താമര മോതിരം 11 [Dragon] 469

വസ്ത്രങ്ങൾ മാറി കണ്ണന്റെ മുറിയിലേക്ക് പോയി സഞ്ജു
അവിടെ അവൻ കട്ടിലിൽ കിടക്കുകയായിരുന്നു – അവന്റെ കണ്ണുകൾ തുറന്നിരിക്കുന്നുണ്ടെങ്കിലും അവന്റെ മനസ് ഇവിടെ അല്ല എന്നു അറിയാമായിരുന്നു സഞ്ജുവിന്
കണ്ണന്റെ അടുത്തേക്ക് ഇരുന്ന സഞ്ജു അവനെ കുലുക്കി വിളിച്ചു ശേഷം – അവനോടു ചോദിച്ചു – എന്താടാ നിന്ന് – എന്താ പറ്റിയെ
സംസാരിച്ചു കൊണ്ടിരുന്ന നീ പെട്ടെന്ന് കുളത്തിലേക്ക് തുറിച്ചു നോക്കി കുറെ സമയം ഇരുന്നു – പിന്നെ എണിറ്റു കുളത്തിന്റെ അങ്ങേ കരയിലുള്ള വള്ളിക്കാട്ടിലേക്കു നോക്കി നിന്നിട്ടു പെട്ടെന്ന് വെള്ളത്തിന്റെ മുകളിലേക്ക് ഇറങ്ങി നടക്കാൻ തുടങ്ങി –
നിന്റെ കഴുത്തും കഴിഞ്ഞു വെള്ളത്തിൽക്കു നീ നടന്നു പോകുന്നതും കണ്ടാണ് ഞാൻ നിന്നെ വിളിച്ചത്
എന്റെ വിളി കേൾക്കാതെ നീ മുങ്ങി പോയി ജലത്തിലേക്കു – അല്പം സമയം കഴിഞ്ഞും കാണാതായപ്പോൾ ആണ് ഞാൻ ചാടി നിന്നെ പിടിച്ചു പൊക്കി എടുത്തത്,അപ്പോഴും നിന്റെ കണ്ണ് നീ തുറന്നു പിടിച്ചിട്ടുണ്ടാരുന്ന് –
വായ തുറന്നു എന്തോ പറയാൻ ശ്രമിക്കുന്നുണ്ടായിരുന്നു, അങ്ങനെ ആണ് നിന്റെ മൂക്കിലൂടെയും വായിലൂടെയും വെള്ളം കയറിയത്
എന്താ ശെരിക്കും സംഭവിച്ചത് – ദേവുവിനോട് നീ എന്ത് ചതി ആണ് കാണിച്ചത്
കണ്ണൻ ;- ഡാ എനിക്ക് കുറച്ചു സമയം താ , ഞാൻ എല്ലാം പറയാം – കുറെ ഏറെ ഉണ്ട് നിന്നോട് പറയാൻ – ഇപ്പൊ തൽക്കാലം ഒന്നും ദേവു അറിയണ്ട – നീ മാത്രം അറിഞ്ഞാൽ മതി .
സഞ്ജു ;- ശരി ,നീ ഇപ്പോൾ കിടക്കു – കുറച്ചു വിശ്രമിക്കു അപ്പോൾ എല്ലാം ശരി ആകും.
അവിടെ നിന്ന് പുറത്തേക്കു ഇറങ്ങിയെങ്കിലും സഞ്ജുവിന്റെ മനസ്സിൽ കുറെ ചോദ്യങ്ങൾ ഉയർന്നു വന്നു
ദേവു തൊട്ടടുത്ത് ഇരുന്നപ്പോഴും അവൻ കുളത്തിലേക്ക് നോക്കിയാണ് സംസാരിച്ചത് –
ദേവു എന്ന് സംബോധന ചെയ്തു എങ്കിലും അത് ഈ ദേവുവിനെ വിളിക്കുന്നത് പോലെ തോന്നിയതേ ഇല്ല
കരഞ്ഞു കൊണ്ടാണ് മാപ്പു ചോദിച്ചതും ദേവുവിനെ ചതിച്ചതിനു –
അത്രയ്ക്ക് മാത്രം അവളോട് ഇവൻ തെറ്റ് എന്തെങ്കിൽം ചെയ്തെന്നു തന്റെ അറിവിൽ ഇല്ല മാത്രമല്ല അവളുടെ പെരുമാറ്റത്തിലും അത് പ്രകടമായതും ഇല്ല .
അപ്പോൾ അവിടെ എന്താണ് സംഭവിച്ചത് -ഏകദേശം ഇതേ ചിന്ത താഴെ അടുക്കളയിൽ വാസന്തിയെ സഹായിക്കുകയായിരുന്നു ദേവുവിനും തോന്നി.
ഒരേ ഒരു വ്യത്യാസം മാത്രം
കണ്ണന് തന്നോടുള്ള സ്നേഹത്തിന്റെ ആഴം അറിയാൻ പറ്റിയതിന്റെ സന്തോഷവും കൂടെ അവളുടെ മനസ്സിൽ ഉണ്ടായിരുന്നു –
ആയിരം സംശയങ്ങൾക്കിടയിലും അത് അവൾക്കു ആശ്വാസം ആണ് ഉണ്ടാക്കിയത്.

അതെ സമയം കണ്ണന്റെ മനസ്സിൽ കുളത്തിന്റെ അടിത്തട്ടിൽ തന്നെ രക്ഷിച്ച ആ യുവാവിന്റെ മുഖം തന്നെ ആയിരുന്നു-

അയാളെ താൻ എവിടേയോ കണ്ടിട്ടുണ്ട് – പക്ഷെ എവിടെ ആണെന്ന് ഒരു പിടിയും കിട്ടുന്നില്ല.
അയാൾ തന്നെ രക്ഷിക്കും വരെ അയാൾ അടുക്കൽ തന്നെ ഉണ്ടായിരുന്നു – തന്റെ കണ്ണ് അടഞ്ഞു ബോധം പോകുന്ന വരെ –
അയാളുടെ മുഖത്ത് വലിയ സങ്കടം ഉണരുന്നു – എന്നെ കണ്ടിട്ട് അയാൾ കരയാൻ ശ്രമിക്കുന്നുണ്ടായിരുന്നു – തന്നോട് ഇത്രയും അടുത്തിടപെടാൻ അയാൾ ആരാണ്
അത് പോലെ താൻ കണ്ട ആ രൂപം അത് പിന്നെ എങ്ങോട്ടാണ് പോയതു – താൻ സ്വപ്നത്തിൽ എന്നപോലെ കണ്ട ആ സ്ഥലം എവിടെ ആണ് –