ഭാഗ്യ സൂക്തം [ഏക-ദന്തി] 76

ഈ അവസ്ഥയിലും .. ഗതികേട് അല്ലാണ്ടെന്ത്? )

” അതിപ്പോ അമ്മായി ഇങ്ങളെ മകൾ … അവളാണ് ഈ തീരുമാനത്തിന് പിന്നിലുള്ള ആ പ്രേരക ശക്തി ? എന്നെ ഇമോഷണലി ബ്ലാക്‌മെയിൽ ചെയ്തു ഉറപ്പു വാങ്ങി .. ക്‌ളാസ് എടുത്തോളാന്ന് ” ഞാൻ പറഞ്ഞു ” പിന്നെ ദേ ഇങ്ങൾടെ പുന്നാര മരുമകൻ , ഇതിന്റെ കുത്തിത്തിരിപ്പും ഉണ്ടായിരുന്നു “.

” എന്തായാലും നീ ഇങ്ങോട്ട് വരാന്നു സമ്മതിച്ചല്ലോ . അത് തന്നെ വല്യ കാര്യം . ഇവിടെ മുന്പ് ഉണ്ടായിരുന്നത് ഒരു റിംസി എന്ന കുട്ടി ആയിരുന്നു . അവൾക്ക് അവർ ആക്സിഡന്റ് ആയി . ഒരു അഞ്ചെട്ടുമാസം പിടിക്കും അവൾ ഇനി ശെരിക്ക് നടന്നു തുടങ്ങാൻ തന്നെ . ” ഹേമമ്മായി പറഞ്ഞു .

അതിനിടക്ക് അനു കേറി പറഞ്ഞു ” അപ്പൊ എങ്ങനെ കാര്യങ്ങളൊക്കെ ഇവനെ ഗസ്റ് ലക്ച്ചർ ആയിട്ട് തന്നാൽ മതിയോ അതോ രാവിലെ തൊട്ട് വൈകിട്ട് വരെ ഇവിടെ പിടിച്ചിരുത്തുമോ ? ”

” ഫുൾ ടൈം ഇരിക്കേണ്ടി വരും അനി . ആ കുട്ടി ഇവിടെ ഫുൾ ടൈം ആയിരുന്നു . അവളുടെ ടൈം ടേബിളും അതുപോലെ ഒക്കെ ആണ് . ആൾമോസ്റ് ഫുൾടൈം ഉണ്ടാകും . അത് ഫോളോ ചെയ്യേണ്ടി വരും “ഹേമമ്മായി പറഞ്ഞു

“ഓക്കേ എന്തായാലും തുനിനിഞ്ഞിറങ്ങിയില്ലേ ഇനി ഇപ്പൊ അങ്ങനെ തന്നെ ആവട്ടെ ” ഞാനും സമ്മതിച്ചു കൊടുത്തു .

“പിന്നെ റിംസി Ma + NET ആണ് . അപ്പൊ ആ ഗ്രേഡ് പേ സ്കെയിൽ ആണ് ഇവിടെ ഈ കൊല്ലത്തിലേക്ക് അപ്രൂവ് ആയിട്ടുള്ളത് ”

” അതൊക്കെ അതിന്റെ മുറക്ക് തന്നെ പൊയ്ക്കോട്ടേ ” ഞാൻ പറഞ്ഞു അവസരവാദിയാണെന്ന തോന്നൽ ഉണ്ടാക്കണ്ടല്ലോ ?

“ അപ്പൊ അനി നമ്മുടെ ടൈമിംഗ് മോർണിംഗ് 9.30 to evening 4.00 വരെ ആണ് .പിന്നെ ലഞ്ച് ബ്രെക് 12.35 to 1.05 വരെ ആണ് .11.00 നും 2.35 നും ഓരോ 5 min ബ്രെക് കൂടി ഉണ്ട് “ ഹേമമ്മായി പറഞ്ഞു .

പിന്നെ ഹേമമ്മായി ഒരു ബെൽ അടിച്ചു. ഒരു പ്രായമുള്ള ചേട്ടൻ റൂമിലേക്ക് വന്നു . സേതുവേട്ടൻ ഇവിടുത്തത്തെ പ്യുൺ ആണ് .

” സേതുവേട്ടാ ഇത് അനികേത് . എന്റെ മരുമകന്റെ എട്ടനാണ് . റിംസി മിസ്സിന് പകരം ഈ വർഷം ക്ലാസ് എടുക്കുക അനികേത് ആയിരിക്കും . അവിടെനിന്ന് സുജില മിസ്സിനെ ഒന്നു വിളിക്കുമോ? ”

സേതുവേട്ടൻ എന്റെ നേരെ നോക്കി ഒന്ന് ചിരിച്ചുകൊണ്ട് പുറത്തേക്ക് പോയി അല്പം കഴിഞ്ഞ് . മേ ഐ കമിൻ എന്ന് കേട്ടു. അതാ വരുന്നു നമുക്ക് പരിചയമുള്ള ഒരു അവതാരം . സുജില വിനോദ് . ശ്രീലുവിന്റെ കസിനാണ് . ഹേമമ്മായിയുടെ ഏട്ടന്റെ മകൾ . ഇവരെ ഞാൻ അനിടേം ശ്രീലുന്റേം കല്യാണത്തിനും റിസപ്‌ഷനും ഒക്കെ കണ്ടിട്ടുണ്ട് .

“സുജി നിനക്ക് ഇവരെ അറിയുമോ ? ”

ഹേമമ്മായി ചോദിച്ചു.

” അനു നീ എന്താ ഇവിടെ ? വല്ല കേസും ഉണ്ടോ ? ” അനുനോട് സുജില ചോദിച്ചു .

” ആ …. ദുബായിലെ ഒരു ഷേക്ക് ഒരു കംപ്ലെയന്റ് തന്നിട്ടുണ്ട് .. അയാളുടെ പെണ്ണുംപിള്ള വെള്ളിയാഴ്ച പകൽ വീഡിയോ കാൾ വിളിച്ചാൽ എടുക്കില്ല ന്ന് . അതന്വേഷിക്കാൻ വന്നതാണ്. ” അനു കൗണ്ടറടിച്ചു

“അതിന് നീ എന്താ ഈ പീക്കിരി ഫ്രീക്കൻ ചെക്കന്മാരിടുന്ന പോലെ ത്തെ ഡ്രെസ്സും ഇട്ട് ഇറങ്ങിയിരിക്കുന്നത് ? CID പണി വല്ലതും ആണോ?” സുജിലയും വിട്ടകൊടുക്കുന്നില്ല .

” അങ്ങനേം വെച്ചോ … ദ് ന്റെ ഏട്ടൻ . Dr. അനികേത് മോഹൻ . ഞാൻ ഇതിനെ ഈ കാരങ്ങളിലേല്പിക്കാൻ വന്നതാ . മേത്ത് മണ്ണ് പറ്റിക്കാതെ തിരിച്ചു തരണം ട്ടോ .” ചെക്കൻ കാര്യത്തിലേക്ക് കടന്നു.

“ഏട്ടൻ ന്ന് പറയുമ്പോ BHU ഇൽ PHD ഒക്കെ ചെയ്ത ….? “സുജിലക്ക് ആശ്ചര്യം