ശ്രാവണി 2

Sravani Part 2 | Author : Shana | Previous Part

 

 

ശ്രാവണിയുടെ കണ്ണുകള്‍ അവനിലായിരുന്നു. ഇരു നിറം ആറടിയോളം പൊക്കമുള്ള പാമ്പിന്റേതുപോലെ തിളക്കമുള്ള കരിനീലക്കണ്ണുകളും വെട്ടിയൊതുക്കിയ താടിയുമൊക്കെ ആയി ഒരുത്തന്‍. കണ്ടാല്‍ ഒരു ഇരുപത്തിമൂന്നു വയസ് തോന്നിക്കും. ശ്രാവണി അവന്‍ തന്നെ കണ്ടെന്നുള്ള ഭയം മറന്ന് നിന്നു. എവിടെയൊക്കെയോ കണ്ട് പരിചയം ഉള്ളപോലെ. അവളുടെ തലച്ചോര്‍ ആ മുഖം തേടി ഓട്ടപാച്ചില്‍ നടത്തുകയായിരുന്നു. അവള്‍ അവനെ തന്നെ കൗതുകത്തോടെ നോക്കി നിന്നു.

 

“നിയേതാടി..? ഈ ഇല്ലത്തിന്റെ തൊടിയില്‍ നിനക്കെന്താകാര്യം?’ “തന്റെ പ്രവര്‍ത്തികള്‍ അവള്‍ കണ്ടത് മറയ്ക്കാന്‍ അവളുടെ നേരെ തട്ടിക്കയറി.

 

” അമ്മാ ഓടി വാങ്കോ തിരുടന്‍. തിരുടന്‍…”

 

അവള്‍ പെട്ടന്ന് പേടിയോടെ അലറി. അവളുടെ സംസാരം കേട്ട അവന്‍ സ്തംഭിച്ചു പോയി. അവളുടെ കരച്ചില്‍ കേട്ടു ആരെങ്കിലും വന്നാലോ എന്നു അവന്‍ പേടിച്ചു.

 

“എടീ വായടയ്ക്കി പുല്ലേ. കള്ളന്‍ നിന്റെ മറ്റവനാടീ ചൂലേ..”
അവന്‍ ഭീഷണിയുടെ സ്വരത്തില്‍ പറഞ്ഞു.

 

‘”എടി പോടീ എന്നൊക്കെ ഉന്നുടെ പൊണ്ടാട്ടിയെ കൂപ്പിടുടാ.”

 

ഉള്ളിലെ പേടിയും ദേഷ്യവും കൊണ്ട് അവളുടെ വായില്‍ പെട്ടന്ന് തമിഴ് ആണ് കടന്നുവന്നത്.

 

അവളുടെ തമിഴ് പറയന്നുന്നതു കേട്ടു അവനും അവളെ ഒന്നു ഇരുത്തി നോക്കി.

 

‘”ഏതാടി തമിഴത്തി നീ.. നിനക്കെന്താ ഇവിടെ കാര്യം ‘”അവന്‍ ഗൗരവത്തോടെ ചോദിച്ചു.

 

“ഞാന്‍ എന്റെ പറമ്പിലാണ് നില്‍ക്കുന്നത്.. ഇതൊക്കെ ചോദിക്കാന്‍ നീ ഏതാട കള്ളാ. താന്‍ കക്കാന്‍ വേണ്ടി അല്ലേ ഇവിടെ പമ്മി നിന്നത്. നിന്നെ ഞാന്‍ പോലീസിനെ കൊണ്ടു പിടിപ്പിക്കും നോക്കിക്കോ.. ” അവള്‍ അവനു നേരെ തിരുച്ചു ഭീഷണി മുഴക്കി.