💞സ്നേഹ തീരം 5 💞 [ ചെകുത്താനെ സ്നേഹിച്ച മാലാഖ ] [Climax] 670

…………

വിഷ്ണു ശരവേഗത്തിൽ ഓടി കുന്ന് ഇറങ്ങി , ബുള്ളറ്റ് സ്റ്റർട്ടാക്കി മുന്നോട്ട് എടുത്തു . അവന്റെ ചെവിയിൽ മുഴങ്ങിയത് മുഴുവൻ അവൻ അന്ന് ഫോണിലൂടെ കേട്ട പാറുവിന്റെ കരച്ചിലായിരുന്നു. അത് അവന്റെ ഉള്ളിലെ പഴയ ആ മൃഗത്തിനെ ഉണർത്തി കൊണ്ടിരുന്നു വർഷങ്ങൾക്ക് മുൻപ് അവൻ തന്നെ കുഴിച്ച് മൂടിയ ആ മൃഗത്തിനെ ആ ഭ്രാന്തമായ അവസ്ഥയെ ……

ബുള്ളറ്റ് ശരവേഗത്തിൽ റോഡിലൂടെ കുതിച്ചു. ബുള്ളറ്റിലെ സൂചി പലതവണ നൂറിന് മുകളിലേക്ക് കുതിച്ച് കയറി . അവൻ നേരെ പോയത് അവന്റെ വീട്ടിലേക്കാണ് . ബുള്ളറ്റ് പുറത്ത് വച്ച് അവൻ വീടിനകത്തേക്ക് ഓടികയറി . വേഗം സ്റ്റെപ്പ് കയറി അവൻ തന്റെ മുറിയിൽ എത്തി .

അവൻ മുറിയിൽ പലയിടത്തും കണ്ണോടിച്ചു പക്ഷെ അവന്റെ ആ പഴയ ആയുധം അവന് കണ്ടെത്താനായില്ല. തന്റെ ചേട്ടൻ ഒരു വല്ലാത്ത ഭാവത്തിൽ റൂമിലേക്ക് ഓടി വരുന്നത് കണ്ട കിച്ചു ഓടി വിഷ്ണുവിന്റെ റൂമിൽ എത്തി .

” എന്താ ചേട്ടാ എന്താ പ്രശ്നം ? ചേട്ടൻ എന്താ വല്ലാതെ ഇരിക്കുന്നേ ? എന്തുപറ്റി ? ”

അവന്റെ മുഖത്തെ മാറ്റം കണ്ട് ഒരു പേടിയോടെ കിച്ചു ചോദിച്ചു.

” കിച്ചു എവിടെ …. ? എന്റെ …. എന്റെ …. സ്റ്റിക്ക് എവിടെ ? ”

വിഷ്ണു റൂമിൽ ആകെ കണ്ണോടിക്കുന്നതിനിടയിൽ കിച്ചുവിനോട് ചോദിച്ചു .

” ചേട്ടന് അതിപ്പൊ എന്തിനാ ? അതൊക്കെ ചേട്ടൻ ……”

കിച്ചുവിന്റെ വാക്കുകൾ മുറിഞ്ഞ് നിന്നു .

” കിച്ചു അത് എവിടെ എന്നാ ചോദിച്ചത് ? ”

അവന്റെ ശബ്ദം അൽപം ഉയർന്നു ഒപ്പം അതിൽ ദേഷ്യവും കലർന്നിരുന്നു .

” ചേട്ടന്റെ മുറി വൃത്തി ആക്കിയപ്പോൾ ഞാനതെടുത്ത് കട്ടിലിന്റെ അടിയിലേക്ക് ഇട്ടിരുന്നു . ”

കിച്ചു അത് പറഞ്ഞതും അവൻ കട്ടിലിന്റെ അടിയിലേക്ക് പരതി . കട്ടിലിന്റെ അടിയിൽ കിടന്ന ഒരു നീളൻ ബാഗ് അവൻ പുറത്തേക്ക് വലിച്ചെടുത്തു. അത് തുറന്ന് അതിൽ നിന്നും തന്റെ പഴയ സുഹൃത്തിനെ അവൻ കയിൽ എടുത്തു , flash എന്ന ലേബൽ പതിപ്പിച്ച ഒരു വില കൂടിയ ഹോക്കി സ്റ്റിക്ക് (🏑).

” ഏട്ടനിപ്പോ എന്തിനാ ഇത്.. എനിക്ക് പേടിയാകുന്നു . എന്താ ഏട്ടാ കാര്യം ? ചേട്ടൻ എല്ലാം ഉപേക്ഷിച്ചതല്ലേ …. എന്നിട്ടും ഇനി എന്തിനാ ഇത് .”

വിഷ്ണുവിന്റെ കയിൽ പിടിച്ച് കൊണ്ട് കിച്ചു നിറ കണ്ണുകളോടെ അവനോട് ചോദിച്ചു . കാരണം കിച്ചുവിന് അറിയാം അവളുടെ പഴയ ചേട്ടനെ , അവന്റെ പഴയ സ്വഭാവത്തെ .

” ഇതൊ . ഇതെനിക്ക് വേണം . ഇനി സംഹാരം …… അതാണ് എന്റെ ലക്ഷ്യം . കിച്ചൂ….. നീ പേടിക്കണ്ട ഇത് ഇപ്പൊ എനിക്ക് ആവശ്യമുണ്ട് , ഞാൻ മടങ്ങി വരുമ്പോൾ ഒരാൾ കൂടെ എന്റെ ഒപ്പം ഉണ്ടാകും നീ ഒട്ടും പ്രതീക്ഷിക്കാത്ത ഒരാൾ . ”

ഒരു ഭ്രാന്തമായ പുഞ്ചിരിയോടെ അവൻ ഹോക്കി സ്റ്റിക്ക് നോക്കി അതും പറഞ്ഞ് വിഷ്ണുവിന്റെ ഇടത്തെ കയ്യിൽ മുറുക്കെ പിടിച്ചിരുന്ന കിച്ചുവിന്റെ കൈകൾ വിടുവിച്ച ശേഷം വലതുകയ്യിൽ ഹോക്കി സ്റ്റിക്കും മുറുക്കെ പിടിച്ച് വീടിന് പുറത്തേക്ക് അവൻ വേഗത്തിൽ നടന്ന് ഇറങ്ങി . വീടിന്റെ കാർപോച്ചിൽ ഒതുക്കി ഇട്ടിരുന്ന പാറുവിന്റെ ഇഷ്ട വാഹനം ആ പഴയ ബെൻസിൽ വിഷ്ണു കയറി . വേഗത്തിൽ റിവേഴ്സ് എടുത്ത് പുറത്തേക്ക് കാർ ഇറക്കി സ്റ്റിയറിംഗ് കറക്കി ഗിയർ തട്ടി മാറ്റി ആക്സിലേറ്റർ ചവിട്ടി അവൻ അതിവേഗത്തിൽ കാർ മുൻപോട്ട് എടുത്തു .

ശബ്ദമൊക്കെ കേട്ട് പുറത്തേക്ക് വന്ന വിഷ്ണുവിന്റെ അമ്മ പുറത്തെ സിറ്റ്ഔട്ടിൽ അവൻ പോകുന്നതും നോക്കി നിന്ന കിച്ചുവിനോട് എന്തോ തിരക്കുന്നത് വിഷ്ണു കാറിന്റെ സൈഡിലെ കണ്ണാടിയിലൂടെ കണ്ടു .