മരുഭൂമിയിലെ രാജകുമാരൻ ??? [നൗഫു] 3667

നോക്കി നിന്നാൽ പോലും പ്രതിഫലം വക്താനം ചെയ്ത കാര്യങ്ങളിൽ പെട്ടതാണ് കഹ്‌ബ… പിന്നെ വിശുദ്ധ ഖുർആൻ… കൂടെ നമ്മുടെ ഉമ്മയുടെ മുഖത്തേക്കും…

അള്ളാഹ്…. ആ കാഴ്ച തന്നെ എന്റെ ഉള്ളിലെ സങ്കടം മായ്ച്ചു കളഞ്ഞു….

എന്റെ ഉള്ളിൽ ഞാൻ ഇത് വരെ ചെയ്ത പാപങ്ങൾ ഓരോന്നും മുന്നിൽ തെളിയാൻ തുടങ്ങി…

ഒരു കുഞ്ഞിനെ പോലെ എന്റെ ഉള്ളിൽ നിന്നും പാപ മോചനം ചോദിച്ച് അല്ലാഹുവിനോട് കരഞ്ഞുകൊണ്ട് തേടുവാൻ തുടങ്ങി..

ഞാനും കൂടെ വന്ന കൂട്ടുകാരനും ഉംറ തുടങ്ങുവാൻ വേണ്ടി ഹജറുൽ ഹസ്വാദിന്റെ (സ്വർഗത്തിൽ നിന്നും കൊണ്ട് വന്ന കല്ല്… കൊണ്ട് വരുമ്പോൾ ആ കല്ല് വെളുത്ത നിറമായിരുന്നു…മനുഷ്യൻ ചെയത പാപങ്ങളും അവർ അവിടെ വന്ന് അല്ലാഹുവിനോട് ഏറ്റു പറഞ്ഞു ആ കല്ലിൽ മുത്തി മുത്തി ഇപ്പോൾ ആ കല്ല് നല്ല  കറുത്ത നിറം ആയിട്ടുണ്ട് )..നേരെ കയ്യുയർത്തി അഭിവാദ്യം ചെയ്തു ആന്റി ക്ലോക്ക് വയ്‌സിൽ നടക്കാൻ തുടങ്ങി…

എന്റെ ഉള്ളിൽ…

എന്നിൽ നിന്നും ഇതുവരെ സംഭവിച്ച തെറ്റുകൾ പൊറുത്തു നീ എന്നെ സ്വീകരിക്കണേ എന്നാ പ്രാർത്ഥനയുമായി…

കഹ്‌ബയെ ഏഴു പ്രാവശ്യം ചുറ്റി കറങ്ങി..

ഇബ്രാഹിം മഖാമിൽ നിന്റെ മുന്നിൽ നിന്ന്  രണ്ടു റക്കഹത്  സുന്നത്തും നിസ്‌ക്കരിച്ചു…

പിന്നെ മെല്ലെ കഹ്‌ബയുടെ അടുത്തേക് നടന്നു…

കുറച്ചു തിക്കും തിരക്കും കൂടി ആ കല്ലിൽ (ഹജറുൽ ) ഒന്ന് മുത്തം വെച്ചു…

പിന്നെ കഹ്‌ബയുടെ കില്ല (മുകളിൽ ഇട്ട കറുത്ത തുണി )പിടിച്ചു എന്നിൽ നിന്നും വന്നു പോയ ഓരോ പപ്പങ്ങളും അല്ലാഹുവിനോട് എണ്ണി എണ്ണി പറഞ്ഞു പൊറുത്തു തരുവാൻ തേടി കൊണ്ടിരുന്നു…

എല്ലാം അവനോട് പറഞ്ഞപ്പോൾ മനസ്സിൽ എന്തെന്നില്ലാത്ത സന്തോഷവും സമാധാനവും വന്നു നിറയാൻ തുടങ്ങി…

പിന്നെ ഞങ്ങൾ സഹിയും (രണ്ടു മലകൾ കിടയിൽ ഉള്ള ഓട്ടം… ഒരുമ്മ തന്റെ കുഞ്ഞ് വിശന്നു കരഞ്ഞപ്പോൾ.. എവിടെ എങ്കിലും ഒരു തുള്ളി വെള്ളം കിട്ടുമോ എന്ന് നോക്കുവാൻ ആയി ആ രണ്ടു മലയിലും കയറി നോക്കി…   ആ ത്യാഗം മനുഷ്യൻ എന്നും ഓർക്കാൻ ഒരു കർമം ആക്കി അള്ളാഹു… )പൂർത്തിയാക്കി അവിടെ നിന്നും പോരുവാൻ മനസ്സില്ലാതെ മക്കയിൽ നിന്നിം വിടവാങ്ങി,

വളരെ സമാധാനം നിറഞ്ഞ ഒരു മനസു മായി…

രണ്ടു ദിവസം കൊണ്ട് തന്നെ എന്റെ ഇഖാമ (താമസ രേഖ ) കയ്യിൽ കിട്ടി..

ഉടനെ തന്നെ എന്റെ ഹബീബ് ഉറങ്ങുന്ന മണ്ണിലേക്ക് യാത്ര തിരിച്ചു….

മദീന…

ഞങ്ങൾ ഇഷ്ട്ട പെടുന്നതിനേക്കാൾ കൂടുതൽ ഞങ്ങളെ ഇഷ്ട്ടപെടുകയും ഞങ്ങൾക് വേണ്ടി പ്രാർത്ഥന നിർവഹിക്കുകയും ചെയ്യുന്ന എന്റെ റസൂലിന്റെ മണ്ണിലേക്ക്…

ജിദ്ദയിൽ നിന്നും ബസ്സിൽ ആയിരുന്നു യാത്ര.. നാനൂറിൽ അധികം ദൂരം ഉണ്ട് മദീനത്തേക്..

ചുണ്ടിൽ മധുര മൂറുന്ന സ്വലാത്തും ചെല്ലി ഞാനും എന്റെ കൂട്ടുകാരനും മദീന ലക്ഷ്യമാക്കി ആ ബസ്സിൽ ഇരുന്നു…