ആതിര ഗർഭിണിയാണ് എന്ന് നടുക്കത്തോടെ അറിയുന്ന സച്ചു..

തുടർന്ന് വായിക്കുക..

എന്റെ ജീവിതത്തിൽ മാത്രം എന്താണ് ഇങ്ങനെയൊക്കെ…….. ജീവിതം പഴയതു പോലെ ആയി എന്നു തോന്നിയ നിമിഷം വീണ്ടും ദൈവം പരീക്ഷിക്കുകയാണല്ലോ….

റൂമിൽ നിന്നും ഭാവമാറ്റം ഒന്നും ഇല്ലാതെ പുറത്തേക്കു ഇറങ്ങിയ ആതിരയെ കണ്ടപ്പോൾ എനിക്കു കൊല്ലാനുള്ള ദേഷ്യം തോന്നി… ഡോക്ടറുടെ മുന്നിൽ എന്നോടൊപ്പം ഇരിക്കുമ്പോൾ അവൾ എന്നെ നോക്കിയില്ല…. അപ്പോഴും ഞാൻ സ്വർഗത്തിൽ ആരുന്നു…

വിഡ്ഢിയുടെ സ്വർഗത്തിൽ …….

റൂമിൽ നിന്നും വെളിയിൽ ഇറങ്ങിയ എന്നെ കണ്ടതും അമ്മ ഓടി വന്നു…

“ന്താടാ മോനെ അവൾക്കു പറ്റിയെ ?? ഡോക്ടർ ന്താ പറഞ്ഞെ ?? മോളെ ന്താ മുഖം വല്ലാണ്ട് ഇരിക്കുന്നത് ?? ആരേലും ഒന്ന് പറ ??.. ”

ഞാൻ ഒന്നിനും മറുപടി കൊടുത്തില്ല… എനിക്കു അതിനു കഴിഞ്ഞില്ല എന്നതാണ് സത്യം… അതെ എനിക്കു എന്റെ മനസ്സിന്റെ കടിഞ്ഞാൺ കൈമോശം വന്നു…. വർഷങ്ങള്ക്കു മുൻപ് എന്റെ ജീവിതം തകർത്ത ആ ഭ്രാന്തൻ ലോകത്തിൽ വീണ്ടും തിരിച്ചു വന്നോ. ??

ഞാൻ മുന്നോട്ടു നീങ്ങി…..

“ന്താ മോളെ കാര്യം പറ ..നീ പേടിപ്പിക്കല്ലേ.. ?”

“അത്… അമ്മേ… ഞാൻ പ്രെഗ്നന്റ് ആണ്‌.. ”

മുഖത്തു ഒരു പുഞ്ചിരി വരുത്തി അവൾ പറഞ്ഞു…

“ഇതു സന്തോഷിക്കാൻ ഉള്ള സമയം അല്ലേ.. പിന്നെ അവന്റെ മുഖം എന്തിനാണ് ഇങ്ങനെ ??”