?ബാല്യകാലസഖി 2? [കുട്ടപ്പൻ] 1186

സ്വതസിദ്ധമായ ചിരിയോടെ അയാൾ പറഞ്ഞപ്പോൾ അവൻ ദേവികയെ നോക്കി ചിരിച്ചു. എന്നാൽ അവൾക്ക് പ്രത്യേകിച്ച് ഭവമാറ്റം ഒന്നും ഉണ്ടായില്ല.

 

” പിന്നെ ഇന്ന് ഉച്ച വരെയേ ക്ലാസ്സ്‌ ഉള്ളു. PTA മീറ്റിങ് ഉണ്ട്. അഖിലേട്ടനെ കൂട്ടീട്ടെ പോകാവുട്ടോ ദേവൂട്ടി ”

ശ്രീനിവാസൻ അവളോട് പറഞ്ഞു.

 

“മ്മ്….”

ഒരു കുഞ്ഞ് മൂളൽ മാത്രമായിരുന്നു അവളുടെ മറുപടി.

 

പിന്നെയും എന്തൊക്കെയോ പറഞ്ഞ് ശ്രീനിവാസൻ സ്റ്റാഫ്‌ റൂമിലേക്ക് നടന്നു.

ക്ലാസ്സ്‌ തുടങ്ങാൻ സമയം ആയതിനാൽ അവനും ക്ലാസിലേക്ക് നടന്നു.

 

ദേവിക എട്ടാം ക്ലാസിലാണ് പഠിക്കുന്നത്. അപ്പു പത്തിലും.

 

അവൻ ക്ലാസിലേക്ക് കയറിയപ്പോ കുറച്ച് കുട്ടികൾ മാത്രമേ അവിടെ ഉണ്ടായിരുന്നുള്ളൂ. അവൻ എല്ലാരോടും പുഞ്ചിരിച്ചുകൊണ്ട് നടുവിൽ ഉള്ള ബെഞ്ചിൽ ചെന്ന് ഇരുന്നു.

 

ഇതാരപ്പ ഇന്നുവരെ കാണാത്ത പുതിയൊരവതാരം എന്ന ഭാവത്തോടെ എല്ലാരും അവനെ തന്നെ നോക്കി.

 

അതിൽ ചിലരൊക്കെ വന്ന് അവനെ പരിചയപ്പെട്ടു.

എല്ലാരോടും ചിരിച്ചുകൊണ്ട് തന്നെ അവൻ അവരുടെ ചോദ്യത്തിന് മറുപടി ഒക്കെ പറഞ്ഞു.

 

അപ്പു നന്നായി പഠിക്കും.

അങ്ങനെ ടീച്ചർമാരൊക്കെ വന്ന് ക്ലാസ്സ്‌ തുടങ്ങി. ആദ്യത്തെ കുറച്ച് ക്ലാസ്സ്‌ നഷ്ടപ്പെട്ടത് കൊണ്ട് അവന് കുറച്ച് ബുദ്ധിമുട്ട് തോന്നി.

 

എന്നാൽ ടീച്ചർ അവനെ സഹായിച്ചു. സംശയങ്ങൾ ചോദിക്കാനും ഒക്കെ അവനോട് പറഞ്ഞു.

അവന് ആ അന്തരീക്ഷം ഒക്കെ നല്ല ഇഷ്ടമായി.

 

അന്ന് ഉച്ചക്ക് ക്ലാസ്സ്‌ വിട്ട് സ്കൂളിന്റെ ഗേറ്റ് കടക്കുമ്പോൾ കുറച്ച് മാറി തന്നെ കാത്തിട്ടെന്നപോലെ ദേവിക നില്കുന്നതവൻ കണ്ടു.

 

അവൻ വേഗം അവൾക്കരികിലേക്ക് നടന്നു.

അവൻ അടുത്തെത്താറായപ്പോൾ അവളും നടത്തം തുടങ്ങി.

 

” ഒത്തിരി നേരായോ ദേവു കാത്തിരിക്കണേ”

അവൻ അവളോട് പയ്യെ ചോദിച്ചു.