സ്വപ്ന സാഫല്യം [AJ] 80

ലച്ചു  : ഈ അമ്മ സ്വപ്നം എന്തേലും കണ്ടോ ? ഞാൻ ഇവിടെ ഇരുന്ന് പഠിക്കുവായിരുന്നു. അല്ലേലും  ഞാൻ ഇന്ന് വരേയും ഒരു പൂവ് എങ്കിലും വരച്ച് അമ്മ കണ്ടിട്ടുണ്ടോ ?

അമ്മ     :  അപ്പോ പിന്നെ ഇത് ആരാ വരച്ചത്, ഇത് ഏത് സബ്ജക്ടിൽ വരുന്നതാ എന്ന് കൂടെ പറഞ്ഞേ. ( എന്ന് ചോദിച്ചു ആ പേപ്പർ അവൾക്ക് നേരെ നീട്ടി )

അമ്മ കളിയാക്കുന്നത് കണ്ട് ലച്ചുവിന് ദേഷ്യം വന്നു എങ്കിലും അവൾ ആ പേപ്പറിൽ നോക്കി അത്ഭുതപ്പെട്ടു പോയി. ഒരു പൂവ് പോലും വരക്കാൻ ശ്രമിച്ചിട്ടില്ല അവൾ. അങ്ങനെയുള്ള അവൾ വരച്ചു എന്ന് അമ്മ പറയുന്ന ചിത്രം. ഇത് എങ്ങനെ സംഭവിച്ചു എന്ന് ഓർത്തു ആകെ ഭയന്നു.

ലച്ചു     :  അമ്മേ.. ഇത് ഞാൻ വരച്ചത് അല്ല.. എനിക്ക് അറിയില്ല. ഞാൻ ഇത് ഇപ്പോളാണ് കാണുന്നത് തന്നെ. പിന്നെ എങ്ങനെയാ ഞാൻ ഇത് വരക്കുന്നത് ?

( അവളുടെ മനസ്സിൽ ആകെ പേടിയും അത്ഭുതവും ഒക്കെ തോന്നി. കാരണം അവൾ അറിഞ്ഞു കൊണ്ട് ഇങ്ങനൊരു ചിത്രം വരച്ചിട്ടില്ല. വരച്ചത് ആയി ഓർക്കുന്നുമില്ല. അവൾക്ക് വരക്കാനും അറിയില്ല. പിന്നെ ഈ ചിത്രം എവിടുന്നു വന്നു എന്നൊക്കെ ഓർത്ത് ആയിരുന്നു ഭയം. എങ്കിലും ഉള്ളിലെ ഭയം അവൽ പുറമെ പ്രകടിപ്പിച്ചില്ല. )

അമ്മ    :  എന്തായാലും മോള് ഇപ്പൊ കഴിക്കാൻ വന്നെ അച്ഛൻ അവിടെ കത്തിരിക്കുവാ. എന്ന് പറഞ്ഞു ആ പേപ്പർ ടേബിളിന് പുറത്ത് വെച്ചു ലച്ചുവിനേയും വിളിച്ചു കഴിക്കാൻ പോയി.

താഴേക്ക് പോകുമ്പോൾ ഇത് എന്തൊക്കെയാ നടക്കുന്നത് ശങ്കരാ.. ഒന്നും മനസ്സിലാകുന്നില്ല എന്ന് ഓർത്തു ലക്ഷ്മിയുടെ മനസ്സിൽ ഒരേ ഒരു ചോദ്യം ആയിരുന്നു. എങ്ങനെ ആ ചിത്രം അവിടെ വന്നു ???

( താഴെ ശങ്കർ രണ്ടു പേരെയും നോക്കി ഇരിക്കുവാണ്. )

വന്നോ.. രണ്ടു പേരും.. എന്ന് അദ്ദേഹം ചോദിച്ചു.

മഞ്ജു   : അതേ ഏട്ടാ.. ഞാൻ പോകുമ്പോൾ ഇവൾ ഉറക്കം ആയിരുന്നു. വിളിച്ചു ഉണർത്തി കൊണ്ട് വന്നതാ.