ഭാഗ്യ സൂക്തം [ഏക-ദന്തി] 76

സന്തോഷമായില്ലേ അനിയെട്ടാ ?” അതും പറഞ്ഞവൻ റൂമിലേക്ക് പോയി . വേഗം ഒരു ഗ്രെ കളർ പ്ലെയിൻ റൌണ്ട് നെക് ബനിയൻ എടുത്തിട്ട് വന്നു . ഞങ്ങൾ മൂന്നുപേരും ബ്രെക്ഫാസ്റ് കഴിക്കാൻ ഇരുന്നു .

പറയാണ്ടെ പറ്റില്ല ശ്രീലുന് അപാര കൈപ്പുണ്യം ആണ് . ഹേമമായി യും നന്നായി ഫുഡ് ഉണ്ടാക്കും , അതാവാം ശ്രീലുന് കിട്ടിയിരിക്കുന്നേ . ഇന്ന് അടിപൊളി ഗോതമ്പ് പുട്ടും കടലക്കറിയും . അഞ്ചെട്ടു വർഷത്തോളം ഹോസ്റ്റൽ ഭക്ഷണം കഴിച്ച് ടേസ്റ് ബഡ്‌സ് അടിച്ചു പോയ എന്റെ നാവിന് ഇതൊക്കെ ഒരു പ്രത്യേക രസം . ഒരു കഷ്‌ണം പുട്ട് കറി ഒഴിച്ച് ഒറ്റ പിടി പിടിച്ചു . കൂടെ 4 പപ്പടോം , ഒരു പഴോം . ആഹാ വയർ സെറ്റ് ആയി ഇനി വൈകിട്ട് വരെ ഒന്നും വേണ്ടേരില്ല . ഒരു കപ്പ് ഗ്രീൻ ടീ . അതോടെ കോട്ട തികഞ്ഞു . ഞങ്ങൾ ഇറങ്ങാൻ തുടങ്ങി .

ശ്രീലു അവളുടെ ഓഫീസിൽ പോകാൻ റെഡിയാണ് . ഞങ്ങൾ ഒരുമിച്ചിറങ്ങി . ശ്രീലു അവളുടെ ഫാസിനോ ( ബ്ലൂ കളർ ഫാസിനോ ) യിൽ കേറി പോയി . ഞാൻ എന്റെ ബുള്ളറ്റിൽ കേറി . വണ്ടി ഇപ്പോളും യു .പി രെജിസ്ട്രേഷൻ ആണ് UP 78 F 555 . ഇത് പെട്ടെന്ന് മാറ്റാൻ നോക്കണം . അവിടത്തെ ഫ്ലാറ്റ് വിറ്റാൽ പിന്നെ NOC ഒക്കെ കിട്ടാൻ പാടാണ് . എന്റെ LS 2 ന്റെ ഹെൽമെറ്റ് വെച്ചു . അനു വന്ന് പിന്നിൽ കേറി , ഞങ്ങളും പുറപ്പെട്ടു .

ഞാൻ അവൻ പറഞ്ഞ വഴികളിലൂടെ വണ്ടി കൊണ്ടുപോകുന്നു . ഈ സ്ഥലം എനിക്കത്ര പരിചയം ആയിട്ടില്ല . പണ്ട് സ്‌കൂളിൽ പഠിക്കുമ്പോൾ വെക്കേഷൻ തറവാട്ടിൽ വന്ന് നിൽക്കുമ്പോളുള്ള ഓർമ്മയാണ് . അന്നുള്ള ഒരു ബസ്‌സ്റ്റാൻഡ് ഒക്കെ പൊളിച്ച് കളഞ്ഞിട്ടുണ്ട് . ഇപ്പൊ 3 ബസ് സ്റ്റാൻഡുകൾ ഉണ്ട് . പുതിയതൊരെണ്ണം ഉണ്ടാക്കുന്നുമുണ്ട് . ഇവിടെ നിന്ന് എവിടേക്കെങ്കിലും പോണേൽ ബസ് തപ്പി ഒരു വഴിക്കാവുമായിരിക്കും . കൊറേ മാറ്റങ്ങൾ ഉണ്ട് . കുറെ ഡ്രസ്സ് ഷോപ്പുകൾ , ജ്വല്ലറികൾ , ഹോട്ടലുകൾ ഇതൊക്കെ ആണ് മെയിൻ . പിന്നെ ബ്ലോക്കും .

