താമര മോതിരം 11 [Dragon] 469

അതിന്റെ വെള്ളി വെളിച്ചം കൊണ്ട് കണ്ണന് കണ്ണ് കാണാൻ പറ്റാതെ ആയി .
ആ തളിക പതിയെ ആ തടാകത്തിൽ ജലത്തിന്റെ മുകളിലായി അമർന്നു –
ഒരു താമര മൊട്ടിന് പോലും ഒരു ക്ഷതം സംഭവിക്കാതെ ആ തളിക ആ ജലത്തിൽ താണു പോയി –
കൂടെ വെള്ളി വെളിച്ചം ഇല്ലാതെ ആയി ,
ഒരു നീല വെളിച്ചം ഉയർന്നു കത്തി പിന്നെ ആ ജലത്തിൽ അലിഞ്ഞു ചേർന്ന് ഇല്ലാതെ ആയി .
ഇതെല്ലം കണ്ടു കൊണ്ട് സ്വബോധത്തിലേക്കു വന്നു കണ്ണൻ – പിന്നെ തിരിഞ്ഞു അവിടെ മുഴുവൻ നോക്കി ആ സ്ത്രീ രൂപം കാണാതായിരുന്നു.
ഇപ്പോൾ താൻ എവിടെ യാണ് – എന്ന് അറിയാൻ സാധിക്കുന്നുണ്ടായിരുന്നില്ല കണ്ണനു .
ആ ആൽമരത്തിന്റെ ചുവട്ടിലേക്ക് നടന്നു അവിടെ മുഴുവൻ തിരഞ്ഞു ആ രൂപത്തിനെ
ആളിന്റെ ചുവട്ടിലേക്ക് നടക്കും തോറും തന്റെ ഉള്ളിലേക്ക് മറ്റൊരു ശക്തി വന്നലിയുന്നതു അറിയുന്നുണ്ടായിരുന്നു കണ്ണൻ
തന്റെ ശരീരത്തിൽ എന്തെല്ലാമോ മാറ്റങ്ങൾ സംഭവിക്കുന്നുണ്ട് – ആൽമരത്തിന്റെ ചുവട്ടിൽ നിന്നും ആ സ്വർണ ഗോപുരത്തിലേക്കു ഓടുകയായിരുന്നു കണ്ണൻ –
സ്വർണ ഗോപുരത്തിന്റെ പടിവാതിൽക്കൽ നിന്ന് അകത്തേക്ക് കയറിയ കണ്ണന്റെ മനസും ശരീരവും പൂർണമായി അലിഞ്ഞു ചേർന്ന് ആ അന്തരീക്ഷവുമായി
ആദ്യമായി ഈ ലോകത്തേക്ക് ഇറങ്ങി വന്ന ഒരു പിഞ്ചു കുഞ്ഞിന്റെ മനസുമായി കണ്ണൻ ആ സ്വർണഗോപുരത്തിന്റെ നിരപ്പിലൂടെ അകത്തേക്ക് നടന്നു
അങ്ങ് കുറച്ചു അകലെ യായി ഒരു സ്വർണ ഗോപുരം കാണുന്നുണ്ട് – അതിന്റെ ഉള്ളിൽ പച്ച നിറത്തിലുള്ള എന്തോ ഒന്ന് പ്രകാശപൂരിതമായി നിലനിൽക്കുന്നു.
അതിലേക്കു ആ ഗോപുരത്തിന്റെ ഉള്ളിലേക്ക് നടന്നു കയറുകയായിരുന്നു കണ്ണനെ പെട്ടെന്ന് ആരോ പിന്നിൽ നിന്നും പിടിച്ചു വലിക്കുന്നത് പോലെ തോന്നി –
തിരിഞ്ഞു നോക്കാൻ പോലും നിൽക്കാതെ വളരെ ശക്തിയിൽ മുന്നോട്ടു അങ്ങ് ആ ഗോപുരത്തിനു മുന്നിലേക്ക് പോകാൻ ശ്രമിച്ചു കണ്ണൻ
ആ ഹരിത വർണത്തിന്റെ മധ്യത്തിൽ രക്തഷിണിതമായ എന്തോ ഒന്ന് അതി തീഷ്ണമായി എരിഞ്ഞു കത്തുന്നു .
അത് കണ്ടതോടെ കണ്ണന്റെ കണ്ണിൽ അതെ തീഷ്ണത കത്താൻ തുടങ്ങി,
അതിലേക്കു തന്റെ മനസിനെയും ശരീരത്തിനെയും കൊണ്ടെത്തിക്കാൻ അവൻ മുന്നോട്ടേക്കു ആഞ്ഞു കൊണ്ടേ ഇരുന്നു – അതി ശക്തമായി മുന്നോട്ടേക്കു………
എന്നാൽ അതിലും ശക്തിയായി പിന്നിൽ നിന്നും അവനെ പിന്നിലേക്ക് വലിച്ചു കൊണ്ടേ ഇരുന്നു –
എന്തോ ഒരു ശക്തി – തന്റെ പിന്നിൽ ആരെങ്കുലും ഉണ്ടെന്നു തോന്നിക്കുക പോലും ചെയ്യാതെ ഉള്ള ഒരു അദൃശ്യ ശക്തി കണ്ണനെ പിന്നിലേക്ക് വലിച്ചു
പിന്നിലേക്കു പൊയ്ക്കൊണ്ടിരുന്ന കണ്ണൻ പെട്ടെന്ന് അവിടെ കണ്ട ഒരു തൂണിൽ ശക്തിയായി പിടിച്ചു.
ഒപ്പം മുന്നിലേക്ക് പോകാനായി ആ തൂണിനെ താങ്ങി ,
എന്നാൽ അതിലും നൂറിരട്ടി ശക്തമായി ആ ശക്തി കണ്ണനെ പിന്നിലേക്ക് വലിച്ചത്
– ആ തൂൺ പൊട്ടി അവൻ പിന്നിലേക്ക് വീണു -.ചാടി എണിറ്റു വീണ്ടും തൂണിൽ പിടിക്കാൻ ആജ്ഞ കണ്ണന്റെ മുന്നിൽ എല്ലാം ഇരുട്ട് കൊണ്ട് മൂടിയിരുന്നു
ആ ഗോപുരവും പിന്നെ അതിനുള്ളിലെ പ്രകാശവും എല്ലാം –
അവന്റെ കണ്ണ് ഇരുട്ടുമായി താതാത്മ്യം പ്രാപിച്ചപ്പോൾ അവന്റെ മുറിയും കട്ടിലും എല്ലാം അവന്റെ മുന്നിലേക്ക് തെളിഞ്ഞു വന്നു
പെട്ടെന്ന് എണിറ്റു ആ കട്ടിലിലേക്ക് ഇരുന്നു കൂടെ ബെഡ് ലാംപ് ഇട്ടു