സ്വപ്ന സാഫല്യം [AJ] 80

ശങ്കർ        :   ആണോ  ലച്ചു.. 

ലച്ചു      :  അച്ഛാ.. ഞാൻ ഉറങ്ങിയൊന്നും ഇല്ല. ഇൗ അമ്മ വെറുതെ പറയുന്നത് ആണ്.

 

മഞ്ജു      :  വെറുതെ ആണോ മോളെ.. അമ്മ കണ്ടത് പറഞ്ഞു. ഇനി അതിനു വേണ്ടി തർക്കം വേണ്ട. ആഹ്.. ഏട്ടാ.. പിന്നെ ഒരു കാര്യം പറയാൻ മറന്നു. ഞാൻ അവിടെ ചെല്ലുമ്പോൾ ലച്ചു ഒരു ചിത്രം വരച്ചു വെച്ചിട്ടുണ്ടായിരുന്നു. മഹാദേവന്റെ ചിത്രം. ഇവൾ വരയ്ക്കും എന്ന് ഞാൻ ഇന്നാ അറിയുന്നേ.

 

ശങ്കർ     :  അച്ഛനും അത് പുതിയ അറിവ് ആണല്ലോ.

 

ലക്ഷ്മി രണ്ടു പേരെയും എതിർക്കാൻ ശ്രമിച്ചില്ല. എന്താണ് ഉണ്ടായത് എന്ന് അവൾക്കു പോലും നിശ്ചയം ഇല്ല. അപ്പോൾ അവൾ എന്ത് പറയാൻ ആണ്. അത് കൊണ്ട് എല്ലാം കേട്ട് മിണ്ടാതിരുന്നു. എങ്കിലും അവൾ ഉറങ്ങി എന്ന് പറഞ്ഞു കളിയാക്കിയത് കൊണ്ട് അതിന്റെ ഒരു നീരസം അവളുടെ മുഖത്ത് ഉണ്ടായിരുന്നു. അതുകൊണ്ട് തന്നെ മഞ്ജുവിനോടു പിണക്കം എന്ന ഭാവത്തിൽ കഴിക്കാൻ കൂട്ടാക്കാതെ തിരിഞ്ഞു  ഇരുന്നു.

 

അതു കണ്ട് രണ്ടു പേർക്കും സങ്കടം വന്നു. അവളുടെ മുഖം വാടുന്നത് അവർക്ക് സഹിക്കില്ലല്ലോ ? ലച്ചുവിന്റെ മുഖം കണ്ട് ശങ്കർ അവളെ ആശ്വസിപ്പിച്ചു. അച്ഛന്റെ പൊന്നു കഴിച്ചേ.. ഇല്ലേൽ അച്ഛന് സങ്കടം ആകും എന്ന് പറഞ്ഞു അവളെ നെഞ്ചോടു ചേർത്ത് പിടിച്ചു. അത് കണ്ട് അവളുടെ വാശി ഒന്നു കുറഞ്ഞുവോ.. അതേ കുറഞ്ഞു.. അതുകൊണ്ട് ആകണം അവൾ കഴിക്കാനായി തുടങ്ങിയിരുന്നു. ഇതൊക്കെ കണ്ട് മഞ്ജുവിന്റെ കണ്ണുകളും നിറഞ്ഞിരുന്നു. അങ്ങനെ സന്തോഷം ആയി ഭക്ഷണം കഴിക്കാൻ തുടങ്ങി. കഴിക്കുമ്പോൾ ലച്ചുവിന്റെ മനസ്സിൽ അപ്പോളും വിഷയം ആ ചിത്രം ആയിരുന്നു.

 

കുറച്ചൊക്കെ കഴിച്ചു കഴിഞ്ഞപ്പോൾ മതിയായി എന്ന് പറഞ്ഞു അവൾ എഴുന്നേറ്റു കൈ കഴുകി വെള്ളം ഒക്കെ എടുത്തു ഉറങ്ങാൻ പോകുവാ എന്ന ഭാവത്തിൽ റൂമിലേക്ക്  പോയി.

 

—————————-

 

ലച്ചുവിന്റെ റൂമിൽ..,

 

റൂമിൽ എത്തി വെള്ളം ടേബിളിൽ വച്ചു ആദ്യം അവൾ നോക്കിയത് താൻ വരച്ചു എന്ന് പറയുന്ന ആ ചിത്രം ആയിരുന്നു. അവളുടെ വിറയാർന്ന ആ കരങ്ങളാൽ ആ ചിത്രം കൈയിൽ എടുത്തു ഭഗവാനെ.. മഹദേവാ.. ശങ്കരാ.. ഇത് എന്ത്  അത്ഭുതം ആണ് ?  ഇൗ ചിത്രം ഇവിടെ എങ്ങനെ വന്നു ? ആരു വരച്ചതാണ് ഇത് ?? എനിക്ക് ഒന്നും മനസ്സിലാകുന്നില്ല ഈശ്വര… എന്ന് പറഞ്ഞു കൈകൾ കൂപ്പി…