ഇത് ഞങ്ങളുടെ ഏരിയാ 3 [മനൂസ്] 2957

“എന്ത് കൊണ്ട് നീ ഇതൊന്നും എന്നോട് പറഞ്ഞില്ല…”

 

മൗനത്തെ ഭേദിച്ചുകൊണ്ട് ജാഷി അവൾക്ക് നേരെ ചോദ്യം എറിഞ്ഞു..

 

“എന്ത് ..”

 

സംശയ ഭാവത്തോടെ ഫർഹ ചോദിച്ചു..

 

“അല്ല മോള് ജനിച്ചതിനു ശേഷം മക്കളുടെ കാര്യത്തിൽ നിനക്ക് വേണ്ടപോലെ ശ്രദ്ധിക്കാൻ കഴിയുന്നില്ലെന്ന് പറഞ്ഞത്..

 

ഒരു വാക്ക് നിനക്ക് എന്നോട് പറയാമായിരുന്നില്ലേ..”

 

“പറഞ്ഞിരുന്നെങ്കിൽ..”

 

എടുത്തടിച്ച പോലെ ഫർഹ മറുപടിയായി ചോദ്യമേറിഞ്ഞു..

 

“ഞാൻ കൂടുതൽ ശ്രദ്ധിച്ചേനെ ഇവരെ..”

 

“ഇതൊക്കെ പറയാതെ തന്നെ കണ്ടറിഞ്ഞു ചെയ്യേണ്ട കാര്യങ്ങൾ ആണ് അല്ലാതെ പറഞ്ഞു ചെയ്യിപ്പിക്കുന്നത് അല്ല..

 

പിന്നെ ഞാൻ മിസ്സിനോട് പറഞ്ഞതാണ് ഇക്കയുടെ മനസ്സിലെങ്കിൽ ,,അവിടെ അങ്ങനെ ഒരു നമ്പർ ഇട്ടില്ലെങ്കിൽ മക്കൾക്ക് രണ്ടിനും വാപ്പ വേറെ സ്‌കൂൾ നോക്കേണ്ടി വന്നേനെ..”

 

അതും പറഞ്ഞുകൊണ്ട് അവൾ പിന്നിൽ തങ്ങളെ തന്നെ ശ്രദിച്ചിരിക്കുന്ന യോദ്ധാക്കളെ നോക്കി…

 

ഇരുവരുടെയും നിഷ്കളങ്ക ഭാവം അവളെ ചിരിപ്പിച്ചു…

 

“രണ്ടും എന്തൊരു പാവങ്ങൾ…

 

എന്റെ മോളെ പോലും എനിക്ക് മര്യാദക്ക് നോക്കാൻ പറ്റണില്ല ഇവന്മാരുടെ പുറകെ ഓരോന്ന് നോക്കി നടന്നിട്ട് അപ്പോഴാ…”

 

തോളിൽ ഉറങ്ങുന്ന ജൂനിയർ ഫർഹയെ ഒന്ന് തലോടി അവൾ പറഞ്ഞു നിർത്തി..

 

“ആ വാ ഒന്ന് അടച്ചു വച്ചിട്ട് നേരെ നോക്കി ഓടിക്ക്..”