ചിങ്കാരി 4 [Shana] 414

” ചേച്ചി ഈ പറഞ്ഞതിന് ഞാൻ ഒരു വഴിയേ കാണുന്നുള്ളൂ , അച്ചു ഇപ്പോ ചെറിയ കുട്ടിയല്ലേ പതിനെട്ടു വയസാകാതെ കെട്ടിക്കാൻ പറ്റില്ല , അപ്പോ വാക്കുറപ്പിച്ചു നിർത്തുവല്ലേ ചെയ്യാൻ പറ്റു ”

അതു കേട്ടപ്പോൾ അവർക്കു സന്തോഷമായി എല്ലാരും ഇവിടിപ്പോ എന്താ നടക്കുന്നത് എന്ന മട്ടിൽ ആയിരുന്നു

” അതെ രാഘവാ നീ പറഞ്ഞതാ ശരി നമുക്ക് അങ്ങനെ ചെയ്യാം ഇവളെ ഇങ്ങനെ വിടാൻ പറ്റില്ലല്ലോ നാളെ മീര ചെയ്തതുപോലെ ഇവളും ചെയ്യും എനിക്ക് എന്റെ മോളു തന്നാ ഇവൾ അതുകൊണ്ടാ ഞാൻ ഇവളെ കാര്യത്തിൽ എപ്പോളും ഇടപെടുന്നത് ”

” അതെനിക്കറിയാം ചേച്ചി ഇവളെ മോളെപ്പോലെ ചേച്ചി സ്‍നേഹിക്കുന്നതെന്നുമറിയാം അതുകൊണ്ട് ഇവളെ ഇവിടെ തരാം, നമ്മുടെ അതുലിന് ഇവളെ കൊടുക്കാം. എന്താ ”

മോങ്ങാനിരുന്ന നായയുടെ തലയിൽ തേങ്ങാ വീണ പോലെയായി അച്ചുവിന് ഇപ്പോ തൻ്റെ അവസ്ഥയെന്ന് മനസ്സിലായി. അജിയും അതുലും ഒരേപോലെ ഞെട്ടി മുഖത്തോടു മുഖം നോക്കി അമ്മായിയായിരുന്നു ആകെ പെട്ടത് മറുപടി പറയാനാവാതെ അവർ നിന്നു

” ചേച്ചി ഞാൻ പറഞ്ഞതല്ലേ നല്ലത്, അതുലിന് അച്ചുവിനെ അറിയാം പിന്നെ ചേച്ചി അവളെ പൊന്നു പോലെ നോക്കില്ലേ ”

അച്ഛനെന്നെ കൊലക്കുകൊടുക്കുവാണോ ഈ പൂതനയുടെ കയ്യിൽ അവൾ അച്ഛനെ നോക്കി

” രാഘവാ അത് എങ്ങനാ ശെരിയാകുന്നെ, അവർ സഹോദരങ്ങളല്ലേ ” അമ്മായി മറുപടിക്കായി പരതി

” ചേച്ചി അവളുടെ മുറച്ചെറുക്കനല്ലേ അതുൽ അപ്പോ അവൻ കെട്ടട്ടെ, അതാകുമ്പോൾ എനിക്ക് പേടിക്കണ്ടല്ലോ, ഈ ഒരവസ്ഥയിൽ ചേച്ചിക്കെ എന്നെ രക്ഷിക്കാൻ പറ്റു ”

എല്ലാരും അതു ശരിയാണെന്ന മട്ടിൽ സപ്പോർട്ട് ചെയ്തു

” ഏയ്‌ അതു പറ്റില്ല അവനു ഇഷ്ടമാകില്ല, അവൻ അവളെ പെങ്ങളെ പോലെ കണ്ടേക്കുന്നത് , അല്ലേടാ അതുലെ ”

” അമ്മേ എല്ലാർക്കും സമ്മതം ആണെങ്കിൽ ഞാൻ അവളെ കല്യാണം കഴിക്കാം , എനിക്ക് ഇഷ്ടമാണവളെ ” അതുൽ പറഞ്ഞതും കൂടി കേട്ടപ്പോൾ അച്ചുവിന്റെ മുഖം ആകെ വിവർണ്ണമായി അവൾ അജിയുടെ കയ്യിൽ ദയനീയമായി പിടിച്ചു അവന്റെയും അവസ്ഥ മറിച്ചല്ലായിരുന്നു