അങ്ങനെ അവന്റെ നാവിഗേഷൻ പ്രകാരം ഞാൻ ഒരു കോളേജിന്റെ കവാടത്തിന് മുൻപിൽ എത്തീ .
ആ പേര് വായിച്ചതേ നല്ല ജീവൻ അങ്ങ് പോയി ” ****** മെമ്മോറിയൽ ആർട്സ് ആൻഡ് സയൻസ് കോളേജ് ഫോർ വുമൺ ” .. This is cheetting …. മിക്സഡ് കോളേജിൽ ക്‌ളാസ് എടുക്കാൻ വേണ്ടി പ്രിപ്പേർ ആയി വന്ന ഞാൻ ഇപ്പൊ ” ജിയാ ജലേ …ജാഞ്ചലേ … **ഞ്ചലേ ” ആയി ഡേ . തെണ്ടികൾ . SI ക്കും വക്കീലിനും ഇത് വനിതാ കോളേജ് ആണെന്ന് നേരത്തെ അങ്ങട്ട് പറഞ്ഞൂടാരുന്നോ . ന്നാ പിന്നെ ഞാൻ ഈ വഴിക്കേ വരൂലാർന്നല്ലോ . പെട്ട് പോയീലോ മോനെ . ഇനീപ്പോ അനുഭവിക്കണം .

അങ്ങനെ വണ്ടിയിൽ നിന്നിറങ്ങി , ഹെൽമെറ്റ് ഊരി അനിയൻ തെണ്ടിയെ ദഹിപ്പിക്കുന്ന പോലെ ഒരു നോട്ടം നോക്കി . അവൻ തിരിച്ച് എന്നെ നോക്കി ഒന്നിളിച്ച് കാട്ടി .

നടക്കങ്ങട്ട് , എന്റെ ഫയൽ എടുത്തുകൊണ്ട് അവൻ എന്നെ ഓഫിസ് ബ്ളോക് എന്നെഴുതിയ കെട്ടിടത്തിനടുത്തേക്ക് നടത്തി .മെല്ലെ നടന്ന് ഞങ്ങൾ പ്രിൻസിപ്പാൾ എന്ന ബോർഡ് വെച്ച ഒരു ഓഫീസിന്റെ അടുത്തെത്തി . അടഞ്ഞുകിടക്കുന്ന ഹാഫ് ഡോറിൽ ഒന്ന് നോക്ക് ചെയ്തു . യെസ് കമിൻ ഉള്ളില്നിന്നും ഹേമമ്മായിയുടെ ശബ്ദം . ഞങ്ങൾ രണ്ടും ഉള്ളിലേക്ക് കയറി . അവിടെ അടിപൊളി സെറ്റപ്പിൽ ഇരിക്കുന്നുണ്ട് ഹേമമ്മായി . ഞങ്ങളോട് ഇരിക്കാൻ പറഞ്ഞു കൊണ്ട് ഹേമമ്മായി തുടങ്ങി .

” ആനി കുട്ടൻ വരുമൊന്ന് എനിക്കൊരു സംശയം ഉണ്ടായിരുന്നു ? amity university ടെ ഒക്കെ ഓഫർ തട്ടിമാറ്റിയ നിന്നെ ഇങ്ങനെ ഞങ്ങടെ കിട്ടാൻ ഞങ്ങൾ എന്ത് ഭാഗ്യം ചെയ്തതാണോ എന്തോ ? ”

( പറയാൻ വിട്ടു എനിക്ക് amity university യുടെ academics council ളിലേക്ക് ഒക്കെ ഓഫർ ഉണ്ടായിരുന്നു . എല്ലാരും നാട്ടിലേക്ക് പോരുകയല്ലേ . പിന്നെ ഞാൻ ഒറ്റക്ക് നോയിഡയിൽ എന്തെടുക്കാനാണ് എന്നോർത്ത് ഞാനും വണ്ടി പിടിച്ചിങ്ങോട്ട് പോന്നു .പിന്നെ LPU . ശിവാജി യൂണിവേഴ്‌സിറ്റി തുടങ്ങി വേറെ കുറെ accademics പൊസിഷൻസ് ഓഫർ വന്നതാണ് . അതൊക്കെ തട്ടിക്കളഞ്ഞ ഞാനാണ് ഇപ്പൊ