റെജിയുടെ സുവിശേഷങ്ങൾ 1 [മനൂസ്] 3333

പരിഹാസ രൂപേണ റിൻസി പറഞ്ഞു ….

തിരിച്ചൊരു മറുപടി നൽകാതെ റിനി അപ്പോഴും നടന്നു …

“എന്തായാലും ക്ലാസ്സിൽ കയറുന്നതിനു മുൻപ് ഇച്ചേച്ചി ആ മുഖം കഴുകിയേക്ക് കേട്ടോ…

“എന്തുപറ്റി പൗഡർ കൂടി പോയോ”…

മുഖം തുടച്ചു കൊണ്ട് റിനി ചോദിച്ചു ..

“അല്ല മുഖത്തെ ആ വളിപ്പ് അങ്ങോട് മാറി കിട്ടും …..”

അത് കേട്ടതും റിനിയുടെ മുഖം ദേഷ്യം കൊണ്ട് ചുവന്നു ….

റിനിയിൽ നിന്നും തിരിച്ചൊരു മറുപടി കിട്ടും മുൻപേ റിൻസി സ്ഥലം കാലിയാക്കിയിരുന്നു…

പിന്നീട് ഉള്ള രണ്ട ദിവസങ്ങളിലും  അവർ അവനുമായി സംസാരിക്കാൻ ശ്രമിച്ചെങ്കിലും അതെല്ലാം വിഫലമായിരുന്നു …

ഒടുവിൽ ചേട്ടായിയുടെ സ്നേഹം നേടിയെടുക്കാൻ ഉള്ള പരിശ്രമങ്ങളിൽ ഒന്നിച്ചു പോകാമെന്നുള്ള ധാരണയിൽ അവർ എത്തിച്ചേർന്നു…

തെക്കും വടക്കുമായി നടന്ന തന്റെ മക്കൾ  ഈയൊരു ദൗത്യത്തിൽ ഒന്നിച്ചു ചേർന്നതിൽ ഷേർളിക്ക് അതിയായ സന്തോഷം തോന്നി

അവനോടു സംസാരിക്കാനും ശ്രെദ്ധനേടാനും വേണ്ടിയുള്ള  പല പദ്ധതികളും ഇരുവരുടെയും തലയിൽ ഉദിച്ചേങ്കിലും അതൊന്നും പ്രായോഗിക തലത്തിലേക്കു പരിണമിച്ചില്ല ….

വേറെ ഒന്നും കൊണ്ട് അല്ലാട്ടോ… വെറും പേടി കൊണ്ടാ ……

എത്ര ധൈര്യത്തോടെ അവന്റെ മുൻപിൽ ചെന്നാലും അവസാനം നിമിഷം രണ്ട് പേരും കാലിടറി വീഴും….

അമ്മച്ചിക്ക് കൊടുത്ത ഉറപ്പ് സാധിക്കുക എന്നത് അത്ര എളുപ്പമല്ല എന്നത് അതിനോടകം തന്നെ അവർക്ക് മനസ്സിലായി..