(ഇത് റെജിയുടെ കഥയാണ്.. അവന്റെ ആത്മസംഘർഷങ്ങളുടെ കഥ)

“ഇവിടാരൂല്ലേ….”

ചുമലിലേന്തി വന്ന സഞ്ചി നിലത്ത് വച്ചുകൊണ്ട് റെജി ചോദിച്ചു…

“റിൻസി….”

അവന്റെ തൊണ്ടയിൽ നിന്നും ഇടിമുഴക്കം പോലെ ശബ്ദം പുറപ്പെട്ടു…

ഞൊടിയിടയിൽ ഷേർളിയും റിനിയും ഉമ്മറത്തേക്ക് വന്നു…

“സാധനങ്ങൾ എല്ലാം ഉണ്ടോന്ന് നോക്ക്… വല്ലതും വിട്ട് പോയിട്ടുണ്ടെങ്കിൽ പറയു… രാത്രി പോകുമ്പോ വാങ്ങി വരാം…”

അവൻ പറഞ്ഞു തീർന്നതും ഇരുവരും വളരെ വേഗത്തിൽ സാധനങ്ങൾ എല്ലാം ഉണ്ടോയെന്ന് നോക്കി ബോധ്യപ്പെട്ടു….

“എല്ലാം ഇല്ലേ…”

വീണ്ടുമാ ശബ്ദം ഉയർന്നു…

“ഉണ്ട്..”

ഷേർളി മറുപടി പറഞ്ഞു…

പക്ഷെ റിനിയുടെ മുഖത്ത് എന്തിന്റെയോ അഭാവം നിഴലിച്ചിരുന്നു..

“എന്താടി…”

അവൻ അവൾക്ക് നേരെ ചോദ്യമെറിഞ്ഞു..

“അത്… എനിക്ക്…”

“എന്താന്ന് വച്ചാൽ തൊള്ള തുറന്ന് പറയടീ..”

അവൻ അലമുറയിട്ടു..