ഭാഗ്യ സൂക്തം [ഏക-ദന്തി] 76

ബോയെ കൊണ്ട് സാധനങ്ങൾ വലിച്ച് വാരി ഇടിക്കുന്നുണ്ട് . കൂടെ കൂടെ അനുവിനോട് ഓരോന്ന് ചോദിക്കുന്നുമുണ്ട് . ഞാൻ മെല്ലെ സ്കൂട്ട് ആയി ഒരു ഹൈ സ്റ്റൂളിൽ പോയി ഇരുന്നു . മൊബൈൽ പോക്കറ്റിൽ നിന്ന് എടുക്കാൻ നിന്നില്ല .അവിടെ ഇരുന്ന് നാലുപാടും നോക്കി .. ഒരു ടൈമ്പാസ് …

അങ്ങനെ ലൈറ്റ് ആയിട്ട് വായിൽ നോട്ടം പുരോഗമിച്ചു അതിന്റെ മൂർധന്യാവസ്ഥയിൽ എത്തി കൊണ്ടിരിക്കുന്ന ആ വേളയിൽ എനിക്ക് യുദ്ധ കളത്തിലിറങ്ങേണ്ട സമയമെത്തി .

” രഥഗജ ദുരഗ പതാദിഗൾ എതിർപ്പിനും
അതഗളം പുരിന്തിടും വീരം
ഇവൻ മദഭുജം ഇരണ്ടും മലയെന എഴുതിട
സേതുഗളം സിതറിടും വീരം …..”
രണഭേരി എന്റെ കാതുകളിൽ മുഴങ്ങിയോ?

ശ്രീലു ബേബിയും അനുവും സെലക്ട് / റിജെക്ട് ചെയ്തു വച്ചിരിക്കുന്ന വസ്ത്ര കൂമ്പാരങ്ങളുടെറെ അടുത്തേക്ക് ഞാൻ നടന്നു ചെന്നു. കുന്നുപോലെ കൂട്ടിവെച്ചിട്ടുണ്ട് . എന്നെ കൗണ്ടറിനോട് ചേർത്ത് നിർത്തി ശ്രീലു ആദ്യം ഒരു സ്കൈ ബ്ലൂ ഫോർമൽ എന്റെ മേൽ വെച്ച് നോക്കി . അത് ഒരു സൈഡിലേക്ക് വെച്ച് പിന്നെ ഒരു ചെറിയ വൈറ്റിൽ ബ്ലൂ ലൈൻസ് ഉള്ള ഒരെണ്ണം , വൈറ്റിൽ ബ്ലൂ ഡോട്സ് ആയിട്ട് ഒരെണ്ണം , ബ്ലൂ ആൻഡ് ബ്ലാക് ചെക്ക് … അങ്ങനെ ഒരു അഞ്ചട്ടെണ്ണം .. ശ്രീലു ബേബി ഡെ ഫേവറൈറ് കളറിനെ പറ്റി ഐഡിയ കിട്ടിക്കാണുലോ .

ബ്ലുയിഷ് ഷേഡ്‌സ് ഓഫ് ബ്ലൂ …
അതെ നീലിമ കൂടിയ കേസാണ്. ആരോ അവൾക്ക് നീല നിറത്തിൽ കൈവിഷം കൊടുത്തിരിക്കുന്നു ..

അങ്ങനെ അതിൽ നിന്ന് ഫിറ്റ് നോക്കി ഒരു 3 എണ്ണം , പിന്നെ ഒരു ഓഫ് വൈറ്റ് പ്ലെയിൻ , ഒരു വൈറ്റ് സ്ട്രിപ്സ് , ഒരു ലൈറ്റ് ഗ്രേ /സിൽവർ അനുവിന്റെ വക .. ഒരു ഓഫ് വൈറ്റ് , ഒരു കാഖി , ഒരു നേവി ബ്ലൂ , ഒരു ഗ്രേ , ഒരു ബ്ലാക്ക് ചിനോസ് . കഴിഞ്ഞു യുദ്ധം അവസാനിച്ചു . അങ്ങനെ യുദ്ധ ശേഷിപ്പുകളുമായി ( പർച്ചേസ് ) ഞങ്ങൾ അനുവിന്റെ ക്രൂസിൽ മടങ്ങി . വരുന്ന വഴിക്ക് ഫൈസിയിൽ കേറി നെയ്ച്ചോറും ചിക്കൻ കൊണ്ടാട്ടവും മുയൽ വരട്ടും ഒക്കെ മുണുങ്ങി . രാത്രി ഒരു 10 മണിയോടെ ഞങ്ങൾ വീടണഞ്ഞു .

by the way ഇപ്പൊ ഞങ്ങൾ ഞങ്ങളുടെ തന്നെ ഒരു കോർട്ടേഴ്സിലാണ് . തറവാട് പാതായിക്കരയിൽ തോട്ടക്കര എന്ന സ്ഥലത്താണ് പെരിന്തൽമണ്ണയിൽ നിന്ന് കുറച്ച് ഉള്ളിലേക്ക് വരണം . തറവാട് റീനോവേഷൻ ചെയ്യുകയാണ് , പണികൾ കഴിഞ്ഞിട്ടില്ല . അപ്പൊ അടുത്ത മാസം വരെ ഇവിടെ ആണ് . അപ്പോഴേക്കും പപ്പയും മമ്മിയും കൂടി കാൺപൂരിൽ നിന്ന് കെട്ടും പെറുക്കി വരും . ( മമ്മി IOB യിൽ മാനേജർ ആണ് . VRS എടുത്തിരിക്കുകയാണ് , ഒരു മാസം കൂടി ഡ്യൂട്ടി ഉണ്ട് . അതിനു ശേഷമേ റിലീവിങ് ഓർഡർ കിട്ടൂ . പപ്പാ പെൻഷൻ ആയിരിക്കുന്നു യുണൈറ്റഡ് ഇന്ത്യ ഇൻഷുറൻസ് കമ്പനിയിൽ ഓഫിസർ ആയിരുന്നു . )

അപ്പോഴേക്കും തറവാടൊന്ന് മോഡി പിടിപ്പിക്കണം . With same old look and feel , but with modern amenities . വർഷങ്ങളോളം കേരളത്തിന് പുറത്ത് കോൺക്രീറ് കൂടുകളിൽ താമസിച്ച് നമ്മുടെ പഴയ tradishanal കേരള വീടുകളിൽ താമസിക്കുമ്പോൾ കിട്ടുന്ന ആ സുഖം ഉണ്ടല്ലോ .. അത് പറഞ്ഞറിയിക്കുവാൻ കഴിയില്ല … ഒരു നൊസ്റ്റു അറ്റ്മോസ്ഫിയർ വിത്ത് എൻ ആഢ്യത്തം വൈബ് . ഒരു അമ്പലക്കുളം പോലെ ഒരു സെറ്റപ്പ് ഒക്കെ പ്ലാൻ ചെയ്യുന്നുണ്ട് . പഴയ ചെത്ത് കല്ലുകൾ കൊണ്ട് കല്പടവൊക്കെ ഉള്ള ഒരു സെറ്റപ്പ് .പിന്നെ പഴയ വാൾ ഒക്കെ റീ ഇൻഫോഴ്‌സ്‌ ചെയ്ത് എടുക്കണം . ഫുൾ പ്ലംബിങ് & വയറിങ് ചേഞ്ച് ആക്കണം അങ്ങനെ കുറെ പണികൾ .