ഭാഗ്യ സൂക്തം [ഏക-ദന്തി] 76

കൃഷ്‌ണദാസ്‌ , നമ്മൾടെ പ്രിൻസി ) ഓഫീസിലേക്ക് പോയി . കുറച്ച് കഴിഞ് . കാർത്തിയെ പോലെ ഉള്ള ആൾ പുറത്തിറങ്ങി ബുള്ളറ്റ് എടുത്ത് പോയി . അപ്പോഴേക്കും ബെൽ അടിച്ചു ഞങ്ങൾ ക്‌ളാസിലേക്ക് കയറി .
ഫസ്റ്റ് ഹവർ ക്ലാസിൽ വന്ന സുജില മിസ് പറഞ്ഞു. റിംസി മിസ്സിന് പകരം നിങ്ങൾക്ക് പുതിയ പ്രൊഫസർ വന്നിട്ടുണ്ട്. ഡോ. അനികേത് മോഹൻ . ബനാറസ് ഹിന്ദു യുണിവേഴ്സ്റ്റിറ്റിയിൽ നിന്ന് PHD കഴിഞ്ഞിറങ്ങിയതാണ് . ഓഹോ അപ്പൊ അയാളാണ് രാവിലെ വന്നത് . PHD ഒക്കെ ഉണ്ടല്ലേ .അപ്പൊ ഒരു പത്തു മുപ്പത് വയസ്സ് കാണും . എന്തായാലും വരട്ടെ ഇനി ലിസ്റ് ഹവർ ആണ് പുള്ളിക്ക് അതുവരെ കാത്തിരിക്കാം . അങ്ങനെ അന്ന് ലാസ്റ് ഹവർ ആയി . ചുള്ളൻ ക്ലാസ്സിലേക്ക് നടന്ന് കയറി .
.
.
.
.
നേരെ എന്റെ മനസ്സിലേക്കും, …..

