Life of pain ?[Demon king] 1503

രൂപ:  അവളുടെ പറച്ചിൽ കേട്ട തോന്നും ഇവിടെ വന്നിട്ട് ഒന്ന് രണ്ട് വർഷമായിന്ന്. വെറും 10 ദിവസമല്ലേ ആയള്ളൂ.

ആൻ: ഇതിന് ദിവസകണക്കൊന്നും നോക്കിയിട്ട് കാര്യമില്ല. സാധനം എവിടെ കിട്ടുമെന്ന് പറ മോളെ…

രൂപ: ഇത് വലിയ സിറ്റി അല്ലെടി. ഇവിടെ അടുത്ത് കിട്ടാൻ സാധ്യത ഇല്ല…..

ഇവിടെ വലിയ വലിയ ഹോട്ടലുകളാണ് ഉള്ളത്.അല്ലെങ്കിൽ പിന്നെ വല്ല ആണുങ്ങളോട് ചൊതിക്കണം. അവരാണ് ഇതിന്റെ ആൾക്കാർ.

അഞ്ചു: ഒ… അപ്പോ മനുവെട്ടന് അറിയുമായിരിക്കുമല്ലോ.

അവള് എന്റെ നേരെ തിരിഞ്ഞ് ചോതിച്ചു.ഞാൻ കേട്ട ഭാവം പോലും നടിച്ചില്ല.

രൂപ: പിന്നെ . ഇയാള് ഉച്ചക്ക് വല്ലതും കഴിക്കുന്നത് പോലും ഞങൾ കണ്ടിട്ടില്ല. പിന്നെയല്ലേ മസാല ദോശ. …

ആൻ: അപ്പോ പിന്നെ നമുക്ക് ഒരുമിച്ച് അന്വേഷിച്ച് പോവാം മനുവേട്ടാ…. നാളെ ഞായറാഴ്ച അല്ലേ നമുക്ക് ഒന്ന് അന്വേഷിച്ച് ഇറങ്ങിയാലോ…..

വീണ്ടും എന്റെ മറുപടി മൗനമായിരുന്നു.

“എന്താ അവിടെ ഒരു ബഹളം”

പെട്ടെന്ന് ബോസ്സ് ഞങളുടെ മുന്നിൽ പ്രത്യക്ഷ പെട്ടു.

” എന്താ അഞ്ജലി ജോലിക്ക് ഇടയിൽ എന്താ ഇവിടെ ചർച്ച”

“ഒന്നും ഇല്ല സർ. എനിക്ക് ഒരു സംശയം ഞാൻ അത് മനുവേട്ടനോട് ചൊതിക്കുകയായിരുന്നു”

“ആണോ മനു”

ബോസ്സ് പെട്ടെന്ന് എന്റെ നേരെ തിരിഞ്ഞു.ഞാനെന്തു പറയണമെന്നറിയതെ

” എനിക്കറിയില്ല സർ….. ഇൗ കിട്ടി ജോലിയുമായി ബന്ധമില്ലാത്ത കൊറേ കാര്യങ്ങൾ   പറയുന്നുണ്ടായിരുന്നു….. എനിക്ക് പണിയുള്ളത് ഉള്ളത് കൊണ്ട് ഞൻ ഒന്നും ശ്രദ്ധിച്ചിരുന്നില്ല സർ…..”

പെട്ടെന്നുള്ള എന്റെ മറുപടി കേട്ട് രൂപയും അഞ്ചുവും ഒരേപോലെ ഞെട്ടി. ഞാൻ അങ്ങനെ പറയും എന്ന് അവള് പ്രദ്ദേക്ഷിച്ചിരുന്നില്ല.അത് അവളുടെ കണ്ണിൽ നിന്ന് തന്നെ കാണാമായിരുന്നു.