“അതുലേട്ടന്റെ മനസ്സിലുള്ളത് ഒരിക്കലും നടക്കില്ല ഞാൻ നടത്തില്ല ഏട്ടനെന്നു വിളിച്ച നാവുകൊണ്ട് വേറെ വിളിപ്പിക്കല്ലേ ” അച്ചു അതുലിനു നേരെ കൈയ് ചൂണ്ടി പറഞ്ഞു. 

 

” ഞാൻ എന്തെങ്കിലും ഉദ്ദേശിച്ചിട്ടുണ്ടെങ്കിൽ അത് നടത്താൻ എനിക്കറിയാം കേട്ടേ ടീ . ഞാൻ എൻ്റെ തീരുമാനം നടത്തും അതിനു മക്കളുടെ അനുവാദം വേണ്ട. ചിരിച്ചു കളിക്കുന്ന അതുലിനെ മാത്രമേ നിങ്ങൾക്ക് അറിയൂ അങ്ങനെ ഇരിക്കുന്നതാവും നല്ലത് ” അവൻ്റെ മുഖം വലിഞ്ഞു മുറുകിയിരുന്നു.

 

 

അതുൽ അങ്ങനെ പറഞ്ഞതും അച്ചുവും അജിയും ഞെട്ടിത്തരിച്ചു.. ഒരിക്കലും ഇത്രയും സീരിയസ് ആയി അതുൽ സംസാരിച്ചു കണ്ടിട്ടില്ല , എപ്പോഴും ചിരിച്ചു കളിച്ചു കൂട്ടു നിൽക്കുന്ന ആളിന്റെ ഈ ഭാവം അവരെ പേടിപ്പെടുത്തി
പിന്നെ ഒന്നും മിണ്ടാൻ അവരുടെ നാവ് പൊങ്ങിയില്ല

 

 

ഇതേ സമയം അതുൽ അച്ചുവിനെയും അജിയെയും വീക്ഷിക്കുവായിരുന്നു, അവരുടെ ശ്വാസം പിടിച്ചുള്ള നിൽപ്പ് കണ്ട് അതുലിൻ്റെ മുഖത്തെ ദേഷ്യം മാറി ചിരി വന്നുവെങ്കിലും അവൻ അത് മുഖത്ത് കാണിച്ചില്ല.

 

 

” എന്തെ ജമ്പനും തുമ്പനും മിണ്ടാട്ടം മുട്ടിയോ , ഒന്നും പറയാനില്ലേ , അവൻ രണ്ടിൻ്റെയും ചെവിക്കു പിടുത്തമിട്ടു..എന്നാലും എന്റെ മണ്ടശിരോമണികളെ നിങ്ങളെന്നെ അങ്ങനാണോ കണ്ടേക്കുന്നെ , ഇന്നുവരെയും ഞാൻ അങ്ങനെ പെരുമാറിയിട്ടുണ്ടോ.. നിയൊക്കെ പറയുന്ന കേട്ടപ്പോൾ ശരിക്കും ദേഷ്യംവന്നു രണ്ട് പൊട്ടിക്കാനാ തോന്നീത്. അവൻ ചെവിയിലെ പിടി മുറുക്കി.. നീ അങ്ങ് കത്തിക്കേറുവാരുന്നല്ലോ അച്ചൂ.. നിനക്ക് ഇപ്പോൾ ഒന്നും പറയില്ലേ. ” അതുൽ ചേദിച്ചത് കേട്ട് അച്ചുവിഷമത്തോടെ അവനെ നോക്കി. അവൾക്ക് കരച്ചിൽ വരുന്നുണ്ടായിരുന്നു.

 

 

” അതുലെട്ടാ അന്നു എല്ലാരുടെയും മുന്നിൽ വെച്ചല്ലേ ഏട്ടൻ അങ്ങനെ പറഞ്ഞത് പിന്നെ അമ്മായിയും പറഞ്ഞു അതാ അങ്ങനൊക്കെ പറഞ്ഞത് ” അച്ചു വിതുമ്പിക്കൊണ്ട് പറഞ്ഞു