ഒരു കരിയില കാറ്റിന്റെ സ്വപ്നം 2 [കലിയുഗ കാലി] 41

പിന്നെ എന്തു ചെയ്യാൻ ആണ് എന്റെ മോന്റെ പ്ലാൻ?

(വീണ്ടും ലച്ചു ഗൗരവം അവഹിച്ചു )

ഞാൻ പറയാം പക്ഷേ ചേച്ചി…. സമ്മതിക്കണം

നീ….  ആദ്യയാം   കാര്യം പറ………

അത്…… ഞാൻ ഇപ്പോൾ അത്യാവശ്യം നല്ലത് പോലെ ഡ്രൈവിങ് ഒക്കെ ചെയ്യുന്നുണ്ട്

അങ്ങനെ വരുമ്പോൾ ഒരു ലൈസൻസ് എടുക്കുവാണെങ്കിൽ എവിടെയെങ്കിലും പെട്ടെന്ന് തന്നെ ജോലിയും കിട്ടും

എനിക്കാണങ്കിൽ ഈ ജോലിയോട് വലിയ താല്പര്യം ആണ് ചേച്ചി…….
എന്തു പറയുന്നു?

അയ്യോ….. വണ്ടി ഓടിക്കാൻ പോകാനൊ  അത് വേണമോ അച്ചു…..

(ലച്ചുവിന് അവൻ ബൈക്ക് ഓടിക്കുന്നതുപോലും പേടിയാണ് പിന്നെയാണ് കാറിന്റെ കാര്യം വേറെയൊന്നും കൊണ്ടല്ല വല്ല അപകടം പറ്റുമോ എന്നാ ആധിയാണ് പാവത്തിന് )

അയ്യോടാ……  ഈ ചേച്ചി ഇത്രക്കും പേടിത്തൊണ്ടി ആയിപോയല്ലോ…

അങ്ങനെയൊക്കെ നോക്കിയാൽ ഈ ലോകത്ത് വേറെ ആരും വണ്ടിയോടിക്കാതെ ഇരിക്കുവാണോ  എന്റെ പൊന്നുച്ചേച്ചി…..

(അച്ചു അവളെ കളിയാക്കി )

പിന്നെ……..  പിന്നെ……  എനിക്ക് അത്രയ്ക്കും പേടിയൊന്നും ഇല്ല പിന്നെ……….. ചെറിയ ഒരു  ഇത്‌….

അതിനു തന്നെയാണ് പച്ചമലയാളത്തിൽ പേടി……  എന്നു പറയുന്നത് (അച്ചു പൊട്ടിച്ചിരിച്ചു )

ഡാ….  ഡാ……  നീ എന്നെ കളിയാക്കാൻ മാത്രം അയോട….

അങ്ങനാണെങ്കിൽ നീ ലൈസൻസ് എടുക്കുന്നത് എനിക്ക് ഒന്ന് കാണണം

(ലച്ചു അവനെ നോക്കി കുശുമ്പ് കുത്തി )

അയ്യോ……  ചേച്ചി അങ്ങനെ പറയരുത് പ്ലീസ്……  പ്ലീസ്…..  എന്റെ ചക്കര ചേച്ചിയല്ലേ  പ്ലീസ്……

ഹ്മ്…..  അങ്ങനെ വഴിക്കുവട ചെക്കാ……

(ലച്ചു വലിയ ആളെപ്പോലെ ഇടുപ്പിൽ രണ്ടു കൈകുത്തി നിന്ന് ചെറുതായി അടി)

അപ്പോൾ എങ്ങനെയാണ് മറ്റേ കാര്യം? (അച്ചുവിൽ നിന്ന് മറുചോദ്യവും ഉയർന്നു )

എന്തു……  കാര്യം !

അല്ല നാളെ ചേരാൻ പോകുകയാണെങ്കിൽ അവിടെ എന്തങ്കിലും അതിനു  ചില്ലറ വല്ലതുമുണ്ടോ?

( അവൻ അൽപ്പം ജാളിതോയോടുകൂടി ചോദിച്ചു )

ഞാൻ ജോലിക്ക് പോകുന്നതിന് മുൻപേ നീ ഏണിയിച്ചില്ലെങ്കിൽ  ചായപ്പൊടി പാത്രത്തിൽ വച്ചേക്കാം പോരെ……

അപ്പോൾ ചേച്ചി നാളെ തൊട്ട് ആ  ജോലിക്ക് പോകാൻ തീരുമാനിച്ചോ?  ( അച്ചുവിന്റെ മുഖത്തു ദയനീയ ഭാവം )

ഇപ്പോൾ ആണ് ഞാൻ ഒരു കാര്യം ആലോചിച്ചത്. “എന്ധോ  വലിയ കാര്യം കണ്ടുപിടിച്ചപോലെ ലച്ചു  തുടർന്നു ”
ഞാൻ ഒരു കാര്യം ചോദിച്ചാൽ നീ സത്യം പറയണം അച്ചു

എന്താ ചേച്ചി……….?

ഞാൻ അന്ന് അവിടെ ജോലിക്ക് പോയതും തുടർന്നുള്ള വിവരങ്ങളും നീ…..  എങ്ങനെ അറിഞ്ഞു

(വീണ്ടും തന്റെ നാവിന് അബദ്ധം സംഭവിച്ചു എന്ന് അവൻ തിരിച്ചറിഞ്ഞു.
ഇനി എന്തു പറയും എന്ന് ചിന്തിച്ചു നിൽക്കുമ്പോൾ )

മിനിചേച്ചി……  ആയിരിക്കും നിന്നോട് പറഞ്ഞത്  അല്ലേ………

(ആ പറച്ചിൽ യാതൊരു അസ്വഭാവികതയും അച്ചുവിന് തോന്നിയിരുന്നില്ല അതിനാൽ തന്നെ അവൻ തലകുനിച്ചു നിന്ന് അതേ എന്ന് മൂളി… )

അതിന് നീ എന്തിനാണ് എങ്ങനെ കള്ളനെപ്പോലെ തലകുനിച്ചിരിക്കുന്നത്  !
എനിക്ക് അപ്പൊയെ തോന്നിയിരുന്നു ഇത്‌ ചേച്ചി ഒപ്പിച്ച പണിയായിരിക്കുമെന്ന്

‘ഒരു കള്ളചിരിയോടുകൂടി ലച്ചു പറഞ്ഞു ‘

(ലച്ചു തന്റെ അനിയന്റെ മുഖത്തു വാത്സല്യപൂർവ്വം നോക്കി തുടർന്നു )

ഈ ജോലി ചിലപ്പോൾ ഗീതു പറഞ്ഞപോലെ നമുക്ക് ഒരു അനുഗ്രഹം ആയിമാറിയാലോ അച്ചു?

അത് എങ്ങനെ ചേച്ചി…….  (അവനിൽ സംശയഭാവം ഉടലെടുത്തു )