ഇത് ഞങ്ങളുടെ ഏരിയാ 3

Ethu Njangalude Area Part 3 | Author : Manus | Previous Part

 

(ഒരുപാട് വൈകി എന്നറിയാം.. ഇങ്ങള് എല്ലാരും ഞമ്മളോട് ക്ഷമിക്കിൻ..

മുന്ഭാഗങ്ങൾ വായിച്ചവർ കഥയുടെ ഒഴുക്കിന് മാണ്ടി ഒന്നുകൂടെ ആ ഭാഗങ്ങൾ വായിക്കുന്നത് നല്ലതായിരുക്കും.)

ജാഷിയും ഫർഹയും കുട്ടികളുടെ സ്‌കൂളിൽ ടീച്ചറോടൊപ്പം അവരുടെ സ്‌കൂളിലെ കുൽസിത പ്രവർത്തികളെ കുറിച്ച് സംസാരിക്കുകയായിരുന്നു..

 

തുടർന്ന് വായിക്കുക…..

 

 

ടീച്ചർ പറയുന്ന കാര്യങ്ങൾ കേട്ട് വിടർന്ന കണ്ണുകളോടെ ജാഷി അവരെ നോക്കി..

 

ഉള്ളിന്റെ ഉള്ളിൽ എന്തെന്നില്ലാത്ത സന്തോഷത്തിന്റെ തിരയിളക്കം അവനനുഭവപ്പെട്ടു..

 

“അത് കൊള്ളാല്ലോ…”

 

മനസ്സിലെ സന്തോഷം ചുണ്ടിൽ വിരിഞ്ഞതറിയാതെ ജാഷി ചോദിച്ചു..

 

“വാട്ട്..”

 

ചെവികൂർപ്പിച്ചു കൊണ്ടുള്ള ടീച്ചറുടെ ചോദ്യമാണ് അവനെ ബോധത്തിലേക്ക് കൊണ്ടു വന്നത്..

 

“അത്.. കൊള്ളും കൊള്ളും.. നല്ല തല്ല് കൊള്ളുമെന്ന് പറഞ്ഞതാണ്..”

 

വികട സരസ്വതി നാവിൽ വീണ വായിച്ചെങ്കിലും ജാഷി അത് മുളയിലേ നുള്ളി കളഞ്ഞു..

 

ഉള്ളിൽ നുരഞ്ഞു പൊന്തിയ പൊട്ടിച്ചിരിയെ പുറമെ കാണിക്കാൻ കഴിയാതെ മറുവശത്ത് ഫർഹ ഞെരിപിരി കൊള്ളുകയായിരുന്നു..

 

“നന്നായി പഠിക്കുന്ന കുട്ടികൾ ആയതുകൊണ്ട് മാത്രമാണ് കൂടുതൽ കടുത്ത നടപടിക്രമങ്ങൾക്ക് ഇതുവരെ മുതിരാഞ്ഞത്..

 

ഇതിപ്പോ തുടർന്നുകൊണ്ടേയിരിക്കുന്നു..ഞങ്ങൾക്ക് നടപടി എടുക്കേണ്ടി വരും..

 

അതിനു വേണ്ടി കൂടിയാണ് നിങ്ങളെ ഇന്ന് കാണാൻ ഇരുന്നത്..”

 

കടുപ്പത്തിലുള്ള ടീച്ചറുടെ വാക്കുകൾ ഉള്ളിലെ സന്തോഷത്തെ പുറത്തു കാട്ടാതെ നിർവികാരനായി അവൻ കേട്ടിരുന്നു..