തെരുവിന്റെ മകൻ 8 ???[നൗഫു] 3812

നീ വേഗം എഴുന്നേറ്റ് നിസ്കരിച്ചേ…

ഹ്മ്മ്… വല്ലാത്തൊരു സാധനം… അതും പറഞ്ഞ് ഫൈസി അവിടെ നിന്നും ബാത്രൂം ലക്ഷ്യമാക്കി നടന്നു..

ഉമ്മ എന്നെ എന്തിനാ വിളിച്ചത്…ഞാൻ ഒന്നും കൂടി ഉറങ്ങുമായിരുന്നല്ലോ.. നിന്നെ നിന്റെ അമ്മ പൊക്കിയെടുക്കാൻ പറഞ്ഞു..

വേഗം പോയി ഫ്രഷായി ഒരു ചായയും കുടിച്ചു വാ..

ഹ്മ്മ്.. മനസ്സില്ല മനസ്സോടെ അഭിയും അവിടെ നിന്നും എഴുന്നേറ്റ് ഉമ്മയുടെ കൂടെ നടന്നു..

പിന്നെ ഒന്ന് ഫ്രഷ് ആയി വന്നു..

ആ സമയം തന്നെ ഫൈസിയും നിസ്കാരവും കയിഞ്ഞ് അവിടെ എത്തി..

ടാ… ഓരോ ചായ കുടിച്ചാലോ..

ഹ്മ്മ്.. പോവാം…

▪️▪️▪️

ഭർഗവന്റെ വീടിനു മുമ്പിൽ കുറച്ച് പേര് നിൽക്കുന്നുണ്ട്…

നല്ല തടിച്ചു ഉരുണ്ടവർ തന്നെ, കണ്ടിട്ട് കൊട്ടേഷൻ ടീം ആണെന്ന് തോന്നുന്നു .. അവർ പത്തു പന്ത്രണ്ടു പേരുണ്ട്…

ഞാൻ ആ വീടിനു മുമ്പിൽ കൂടി കുറച്ച് നേരം അങ്ങോട്ടും പിന്നെ ഇങ്ങോട്ടും ഒന്ന് ഓടി കൊണ്ടിരുന്നു… ആ വീട് മൊത്തമായി ഒന്ന് നിരീക്ഷണം നടത്തി കൊണ്ട്..

പെട്ടന്ന് എന്നെ ആ മുന്നിൽ നിൽക്കുന്ന ആളുകളിൽ ഒരാൾ ശ്രദ്ധിക്കുന്നത് പോലെ തോന്നിയപ്പോൾ ഞാൻ ന്റെ പഴയ വീടിന്റെ അടുത്തേക് ഓടി മാറി…

മെല്ലെ അതിന്റെ മുന്നിൽ നിന്നും അങ്ങോട്ട്‌ കുറച്ചു നേരം നോക്കി നിന്നു..

എവിടെ നിന്നോ വന്നൊരു കാറ്റിൽ എന്റെ അച്ഛനമ്മമാരുടെ മണം എന്റെ മൂക്കിലേക് അടിച്ചു കയറുന്ന പോലെ…

ഞാൻ ഒരു നിമിഷം അവിടെ കണ്ണടച്ചു നിന്നു… എന്റെ ഓർമകളിൽ അവരുടെ ചിരിക്കുന്ന മുഖം തെളിഞ്ഞു വരുവാൻ തുടങ്ങി…

എന്റെ അമ്മ… പിന്നെ എന്റെ എല്ലാമെല്ലാമായ അച്ഛനും…

ഞാൻ പെട്ടന്ന് തന്നെ കണ്ണ് തുറന്നു എന്റെ ചുറ്റിലും ഒന്ന് നോക്കി.. എന്നെ ആരോ നിരീക്ഷിക്കുന്ന പോലെ ഒരു തോന്നൽ..

എന്റെ പുറകിൽ ആരോ വന്നു നിൽക്കുന്ന പോലെ…

ഞാൻ ഒന്ന് തിരിഞ്ഞു നോക്കി.. ഇല്ല ആരും ഇല്ല… എന്റെ ഹൃദയം വളരെ വേഗത്തിൽ മിടിക്കുന്നുണ്ട്…

ഞാൻ അവിടെ നിന്നും പിന്തിരിഞ്ഞു..

പിന്നെ ആശുപത്രിയിലേക് തന്നെ തിരിച്ച് ഓടി തുടങ്ങി…

എന്നെ മറികടന്ന് ഒരു പോലീസ് ജീപ്പ് വളരെ വേഗത്തിൽ ഭാർഗവന്റെ വീട് ലക്ഷ്യമാക്കി വരുന്നുണ്ട്…