തെരുവിന്റെ മകൻ 8 ???[നൗഫു] 4237

അഭിയുടെ അത് വരെ കാണാത്ത ഒരു മുഖം അവിടെ കാണുകയായിരുന്നു മാളവികയും ഫൈസിയും..

ഒരു നിമിഷം ഫൈസി പോലും ഒന്ന് ഭയപ്പെട്ടു..

ആ നിമിഷം തന്നെ മാളവിക ഒരക്ഷരം പിന്നെ മിണ്ടാതെ കുറച്ച് നേരം ഇരുന്നു…

അഭിയുടെ മുഖമെല്ലാം ചുവന്ന് തുടുത്തിട്ടുണ്ട്…

പിറകിൽ നിന്നും മറ്റൊരു ശബ്ദം കൂടെ കേൾക്കുവാൻ തുടങ്ങി…

എന്നെ വെറുതെ വിടുമോ..

ഞാൻ ഇനി നിങ്ങളുടെ പുറകെ വരില്ല..
ട്ടേ… ഒരു അടി ശബ്ദം..

ഫൈസി ഒന്ന് തിരിഞ്ഞ് നോക്കി..

കീരി ആ വണ്ടിയുടെ ഗ്ലാസ്സിൽ പോയി തലയടിച്ചു ആ വിൻഡോ ഗ്ലാസ്‌ വിണ്ട് കീറിയപോലെ ആയിട്ടുണ്ട്…

അതേ അഭിയുടെ ശക്തമായ അടിയിൽ കീരിയുടെ രണ്ട് പല്ലുകൾ തെറിച്ചു പോയിരിക്കുന്നു..

വായയിൽ നിന്നും ചോര ഒലിച്ചിറങ്ങുന്നുണ്ട്…

ഉടനെ തന്നെ കീരിയുടെ ബോധം മറഞ്ഞു പോയി ആ വിൻഡോ യിൽ തല ചാരി കിടന്നു..

അത് കണ്ട് പേടിച്ച് മാളവിക ആ ബാക്ക് സീറ്റിൽ ഫൈസിയുടെ പുറകിലായി..

അഭിയുടെ കൈ എത്താത്ത ഭാഗത്തേക് ചുരുണ്ടു കൂടി ഇരുന്നു…

ഫൈസി അഭിയുടെ മുഖത്തേക് ഒന്ന് നോക്കി..

അവിടെ ഇപ്പോഴും ദേഷ്യം കൊണ്ട് വിറക്കുന്നുണ്ട്..

ആ ചുണ്ടുകൾ മെല്ലെ എന്തെക്കെയോ പറയുന്നുമുണ്ട്…

ടാ.. അഭി… കൂൾ…

അവൾക്കും അവനും മാപ്പ് വേണമത്രേ..

ഞാൻ കൊടുക്കാം മാപ്പ്.. സഞ്ജു ഇങ്ങെത്തേട്ടെ..

പറയും പോലെ അവൻ എവിടെ.. കാണുന്നില്ലല്ലോ..

നമ്മുടെ തൊട്ട് പുറകിൽ തന്നെ ഉണ്ടായിരുന്നല്ലോ..

പെട്രോൾ ഇല്ലേ വണ്ടിയിൽ..

ആ.. അതുണ്ടാവില്ല അഭി..

ഞാൻ നൂറു രൂപക്ക് അടിച്ചിട്ടുണ്ടല്ലോ…

ഡേയ് ബുള്ളറ്റിൽ നൂറു രൂപക്ക് പെട്രോൾ അടിച്ചിട്ട് അത് ആ വണ്ടിക്ക് മണക്കാൻ ഉണ്ടാവുമോ..

അത് പിന്നെ ഉപ്പയുടെ കയ്യിൽ നിന്നും അടിച്ചു മാറ്റിയതെല്ലേ..

എന്നാലും കഴിയാൻ ആയിട്ടില്ല…

▪️▪️

പുറകിൽ നിന്നും ഒരു തേങ്ങി കരച്ചിൽ കേൾക്കുന്നുണ്ട്..

എന്താടി ചൂലേ നീ കിടന്ന് മോങ്ങുന്നത്..

തിരിച്ചടി ലഭിക്കാൻ തുടങ്ങിയപ്പോൾ നിനക്ക് നൊന്തോ..

നിന്നെ എന്താണ് അവൻ ചെയ്യാൻ ഉദ്ദേശിക്കുന്നതെന്ന് ഞങ്ങൾക്കു പോലും അറിയില്ല..