ചിങ്കാരി 4 [Shana] 414

അജി വഴക്കു കേൾക്കുന്നതിൽ നിന്നു രക്ഷപെടാൻ അവളെ കുലുക്കി വിളിക്കാൻ തുടങ്ങി.

അവൾ ഒരു കണ്ണ് പതിയെ തുറന്നു നോക്കിയത് കരഞ്ഞുകൊണ്ട് നിൽക്കുന്ന അമ്മായിയുടെ മുഖത്തേയ്ക്കാണ്. പ്രേതത്തെ കണ്ട പോലെ അച്ചു അലറി…..കണ്ണുകൾ ഇറുക്കി അടച്ചു..

രാഘവൻ പെട്ടന്ന് തന്നെ അതുൽ കൊടുത്ത കുറച്ചു വെള്ളം മുഖത്തൊഴിച്ചു അവളെ സമാധാനിപ്പിച്ചു.

പേടിക്കേണ്ട അച്ചു… റിലാക്സ് അച്ചു റിലാക്സ്

അവൾ പതിയെ കണ്ണുതുറന്നു പേടിച്ച പോലെ എല്ലാരേയും നോക്കി.

അമ്മായീടെ വാക്കുകളും അച്ചുവിൻ്റെ ബോധക്കേടും കണ്ട് ചുറ്റുമുള്ളവർ ഞെട്ടി നിൽക്കുകയായിരുന്നു.

എന്താ ഈ നടക്കുന്നതെന്ന് അവർക്കും പിടികിട്ടിയില്ല. അച്ചുവിനു ബോധം വീണതു കണ്ട
അമ്മായി വീണ്ടും അവളെ ചുറ്റിപിടിച്ചു.

” എന്താ ആരും ഒന്നും മിണ്ടാതെ നില്കുന്നത് ഞാൻ പറഞ്ഞത് കേട്ടില്ലേ.. മോളേ അച്ചൂ നീ സമ്മതിക്കടി. നിൻ്റെ നല്ല തിനു വേണ്ടിയാ അമ്മായി പറയുന്നേ. ”

അച്ചു ആകെ പെട്ടു പോയ അവസ്ഥയിലായിരുന്നു.

അവൾ ദയനീയമായി ചുറ്റുമുള്ള ഓരോരുത്തരെയും മാറി മാറി നോക്കി.

കണ്ടോ എൻ്റെ കുഞ്ഞ് ഒന്നും എതിർത്ത് പറയാത്തത്. അവക്ക് സമ്മതമാ രാധേ. അമ്മായി അവളുടെ നെറുകയിൽ ചുംബിച്ചു.

അച്ചു ദേഷ്യം കൊണ്ട് പല്ലിറുമി അമ്മായിയെ നോക്കി. ആരേലും ഈ തള്ളയെ വിളിച്ചോണ്ട് പോയില്ല തള്ളയുടെ ശവമക്ക് ഞാൻ നടത്തുമെന്ന മട്ടിലായിരുന്നു അവളുടെ ഭാവം. അജി അടുത്തത് എന്തു സംഭവിക്കുമെന്ന ആകാംക്ഷയോടെ അച്ചുവിൻ്റെയും അമ്മായിയുടെയും ഓരോ നീക്കവും നിരീക്ഷിച്ചു. രാഘവൻ എന്തോ പറയാൻ വന്നതും അമ്മാവൻ കേറി ഇടപെട്ടു.

” നീയെന്താടീ ഈ പറയുന്നത്, നിന്റെ തലക്കു വെളിവും ബോധവുമില്ലേ ” അമ്മാവൻ ചൂടായി