ഭാഗ്യ സൂക്തം [ഏക-ദന്തി] 76

“വൈദ്യര്ച്ചിന്റെ ചോദ്യം
“ന്തെ ബളെ ഇന്റലും വാങ്ങാണ്ടോ ?” ഞാൻ ചോദിച്ചു .
“ഇല്ലെടീ നമ്മക്ക് പോയി ഓരോ അവിൽമിൽക്കടിച്ചാലോ ?” കൊത്തിയത്ത്തിക്ക് അതാണ് വേണ്ടത് .
“ഓ അതിനെന്താപ്പോ ..ഞാനും കമ്പനി തെരാലോ ന്റെ നൂസി കുട്ടിക്ക് . അതിന് എവട്ക്കാ പോണ്ടേ ? ” ഞാൻ ചോദിച്ചു
“തറയിൽ സ്റ്റാന്ഡിത്തെ പീഡീക്ക് പോകാ .അതാവുമ്പോ കൊറേ വറൈറ്റിണ്ടാവും .ലോലാണ്ടികളുടെ ശല്യോണ്ടാവുല്ല ” അവൾ പറഞ്ഞതും ഞാൻ വണ്ടി തറയിൽസ്റ്റാന്റിലേക്ക് തിരിച്ചു .

ഇനി കുറച്ചു നേരം അനികേതിന്റെ വാക്കുകളിലൂടെ

ബനാറസിൽ നിന്ന് PHD കഴിഞ്ഞു നാട്ടിൽ വന്നപ്പോളേക്ക് ഇവിടെ ജോലി സെറ്റ് ആക്കിയിട്ടുണ്ട് അനിയൻ അനുമോദ് മോഹൻ , ഓൻ ഇവിടെ മങ്കട എന്ന സ്ഥലത്ത് SI ആണ് . അവൻ കല്യാണം കഴിച്ചിരിക്കുന്നത് ഒരു വക്കീലിനെ ആണ് . Adv .ശ്രീല കൃഷ്‌ണദാസ് ( ഇപ്പോൾ Adv .ശ്രീല അനുമോദ് ) , മമ്മിയുടെ കസിന്റെ മോള് . കൃഷ്‌ണദാസ് മാമൻ ഞങ്ങളുടെ വലിയ അമ്മാമന്റെ അളിയനാണ് . പുള്ളി മണ്ണാർക്കാട് ( പാലക്കാട് ) PWD യിൽ ആണ് . വൈഫ് ഹേമലത ഇവിടെ പെരിന്തൽമണ്ണ ഒരു കോളേജിൽ പ്രിൻസിപ്പൽ ആണ് . അവന്റെ മദർ ഇൻ ലോ പഠിപ്പിക്കുന്ന കോളേജിൽ ഒരു വേക്കന്സിണ്ടത്രേ . എന്ത് ജാതി വെർപ്പിക്കലാണ് പന്ന പട്ടി ചെയ്ത് വെക്കണത് . അനിയനാണത്രെ അനിയൻ . വേണ്ട അനുമോദ് SI , വിരട്ടലൊക്കെ അങ്ങ് സ്റ്റേഷനിൽ പോലീസുകാരോട് മതി. വക്കാലത്ത് പിടിച്ചു കൊണ്ട് ഓന്റെ പെണ്ണൊര്ത്തീം . ശ്രീല വക്കീൽ , ഐ ഒബ്ജക്ഷൻ യുവർ ഓണർ .

കാലം കുറെ ആയി ഈ പണ്ടാര പഠിപ്പ് തുടങ്ങീട്ട് . ഒന്ന് ബ്രെക്ക് എടുത്ത് ഒരു രണ്ടു കൊല്ലം ഗെയിമും കളിച്ച് ഇരിക്കാം എന്നു വിചാരിച്ച് നാട്ടിലേക്ക് വണ്ടി കേറിയതാണ് . അല്ലെങ്കിൽ അവിടെ ഹോസ്റ്റലിൽ തന്നെ അടിട്ട്കൂടി , പുതിയ റിസർച്ചർമാർക്കും റിസർച്ചർമാർത്തി കൾക്കും ഗയിഡായി കൂടികൊടുത്താൽ മതിയായിരുന്നു . ഇവിടെ രണ്ട് തെണ്ടികൾക്ക് അത് സഹിക്കുന്നില്ല . പപ്പയും മമ്മിയും ഇനിയും നാട്ടിലെത്തീട്ടില്ല , ഭാഗ്യം . അല്ലെങ്കിൽ ഇനി അവരുടെ വകയും കേൾക്കേണ്ടി വന്നേനെ . ” കണ്ടോ അനി , നിന്റെ അനിയൻ ജോലി ആയി , കല്യാണം കഴിച്ചു … നീ ഇങ്ങനെ ഗെയിമും കളിച്ച് നടന്നോ അനി ” ..

ഓൻ പോലീസായെനും , ഒരു വക്കീലിനെ കെട്ടിയേനും ഞാനിപ്പോ എന്ത് ചെയ്യണം …. ഞാനേ ഓന്റെ പോലെ ഒറ്റപ്പാലത്ത് മാമന്റെ വീട്ടില് ലാവിഷായി നിന്നല്ല പടിച്ചെ .. BA മുതൽ PHD വരെ ഹോസ്റ്റലിൽ നിന്നിട്ടാണ് പടിച്ചെ …… അതും റാങ്കും , സ്‌കോളർഷിപ്പും ഒക്കെ വാങ്ങീട്ട് …. ആ എന്നോടാണ് ഈ ക്രൂരത …

” അനിയേട്ട ഈ അവസാന സെമ്മ് മാത്രേ ള്ളൂ . പ്ലീസ് .. അമ്മക്ക് വേറെ ആരേം ഈ ഷോർട് ടയിമിൽ അറേഞ്ചേയാൻ പറ്റാത്തൊണ്ടല്ലേ പ്ലീസ് ” പിടിച്ച പിടിയാലേ ശ്രിലു കട്ടായം പറഞ്ഞു .

പെണ്ണ് നമ്മടെ വീക്നെസ്സിൽ തന്നെ പിടിച്ച് . ഒരാളുടെ നിസ്സഹായാവസ്ഥ . ആശ്രിത വത്സലനായ Dr.അനികേത് മോഹൻ സഹായം തേടി വരുന്നവർക്ക് ചങ്കു വരെ പറിച്ച് കൊടുക്കും .. പിന്നാണ് ഈ ഫൈനൽ BA ക്കാർക്ക് ഇംഗ്ലീഷ് . പുഷ്പം പോലെ എടുത്ത് കൊടുക്കും എന്നാലും ക്‌ളാസ് ഒക്കെ എടുക്കാൻ ഒരു മടി … ഒരു വൈക്ലഭ്യം …. എന്തോ സ്റ്റാർട്ടിങ് ട്രബിൾ പോലെ . ശെരി … എടുക്കും … എടുത്തിരിക്കും .