💞സ്നേഹ തീരം 5 💞 [ ചെകുത്താനെ സ്നേഹിച്ച മാലാഖ ] [Climax] 670

എല്ലാവരുടെയും ശാപം അല്ലാതെന്താ …. കോൺട്രാക്ട് മറിച്ച് കൊടുക്കുമ്പോ അങ്ങേര് വാങ്ങിച്ച് കൂട്ടുന്ന കമ്മീഷൻ കുറച്ചൊന്നും അല്ലായിരുന്നു ആർത്തി പണ്ടാരം ഇപ്പൊ അനുഭവിക്കുകയല്ലേ ……. ഇന്നുവരുന്ന പുള്ളി എങ്ങനെയാണാവോ ….. നീ ചെന്ന് എല്ലാം റെഡിയാണോ എന്ന് നോക്ക് …. മ് ചെല്ല് . ”

അയാൾ അത് പറഞ്ഞതും ആ ചെറുപ്പക്കാരൻ പറഞ്ഞ കാര്യങ്ങൾ എന്തായി എന്ന് നോക്കാൻ വേണ്ടി പോയി .

സമയം കടന്നുപോയി . മീറ്റിംഗ് ഹാളിലെ ദീർഘവൃത്താകൃതിയിലുള്ള മീറ്റിംഗ് റ്റേബിളിന് ചുറ്റും ഉള്ള ചെയറുകളിൽ ബോർഡ് മെമ്പേഴ്സ് സ്ഥാനം പിടിച്ചു , RJ ഗ്രൂപ്പിന്റെ പുതിയെ ചെയർമാനെ കാണാൻ വേണ്ടി കോൺട്രാക്റ്റ് തങ്ങൾക്ക് തന്നെ നേടിയെടുക്കാൻ വേണ്ടി . കാരണം ബിസിനസ് മേഖലയിൽ RJ ഗ്രൂപ്പിന് ഇപ്പോൾ ഏറ്റുവും ഉയർന്ന സ്ഥാനമാണ് . കഴിഞ്ഞ മൂന്ന് വർഷം കൊണ്ട് RJ ഗ്രൂപ്പ് പഴയ നിലയിൽ നിന്ന് പുതിയ നിലയിലേക്ക് ബിസിനസ് രംഗത്ത് സൃഷ്ടിച്ച മാറ്റം ചെറുതൊന്നുമല്ല . അവരുമായി ഒരു കോൺട്രാകറ്റ് അത് ഏത് കമ്പനിയും ആഗ്രഹിച്ചു പോകും .

മണിക്കൂറിന്റെ സൂചി 10 ൽ സ്ഥാനം പിടിച്ചതും ഡോർ തുറന്ന് അയാൾ അകത്തേക്ക് നടന്ന് വന്നു. ടൈയും കോട്ടും ഷൂവും ധരിച്ച് സുന്ദരനായ ഒരു യുവാവ് എക്സിക്യൂട്ടീവ് ലുക്കിൽ . ആ ബിസിനസ് മാൻ ഡ്രിം ചെയ്ത താടിയും കട്ടി മീശയും നല്ല രീതിയിൽ ചീകി ഒതുക്കിയ മുടിയും ഇടത് കയിൽ ഒരു ബ്രാൻഡഡ് വാച്ചും ഒക്കെയായി അകത്തേക്ക് നടന്ന് വന്നു നല്ല സ്റ്റൈലൻ ലുക്കിൽ . വന്നത് മറ്റാരുമല്ല ഈ കഥയിലെ നായകൻ വിഷ്ണു തന്നെ .

അവിടെ ഇരുന്ന എല്ലാപേരും എണീറ്റ് ഒരു കയ്യടിയോടെ RJ ഗ്രൂപ്പിന്റെ പുതിയ ചെയർമാനെ വരവേറ്റു . വിഷ്ണു ഒരു പുഞ്ചിരിയോടെ നടന്ന് തനിക്കായി മാറ്റിയിട്ടിരുന്ന ചെയറിൽ ഇരുന്ന് എല്ലാവരെയും ഒന്ന് പരിചയപ്പെട്ട ശേഷം കോൺട്രാക്റ്റിന്റെ കാര്യങ്ങൾ ഡിസ്കസ് ചെയ്യാൻ തുടങ്ങി .

………..

ഒരു മണിക്കൂർ നീണ്ട മീറ്റിങ്ങിനൊടുവിൽ എഗ്രിമന്റ് സൈൻ ചെയ്ത ശേഷം വിഷ്ണു കമ്പനി കെട്ടിടത്തിന് പുറത്തേക്ക് ഇറങ്ങി . ഗ്ലാസ് ഡോറ് തുറന്ന് പുറത്ത് ഇറങ്ങിയതും അവന്റെ മുൻപിൽ BMW 7 സീരിസിലെ ഒരു പുത്തൻ കാർ വന്ന് നിന്നു . വിഷ്ണുവിന്റെ മാനേജർ പുറകിലെ ഡോർ തുറന്നുകൊടുത്തു അവൻ അകത്ത് കയറിയതും അയാൾ മുൻപിൽ കയറി , ഡ്രൈവർ കാർ മുന്നോട്ട് എടുത്തു .

” രാഘവേട്ടാ …… ദൂരം കുറച്ച് ഉണ്ട് എന്നാലും വേഗം എത്തണം . ”

വിഷ്ണു തന്റെ ഡ്രൈവറിനോട് പറഞ്ഞു .

” അതിനെന്താ മോനോ …… ഉച്ച കഴിയുമ്പോഴത്തേക്കും മോനെ അവിടെ എത്തിക്കുന്ന കാര്യം ഞാൻ ഏറ്റു മോൻ ഒന്ന് മയങ്ങിക്കോ ….. ”

രാഘവേട്ടൻ ഒരു പുഞ്ചിരിയോടെ അത് പറഞ്ഞതും മറുപടിയായി വിഷ്ണുവും ഒന്ന് പുഞ്ചിരിച്ചു .

കാറിലെ സീറ്റിൽ തല ചാരി ഇരുന്നതും വിഷ്ണു ഇരുന്നതിനടുത്ത് സീറ്റിൽ കിടന്ന അവന്റെ ഐഫോണിലെ മെസേജ് സൗണ്ട് മുഴങ്ങിയതും ഒരുമിച്ചായിരുന്നു . ഒരു വാട്സ് ആപ്പ് മെസേജ് ആയിരുന്നു അത് .

വിഷ്ണു ഫോൺ കയ്യിലെടുത്ത് ഓണാക്കി നോക്കി . ആ ആളിന്റെ പേര് ” My Heart ” എന്ന് വിഷ്ണു ടൈപ്പ് ചെയ്തിരിക്കുന്നു . ആ പേര് കണ്ടതും അവന്റെ മുഖത്ത് ഒരു പുഞ്ചിരി വിടർന്നു . അവൻ ആ മെസേജ് ഓപ്പൺ ആക്കി നോക്കി .

” അവിടുന്ന് ഇറങ്ങിയോ …. ? ”