുനയനാർ വംശത്തിന്‍റെ  കൊടിയുടെ അടയാളമായ പാതിതുറന്ന കണ്ണ് , ശിവഭഗവാന്‍റെ  മൂന്നാം കണ്ണ്.  അതുപോലെ എന്‍റെ  രക്തം വീണു ചെമ്പു പാളിയിൽ തെളിഞ്ഞ ത്രിശൂലം , അത് മുത്തശ്ശന്‍റെ  വംശത്തിന്‍റെ  മുദ്രയടയാളം

കൊള്ളക്കാർ ഭയന്നിരുന്ന തിരുനയനാർ വംശത്തിന്‍റെ  കണ്ണിയാണ് ആദിശങ്കരൻ എന്ന താന്‍ എന്ന തിരിച്ചറിവ്  അവനേ  ആവേശത്തിലാക്കി

അവൻ തിരിഞ്ഞു ജീപ്പിലേക്ക് കയറാനായി പോയപ്പോളാണ്

വഴിയുടെ അപ്പുറത്തുള്ള ഒരു കൊച്ചു ക്ഷേത്രം അവന്‍റെ  കണ്ണിൽപെട്ടത്.

അവൻ വേഗം ആ കൊച്ചു ക്ഷേത്ര മന്ദിരത്തിലേക്ക് നടന്നു.

അവിടെ ചെന്നപ്പോൾ അവിടത്തെ പ്രതിഷ്ഠ കണ്ടു അവൻ അങ്ങ് ആശ്ചര്യപെട്ട് പോയി

ശിവന്‍റെ  കാലഭൈരവ സ്വരൂപപ്രതിഷ്ടയായിരുന്നു

അവൻ വേഗം അവിടെ സാഷ്ടാ൦ഗം നമസ്കരിച്ചു

നിറഞ്ഞ കണ്ണുകളോടെ അവൻ കാലഭൈരവമൂർത്തിക്ക് നന്ദിയറിയിച്ചു.

അവിടെ നിന്നും എഴുന്നേറ്റു ജീപ്പിൽ കയറി

അതീവ സന്തോഷത്തോടെ ജീപ്പ് മുൻപോട്ട് എടുത്തു.

<<<<<O>>>>