ഒരുവട്ടം കൂടി…. [ഖല്‍ബിന്‍റെ പോരാളി ?] 193

““ഞാന്‍ വെറുതെ പറഞ്ഞതല്ല ശരണ്‍… നിന്നെക്കുറിച്ച് എനിക്ക് എല്ലാമറിയാം…. ഇതുവരെയുള്ള പ്രധാനസംഭവങ്ങളെല്ലാം…. ഒരുപക്ഷേ അടുത്ത ഒരു അമ്പതുകൊല്ലം നടക്കുന്നതും…”” വന്നിരുന്ന ആള് പറഞ്ഞു.

 

““നിങ്ങള്‍ക്ക് പ്രാന്താണോ….?”” അയാളുടെ സംസാരം കേട്ട് ശരണ്‍ ചോദിച്ചു. അവന്‍റെ ചോദ്യം കേട്ട് പതിവിലും ഉറക്കെ അയാള്‍ അവനെ നോക്കി ചിരിച്ചു. അയാളുടെ ചിരി കണ്ട് ശരണ്‍ അന്തംവിട്ടു നിന്നു. 

 

““ഇത് വട്ട് തന്നെ… ദൈവമേ പെട്ടല്ലോ….”” ശരണ്‍ മനസില്‍ കുറിച്ചു.

 

““നിന്‍റെ ഇതുവരെയുള്ള ജീവിതം പറഞ്ഞാല് നിനക്ക് വിശ്വാസം വരുമോ….?”” അയാള്‍ ശരണിനോട് ചോദിച്ചു.

 

““നിങ്ങള് പറ…. കേട്ടിട്ട് പറയാം….”” ശരണ്‍ ഉടനെ മറുപടി നല്‍കി. 

 

““ഒക്കെ… അതിന് മുമ്പ് നീ എനിക്കൊരു ഹെല്‍പ് ചെയ്യണം….”” അയാള്‍ പറഞ്ഞു.

 

““എന്ത് ഹെല്‍പ്…?””

 

““നീ പോകുന്ന അതെ സ്റ്റോപ്പിലേക്ക് എനിക്കും ഒരു ബസ് ടിക്കറ്റ് എടുത്ത് തരണം….”” അയാള്‍ പറഞ്ഞു.

 

““ഓഹോ…. അപ്പോ കൈയില് പൈസ ഇല്ല… അതാണല്ലേ ഓരോ നമ്പറിട്ട് ടിക്കറ്റെടുപ്പിക്കാന്‍ നോക്കുന്നത്….”” അയാളുടെ ആവശ്യം കേട്ട് ശരണ്‍ ചോദിച്ചു.

 

““അല്ലടാ…. എന്‍റെല്‍ ലിക്വിഡ് ക്യാഷ് ഇല്ലാത്തത് കൊണ്ടാണ്….”” അയാള് പറഞ്ഞു.

 

““പിന്നെ…?”” ശരണ്‍ ചോദിച്ചു.

 

““അതൊന്നും പറഞ്ഞ നിനക്ക് മനസിലാവില്ല… ഇപ്പോ നിനക്ക് ക്യാഷ് കൊടുക്കാന്‍ പറ്റുമോ… അത് പറ…. ആകെ പതിനഞ്ച് രൂപയല്ലേ ഉള്ളു….””  അയാള്‍ ചോദിച്ചു.

 

““ശരി…. ഞാന്‍ കൊടുത്തോളാം…. അല്ല ഞാന്‍ എങ്ങോട്ടാണ് എന്ന് നിങ്ങള്‍ക്ക് അറിയുമോ….?”” ശരണ്‍ ചോദിച്ചു.

 

““തൃപ്പങ്ങോട് ശിവക്ഷേത്രത്തിലേക്ക്…. അമ്പലപ്പടി സ്റ്റോപ്പ്….”” അയാള്‍ പറഞ്ഞു. ദേവ് അതിശയത്തോടെ നോക്കി നിന്നു. അപ്പോഴേക്കും കണ്ടക്ടര്‍ ടിക്കറ്റ് ടിക്കറ്റ് എന്ന് കാറി കൊണ്ട് അവരുടെ അടുത്തേക്ക് വന്നു.