ഓർമ്മകൾ 2 [മനൂസ്] [Climax] 3085

“ആ ആരായാലും കൊള്ളാം ന്റെ പിള്ളാർക്ക് ചീത്തപേര് വരുത്തി വച്ചേക്കരുത്… ”

കുസൃതി ചിരിയോടെ അവൾ പറഞ്ഞു..

“ചീത്ത പേരോ… ഞാനോ… ”

എനിക്ക് ഒന്നും മനസ്സിലായില്ല..

“ആ… തന്ത പണ്ട് വല്യ കോഴിയായിരുന്നു  എന്നറിഞ്ഞ അവർക്കു നാണക്കേട് അല്ലെ… ”

ഒരു പുഞ്ചിരിയോടെ അവൾ അത് പറഞ്ഞപ്പോൾ ആദ്യം പൊട്ടനെ പോലെ ഞാൻ നോക്കിയെങ്കിലും പിന്നീട് അതൊരു ഞെട്ടലിലേക്കും അത് പിന്നീട് പുഞ്ചിരിയുടെ തിളക്കത്തിലേക്കും മാറി..

സ്വർഗം കിട്ടിയ ഭാവം ആരുന്നു എനിക്ക്….. ഒരിക്കലും കിട്ടില്ല  എന്ന് വിചാരിക്കുന്ന കാര്യം കിട്ടുമ്പോൾ ഉള്ള സന്തോഷം അനുഭവിച്ചു തന്നെ അറിയണം…

പിന്നീട്  പ്രണയത്തിന്റെ നാളുകൾ ആരുന്നു…. ആളൊരു വായാടി ആണ്…. പെണ്ണുങ്ങൾ ആരുമായും എന്നെ അധികം മിണ്ടാൻ സമ്മതിക്കില്ല… എന്തുകൊണ്ടോ അവളുടെ ആ സ്വഭാവം എനിക്കും ഇഷ്ടം ആരുന്നു… എന്നോടുള്ള അവളുടെ അടങ്ങാത്ത പ്രണയത്തിന്റെ തെളിവായി അതിനെ ഞാൻ കണ്ടു….

ഞാൻ അവളെ കുറിച്ച് അമ്മയോട് പറഞ്ഞില്ല,, സുധിക്കും അറിയില്ലാരുന്നു….. അങ്ങനെ എന്റെ കോളേജ് ലൈഫ് അവസാനിക്കാൻ സമയം ആയി…,, ഞങ്ങളുടെ പ്രണയം അത് പാറ പോലെ ഉറച്ചതായി തുടരുന്നു…

അപ്പോഴും വല്യ ബിസിനെസ്സ് മുതലാളി ആയ അവളുടെ അച്ഛന്റെ സമ്മതം ഒരു പ്രശനം ആയി തുടർന്നു…..