?ചെമ്പനീർപ്പൂവ് 6 [കുട്ടപ്പൻ]? 1715

റൊസാരിയോ ഓടി അവന്റെ മുഖത്തിന്‌ നേരെ പഞ്ച് ചെയ്തു. അവൻ ഒഴിഞ്ഞുമാറി.

പക്ഷെ അവൻ കരുതിയതിലും സ്പീഡ് ഉണ്ടായിരുന്നു ആ മൂവിന്. അത് അവന്റെ മുഖത്ത് കൊണ്ടു. അതേ സമയം തന്നെ റൊമേരിയോയുടെ ശക്തമായ പഞ്ച് കൂടെ അവന്റെ നെഞ്ചിൽ പതിച്ചു. അതിന്റെ ശക്തിയിൽ അവൻ രണ്ടുമൂന്ന് സ്റ്റെപ് പുറകിലേക്ക് പോയി. വീഴാതിരിക്കാൻ മുട്ടുകുത്തിയിരുന്നുപോയി അവൻ.

അവൻ അവരെ നോക്കി. അവർ ഇരുവരും പരസ്പരം നോക്കി ചിരിക്കുകയാണ്.

നന്ദുവിന്റെ മുഖത്തുണ്ടായിരുന്ന പുഞ്ചിരി ഒക്കെ മാറി. അവന്റെ മുഖം വലിഞ്ഞുമുറുകി.

ഇപ്രാവിശ്യം നന്ദുവാണ് അറ്റാക്ക് ചെയ്തത്. അവൻ റോസാരിയോക്ക് നേരെ പഞ്ച് ചെയ്തു. അയാൾ അത് നിഷ്പ്രയാസം ബ്ലോക്ക്‌ ചെയ്തു. റൊമേരിയോ ടോർണാഡോ കിക്ക് ചെയ്തു. അത് അവന്റെ കഴുത്തിലാണ് കുടുങ്ങിയത്.

അവൻ തെറിച്ച് നിലത്തേക് വീണു.

നന്ദു തറയിൽ ശക്തിയിൽ രണ്ടിടി ഇടിച്ചു.

അവനിലെ രാക്ഷസനെ ഉണർത്താൻ പോന്നതായിരുന്നു അവരുടെ നീക്കം. അവന്റെ കണ്ണ് ചുവന്ന നിറമായി.

അവൻ എഴുന്നേറ്റ് രൗദ്രഭാവത്തിൽ അവരെ നോക്കി നിന്നു. റോസാരിയോ ചാടി ഒരു ടോർണാഡോ കിക്ക് ചെയ്തു. അതും വളരെ വേഗത്തിൽ. പക്ഷെ അതിൽനിന്നു  നിഷ്പ്രയാസം നന്ദു ഒഴിഞ്ഞുമാറി. റോസാരിയോയുടെ കാൽ നിലത്തു കുത്തും മുന്നേ നന്ദു അവൻ ചെയ്തപോലെ ഒരു ടോർണാഡോ കിക്ക് തിരിച്ചുകൊടുത്തു.

തീർത്തും അപ്രതീക്ഷിതമായതിനാലും ആ കിക്കിന്റെ ശക്തിയിലും റോസാരിയോയുടെ അടിതെറ്റി.

റോസാരിയോയ്ക്ക് ബോധം മറയുന്നപോലെ തോന്നി. അവൻ കഷ്ടപ്പെട്ട് എഴുന്നേറ്റു. അവന് ബാലൻസ് നഷ്ടമായി വേച്ചുപോകുന്നുണ്ടായിരുന്നു.

രണ്ടുപേർക്കും പകപ്പായിരുന്നു.

റൊമേരിയോ ഒന്ന് ഫേക്ക് ചെയ്ത് ശക്തമായ ഒരു പഞ്ച് അവന്റെ റിബ്സ് നോക്കി ചെയ്തു. എന്നാൽ അവൻ അത് ഒരുകൈകൊണ്ട് സിമ്പിൾ ആയി ബ്ലോക്ക്‌ ചെയ്തു. അത്രയും പവറിൽ വന്ന പഞ്ചാണ് നന്ദു ഒരു കൈകൊണ്ട് ബ്ലോക്ക്‌ ചെയ്തത്. എല്ലോടിക്കാൻ പോന്ന ശക്തിയുള്ള പഞ്ച് ഒരുകൈ കൊണ്ട് തടഞ്ഞിരിക്കുന്നു.

റൊമേരിയോ അമ്പരന്നു.

ആ അമ്പരപ്പ് വിട്ടുമാറുന്നമുന്നേ നന്ദു ഒരു സൈഡ് കിക്ക് കൊടുത്തു. അത് റൊമേരിയോയുടെ നെഞ്ചിലാണ് കുടുങ്ങിയത്. അവൻ തെറിച്ചുവീണു. എഴുന്നെല്കാൻ ശ്രെമിച്ചു. ഇല്ല പറ്റുന്നില്ല. നെഞ്ചിൽ എന്തോ കയറ്റിവച്ചപോലെ നല്ല ഭാരം. ഒരുവിധം അവൻ എഴുന്നേറ്റു. വായിൽ ചോരയുടെ രുചിയറിഞ്ഞു. അവൻ അത് തുപ്പിക്കളഞ്ഞു.