“ഹായ് ഞാൻ അനികേത് , Dr. അനികേത് മോഹൻ . ഞാൻ കുറെ വര്ഷം നോർത്ത് ഇന്ത്യയിൽ ആയിരുന്നു . എന്റെ പരെന്റ്സ് അവിടെ ആയിരുന്നു വർക്ക് ചെയ്തിരുന്നത് .കാൺപൂരിൽ , ഉത്തർ പ്രദേശിൽ . പക്ഷെ ഞാൻ പ്രീ ഡിഗ്രി വരെ പാലക്കാട് ആണ് പഠിച്ചത്. അമ്മയുടെ തറവാട് അവിടെയാണ് . പേരന്റ്സ് റിട്ടയർ ആയി അങ്ങനെ ഞങ്ങൾ തിരിച്ചു വന്നു .” ഇനി നിങ്ങളെ പരിചയപ്പെടാം .
അങ്ങനെ ഞങ്ങൾ 48 പെണ്ണുങ്ങൾ പേരും വിവരങ്ങളും ഒക്കെ പറഞ്ഞു തീർന്നതും ബെൽ അടിച്ചു . ഓ കെ സീ യു ടുമാറോ എന്ന പറഞ് പുറത്തേക്ക് നടക്കുന്നതിനിടെ അങ്ങേരെന്നെ ഒന്ന് തിരിഞ്ഞു നോക്കിയ പോലെ , ഏയ് നമ്മളെ പോലെ വട്ട കണ്ണാടി യെ ഒക്കെ ആര് നോക്കാൻ .
ബാഗെടുത്ത് പുറത്തിറങ്ങി ഞാൻ എന്റെ വണ്ടിക്കരുകിലേക്ക് നടന്നു. വലിയ സെറ്റപ്പൊന്നും ഇല്ല . TVS വിഗോ . അതിൽ ഇരുന്നു , നൂസിയെ കാത്തിരിക്കണം . അവൾ ലൈബ്രറിയിൽ നിന്ന് ഏതോ ബുക്ക് എടുക്കാൻ പോയതാ . ഞാൻ ഇന്റെ മൊബൈൽ എടുത്ത് ഹെഡ്സെറ്റും കുത്തി പാട്ട് കേട്ട് ഇരിക്കാനുള്ള പ്ലാനാണ് . ഓൾ വരുമ്പോളേക്ക് ഒരു രണ്ടു മൂന്ന് പാട്ടുകൾ കേൾക്കാം.. അങ്ങനെ യുവന്റെ (യുവൻ ശങ്കർ രാജ ) ശബ്ദം എന്റെ കാതിൽ മുഴങ്ങി .
” സായ്‍ന്ത് സായ്‍ന്ത് നീ പാർക്കും പോത്…… അടടാ …ഹേ ….ഹേ ” ….
രാജ സാർ – GVM കോംബോ “നീ താനെ എൻ പൊൻ വസന്തം” ….. ആ ഹാ അന്തസ്സ് .
അപ്പോൾ കുടു കുടു ശബ്ദത്തോടെ ഒരു ബുള്ളറ്റ് വരുന്നു . അത് ഞാൻ വണ്ടി നിർത്തിയത്തിന്റെ കുറച്ച് അപ്പുറത്തതായി പാർക്ക് ചെയ്തു. നോക്കുമ്പോൾ കാലത്ത് അനി സാറിനെ (അനി സാറോ …? അതെപ്പോ മുതൽ …? ) കൊണ്ടുവന്നാക്കിയ ചുള്ളൻ , കാർത്തിടെ ലുക്ക് ഉള്ള ആൾ . ഒരു ടി ഷർട്ടും ജീൻസുമാണ് വേഷം. ഏവിയേറ്റർ സ്റ്റയിൽ കൂളിങ് ഗ്ലാസും ഉണ്ട് . വണ്ടി നിർത്തിട്ട് മൂപ്പർ ഫോണിൽ കുത്താൻ തുടങ്ങി . നമ്മളെ ഒന്നും മൈൻഡ് ആക്കിലാ , അതോണ്ട് നമ്മളും അങ്ങോട്ടേക്ക് മൈൻഡ് ആക്കിലാ . പാട്ടും ആസ്വദിച്ച് നിന്നു .
ഞാൻ ഓഫീസ് ബ്ലോക്കിന്റെ അങ്ങോട്ട് തന്നെ നോക്കി വണ്ടിയിൽ ചാരി നിന്നു . പാട്ടു മാറി ” നിജമാ നിജമാ …. ഇത് എന്ന നിജമാ ….. ” ബോസ്സ് എന്ന സിനിമയിലെ പാട്ട് ( വീണ്ടും യുവൻ ) . അതാ നമ്മടെ ചുള്ളൻ വരുന്നു . ക്ലാസിലിരുന്ന് ശരിക്ക് വായ്‌നോക്കാൻ പറ്റിയിരുന്നില്ല . ഇപ്പൊ സമാധാനമായിട്ട് നോക്കാലോ .
ഞാൻ വായും പൊളിച്ച് നോക്കി ഇരുന്നു . കാണാൻ “ശിവായ് ” പടത്തിൽ അജയ് ദേവ്ഗൺ പോലെ ഉണ്ട് ഇനി ഇപ്പൊ “ഗോൽ മാൽ” ലെ ഗോപാൽ ന്റെ പോലെ കലിപ്പ് സ്വഭാവം അവാണ്ടിരുന്നാൽ മതിയാരുന്നു .

ഞാൻ നില്കുന്നത് താഴെ ആയോണ്ട് ഷൂ ആണ് ആദ്യം കാണുന്നത് ഏതോ ഫോറിൻ ബ്രാൻഡ് ആണെന്ന് തോനുന്നു ബ്രൗൺ കളർ ക്യാഷൽ ബൂട്ട്, പിന്നെ