എല്ലാരോടുമായാ ഞാൻ പറയുന്നത്‌. നമുക്കിവളുടെ കല്യാണം നടത്തണം. എത്രയും പെട്ടന്ന് തന്നെ ” അമ്മായി അവളെ ചേർത്തു പിടിച്ചു. 

ചുറ്റും കൂടി നിന്ന എല്ലാം മുഖങ്ങളിലും ഒരേ പോലെ ഞെട്ടൽ വ്യക്തമായി.

 

അപ്പോഴേയ്ക്കും അമ്മായീടെ വാക്കുകൾ കേട്ടു ഞെട്ടിയ അച്ചു തല കറങ്ങി ചക്ക വെട്ടിയിട്ടതു പോലെ നിലത്തേയ്ക്കു വീണു.

 

രാധമ്മ അച്ചുവിനടുത്തേക്ക് ഓടിയെത്തി , “മോളെ അച്ചു എഴുന്നേൽക്ക് , ദൈവമേ എന്റെ കുഞ്ഞിനെന്തു പറ്റി. രാഘവൻ വന്നു അവളെ താങ്ങിയെടുത്ത് അകത്ത മറിയിലേയ്ക്ക് കൊണ്ടു ചെന്നു കിടത്തി. മറ്റുള്ളവർ രാഘവനു പിന്നാലെ അവിടേയ്ക്കെത്തി.

 

അച്ചു മോളേ.. കണ്ണു തുറക്കടീ.. രാധാമ്മ അവളുടെ തല മടിയിൽ വെച്ചു കൊണ്ടു വിളിച്ചു കരയുന്നുണ്ടായിരുന്നു.

 

ടാ അജി നീ പോയി കുറച്ചു വെള്ളമിങ്ങെടുത്തേ ” രാഘവൻ പകച്ചു നിൽക്കുന്ന അജിയെ നോക്കി പറഞ്ഞു. കേട്ട പാതി അജി അടുക്കളയിലേക്കു ഓടി.

 

ഫ്രിഡ്ജിൽ ഒരു കുപ്പിയ്ക്കകത്ത് വെള്ളം ഇരിക്കുന്നതെടുത്തു കൊണ്ടുവന്ന് അച്ചുവിൻ്റെ മുഖത്തേയ്ക്ക് ഒഴിച്ചു.

 

അപ്പോഴാണ് അവൻ വെള്ളത്തിൻ്റെ കളർ ശ്രദ്ധിച്ചത്. മഞ്ഞ നിറം. അവൻ അത് കുറച്ചുരുചിച്ചു നോക്കി. സ്ക്വാഷ് കലക്കി വെച്ചിരുന്നതായിരുന്നു അത്.

 

“ടി അച്ചു ദേ സ്ക്വാഷ് അവൻ പെട്ടന്ന് സന്തോഷത്തിൽ പറഞ്ഞു”
ചുറ്റുമുണ്ടായിരുന്നവർ അവനെ തുറിച്ചു നോക്കി.

 

അപ്പോഴാണ് അവനും അക്കിടി പറ്റിയത് മനസ്സിലായത്. അവൻ അച്ചുവിൻ്റെ മുഖത്തേയ്ക്ക് സ്ക്വാഷ് കലക്കിയതാണ് ഒഴിച്ചത്.

 

രാഘവൻ അവനെ നോക്കി പല്ലുകടിച്ചു.