ഇത് ഞങ്ങളുടെ ഏരിയാ 3 [മനൂസ്] 2957

 

ഫർഹയുടെ ദേഷ്യം അപ്പോഴേക്കും ഏറെക്കുറെ തണുതിരുന്നു…

 

ഇടക്കിടെ ആരും കാണാതെ മുഖം കൊണ്ട് ഐസ്ക്രീം കഴിക്കാൻ അവനെ ക്ഷണിക്കുന്നുണ്ടായിരുന്നു..

 

“എന്തിനാ നിങ്ങൾ ക്ലസ്സിലെ കുട്ടിയെ തല്ലിയത്..”

 

കെട്ടിയോളുടെ പരാതി തീർക്കാൻ ഇനിമുതൽ അല്പം കണിശക്കാരൻ ആകാൻ തന്നെ ജാഷി തീരുമാനിച്ചിരുന്നു..

 

അതാണ് വീട്ടിൽ എത്തിയപ്പോൾ തന്നെ വിസ്താരം തുടങ്ങിയത്..

 

“പറയു..”

 

ഇരുവരും മൗനം ഭജിച്ചതിനെ തുടർന്നവൻ വീണ്ടും ചോദിച്ചു..

 

അപ്പോഴും പരസ്പരം നോക്കി മുഖം കുനിച്ചതല്ലാതെ വാപ്പയുടെ ചോദ്യങ്ങൾക്ക് ഇരുവരും മറുപടി നൽകിയില്ല..

 

വെറുതെ കുട്ടികളെ പേടിപ്പിക്കാൻ മുൻപ് വാങ്ങിയ ചൂരൽ പൊടുന്നനെ ജാഷിയുടെ ശ്രദ്ധയിൽ പെട്ടു..

 

അവൻ ഫർഹയോട് അത് എടുത്തു കൊണ്ടുവരുവാൻ കണ്ണുകൊണ്ട് ആജ്ഞ നൽകി..

 

വണ്ടിയിലിരുന്നു അങ്ങനെയൊക്കെ പറഞ്ഞെങ്കിലും കുട്ടികളെ തല്ലേണ്ട അവസരത്തിലേക്ക് കാര്യങ്ങൾ ജാഷി എത്തിക്കുമെന്ന് അവൾ തീരെ പ്രതീക്ഷിച്ചിരുന്നില്ല. ആ ഒരു പകപ്പ് അവളുടെ മുഖത്തും ഉണ്ടായിരുന്നു…

 

എടുക്കണോ വേണ്ടയോ എന്ന് തീരുമാനിക്കാൻ കഴിയാതെ അവൾ അവിടെ തന്നെ നിന്നു…

 

“പോയി വടി എടുക്കടി…”

 

ജാഷിയുടെ അലർച്ച കേട്ടതും ഒറ്റക്കുതിപ്പിന് ചൂരലുമായി അവൾ ജാഷിയുടെ മുന്നിലെത്തി..

 

വാപ്പയുടെ ഇതുവരെ കാണാത്ത മുഖം കണ്ടതോടെ മക്കൾ കിടുകിടെ വിറച്ചു..