ഇത് ഞങ്ങളുടെ ഏരിയാ 3 [മനൂസ്] 2957

 

റെസ്റ്റ് ആയതിനാൽ പഴയത് പോലെ രണ്ടിന്റേം ഇടയിൽ തടയിടാൻ ചെല്ലില്ല.. ഉമ്മുമ്മ പിന്നെ പണ്ടേ ആ പണിയിൽ നിന്നും വിരമിച്ചിരുന്നു.. എല്ലാം ഏറ്റുവാങ്ങി കൂട്ടാൻ ജാഷിയുടെ ജീവിതം പിന്നെയും ബാക്കി..

 

പുള്ളി കാലത്തെ തന്നെ സൂര്യൻ മിന്നി കത്തുന്നത് കൊണ്ട് വാഷിങ് മെഷീനിൽ അലക്കിയ തുണി പുറത്ത് ആശയിൽ വിരിച്ച് ഉണക്കുക എന്ന അതികഠിനമായ ജോലി ചെയ്യുകയായിരുന്നു..ആര് കണ്ടാലും ചങ്ക് തകർന്ന് പോകുന്ന കാഴ്ച്ച..

 

കെട്ടിയോളുടെയും കുട്ടിയോളുടെയും അന്റെയും എല്ലാം ഡ്രെസ്സ് ഉണ്ട് വിരിക്കാൻ.

 

ആശ നീളത്തിൽ കെട്ടിയിരിക്കുന്നതിനാൽ അവയ്ക്ക് ഇടയിൽ രണ്ട് മൂന്ന് കമ്പുകൾ താങ്ങിനായി ചേർത്തു കെട്ടിയിരിന്നു..തുണി ഭംഗിയായി വിരിച്ച ശേഷം ബക്കറ്റുമായി തിരിയുമ്പോഴാണ് റൈഹാൻ ഉപ്പാ എന്ന് നിലവിളിച്ചു കൊണ്ട് അങ്ങോട്ടേക്ക് ഓടി വരുന്നത് കണ്ടത്.അവന് പിറകെ ഒരു പ്ലാസ്റ്റിക് ബാറ്റുമായി ഇഷാനും..

 

അവരുടെയാ ഓട്ടം കണ്ടപ്പോൾ ജാഷിക്ക് അറിയാതെ ചിരി പൊട്ടി..അവനെ കടന്ന് ഇരുവരും പോയപ്പോളും അവൻ നോക്കി ചിരിച്ചു..

 

പൊടുന്നനെയാണ് പോകുന്ന പോക്കിൽ പി റ്റി ഉഷയുടെ ശിഷ്യന്മാർ രണ്ടും കൂടെ ആശ താങ്ങി നിർത്തിയ കമ്പുകളും മറിച്ചിട്ടാണ് പോയതെന്ന്.. തുണികളെല്ലാം തറയിൽ കിടന്ന് തന്നെ കൊഞ്ഞനം കുത്തുന്ന കാഴ്ച്ച കണ്ട് ജാഷി തലയിൽ കൈവച്ചു തറയിൽ കുന്തിച് ഇരുന്നു പോയി..

 

ഫർഹയോട് വല്ലാത്ത ബഹുമാനം തോന്നിയ നാളുകൾ.. അവള് ഇവന്മാരെ എങ്ങനെ അനുനയിപ്പിച്ചു കൊണ്ടുപോകുന്നതെങ്ങനെ എന്ന് അവന് എത്ര ചിന്തിച്ചിട്ടും പിടികിട്ടിയിരുന്നില്ല..

 

ഇനി പണി എല്ലാം ഒതുക്കി അല്പനേരം ഇരുന്നാലോ കുഞ്ഞോളുടെ വക പി സുശീല തോൽക്കുന്ന വിധത്തിലുള്ള സംഗീത കച്ചേരി..

 

 

അങ്ങനെ വീട്ടു പണികളും ഓഫീസ് ജോലിയുമൊക്കെയായി ദിവസങ്ങൾ നീങ്ങി കൊണ്ടിരിക്കെ ഒരു ദിവസം അവന്റെ ഫോണിലേക്ക് ഒരു കാൾ വന്നു..

 

കാൾ ഓണാക്കി മറുവശത്ത് നിന്നുള്ള വാക്കുകൾ കേട്ടതും അവൻ ഇരിക്കുന്നിടത്തു നിന്നും അറിയാതെ എഴുന്നേറ്റ് പോയി..

 

 

തുടരും…

 

എത്രത്തോളം നന്നായി എന്നറിയില്ല.. വായിച്ച് അഭിപ്രായങ്ങൾ അറിയിക്കുമല്ലോ.. ഇനിയുള്ള പാർട്ടുകൾ ഓരോ ആഴ്ചകളിലും നിങ്ങൾക്ക് മുന്നിൽ എത്തുന്നതായിരിക്കും.പെരുത്തിഷ്ടം??