മരുഭൂമിയിലെ രാജകുമാരൻ 💞💞💞 [നൗഫു] 3667

ആ ബസ്സ് ഞങ്ങളെയും കൊണ്ട് ടെർമിനൽ ലക്ഷ്യമാക്കി ഓടി കൊണ്ടിരുന്നു..

പിന്നെ അതിനുള്ളിലെ ചെക്കിങ്ങും ഫോര്മാലിറ്റി യും കയിഞ്ഞ് പുറത്തിറങ്ങുമ്പോൾ എട്ടു മണി ആയിരുന്നു…

പുറത്ത് തന്നെ എന്നെ കാത്ത് സഫീർ ഒരു ലാൻഡ് ക്രൂയസറും കൊണ്ട് വന്നിട്ടുണ്ടായിരുന്നു…

ഞങ്ങൾ അവിടെ നിന്നും നമ്മുടെ റൂം ലക്ഷ്യമാക്കി പുറപ്പെട്ടു…

നമ്മുടെ നാട്ടിലെ പോലെ ഒരു പാട് ഉയരമുള്ള കെട്ടിടങ്ങൾ ആ നഗരത്തിൽ ഇല്ല…

ആദ്യമായത് കൊണ്ടാവും…

പുറത്ത് റോട്ടിൽ നല്ല വെള്ളിച്ചം വിതറി തെരുവ് വിളക്കുകൾ ഒരുപാട് കത്തി നിൽപ്പുണ്ട്…

ആ വെളിച്ചത്തിൽ ആ നഗരം കാണാൻ നല്ല ഭംഗിയുണ്ടായിരുന്നു…

പിന്നെ ആ ബിൽഡങ്ങുകളും…

ഞാൻ അതൊക്കെ പുറത്തേക് നോക്കി കണ്ടു കൊണ്ടിരുന്നു…

നല്ല വീതിയുള്ള റോഡുകൾ…

ഒരു വശത്തേക് തന്നെ നാലു ട്രാക്കുകൾ ഉണ്ട്…

പക്ഷെ അതിലും ഉൾ കൊള്ളാൻ കഴിയാത്തത്ര വാഹനങ്ങൾ ഓടുന്നുണ്ട്…

ഞങ്ങൾ… ഞങളുടെ ഫ്ലാറ്റിൽ എത്തി…

എനിക്കൊരു റൂം കാണിച്ചു തന്നു…

അതിൽ മൂന്നു കട്ടിൽ ഉണ്ട്…
ബാക്കിയുള്ള ആളുകൾ ജോലി കഴിഞ്ഞ് വരാൻ പന്ത്രണ്ടു മണിയാകും…

പിന്നെ സഫീർ എന്റെ ഫോണിൽ ഒരു സിം ഇട്ട് തന്നു…

അതിൽ കുറച്ചു പൈസ കേറ്റിയിട്ടുണ്ടായിരുന്നു…

എന്നോട് നാട്ടിലേക്കൊക്കെ ഒന്ന് വിളിച്ചിരിക്കാൻ പറഞ്ഞു…

പിന്നെ അവൻ അവിടെ നിന്നും പോയി…

അവൻ ഇവിടെ അടുത്ത് തന്നെ ഒരു ഫ്ലാറ്റിൽ കുടുംബവുമായി ആണ് താമസിക്കുന്നത്…

കുറച്ച് കയിഞ്ഞ് ഭക്ഷണവുമായി വരാമെന്നും പറഞ്ഞ് അവൻ പോയി…

ഞാൻ ആ ഫ്ലാറ്റ് ഒക്കെ ഒന്ന് നടന്ന് കണ്ടു..

മൂന്നു റൂം ഉണ്ട് മൊത്തം ഒമ്പത് പേർക് കടക്കാൻ ഉള്ള ബെഡ്ണ്ട്…

ഞാൻ എന്റെ റൂമിൽ കയറി എനിക്ക് തന്ന ബെഡിൽ ഇരുന്നു…

പിന്നെ ബാഗ് തുറന്ന് ഒന്ന് ഫ്രഷ് ആകുവാനായി ബാത്‌റൂമിലേക് നടന്നു..

എല്ലാ റൂമിനും കൂടി ഒരു  ബാത്രൂം ഉണ്ട്..

ഞാൻ ആലോചിച്ചു നാട്ടിൽ എന്തൊക്കെ ആർഭാടത്തിൽ ജീവിക്കുന്ന മനുഷ്യർ ആവും ഈ റൂമിൽ കഴിയുന്നത്…

ഇതിനേക്കാൾ വളരെ തയ്ന്ന് നിലയിൽ ജീവിച്ചു തന്റെ കുടുംബം പോറ്റുന്ന പ്രവാസികളെയും പിന്നെ ഞാൻ ഒരു പാട് കണ്ടു…

ഞാൻ തന്നെ എന്റെ റൂമും ഈ റൂമും തമ്മിലുള്ള വിത്യാസം ആലോചിച്ചു..

എന്റെ റൂം വളരെ വിശാലമായതായിരുന്നു..