?ബാല്യകാലസഖി 2? [കുട്ടപ്പൻ] 1186

ആദ്യത്തെ അകൽച്ച ഒക്കെ മാറിയപ്പോ അവളും നല്ലപോലെ സംസാരിച്ചു.

എന്നാൽ അവളുടെ നോട്ടം മുഴുവൻ സരസ്വതിയമ്മയുടെ മടിയിൽ തലവച്ച് കിടന്നുറങ്ങുന്ന അപ്പുവിന്റെ മുഖത്തായിരുന്നു.

 

ആ മയക്കത്തിലും അവന്റെ ചുണ്ടിൽ ഒരു പുഞ്ചിരി ഉണ്ടായിരുന്നു.

സരസ്വതിയാകട്ടെ ഒരു മകനെ കിട്ടിയ സന്തോഷത്തിൽ അവന്റെ കവിളിലും മുടിയിലും ഒക്കെ തലോടിക്കൊണ്ടിരുന്നു.

 

അത് ദേവികയിൽ ചെറിയ അസൂയയോടെ നോക്കി.

 

അതുപോലെ തന്നെ ലക്ഷമിയമ്മക് ഒരു മകളോടെന്നപോലുള്ള വാത്സല്യമായിരുന്നു ദേവൂനോട്.

 

*****************

 

ഒരു ദിവസം കൊണ്ട് തന്നെ രണ്ട് കുടുംബങ്ങളും നല്ലപോലെ അടുത്തു. പ്രത്യേകിച്ച് ലക്ഷ്മിയും സരസ്വതിയും.

അതുപോലെ തന്നെ സരസ്വതിക്ക്‌  അപ്പുവിനെ ഒത്തിരി ഇഷ്ടമായി.

 

അവന്റെ കുട്ടിത്തം നിറഞ്ഞ മുഖവും അവന്റെ സംസാരവും അമ്മേ എന്ന വിളിയും ഒക്കെ അവർ നല്ല പോലെ ഇഷ്ടപ്പെട്ടു. ലക്ഷ്മിക്ക് ദേവികയേയും അതുപോലെ തന്നെ. അവളുടെ ലക്ഷ്മിയമ്മേ എന്ന വിളി അവർ ആസ്വദിച്ചു.

 

ആലത്തൂരിലേക്ക് ബാലകൃഷ്ണനും ലക്ഷ്മിയും അപ്പുവും ഒക്കെ താമസം മാറിയിട്ട് ഇന്ന് രണ്ടാം ദിവസം ആണ്.

രാവിലെ തന്നെ അപ്പു കുളിയൊക്കെ കഴിഞ്ഞു.

 

ഇന്ന് ആലത്തൂരിലെ സ്കൂളിൽ അവന്റെ ആദ്യ ദിവസമാണ്.അതിന്റെ ത്രില്ലിൽ ആണ് അവൻ. അതേ സമയം അവൻ തന്റെ കൂട്ടുകാരെ മിസ്സ്‌ ചെയ്യുകയും ചെയ്യുന്നുണ്ട്.

 

ലക്ഷ്മി ഉണ്ടാക്കിയ പുട്ടും കടലക്കറിയും നല്ലപോലെ കഴിച്ച് അവൻ സ്കൂളിലേക്ക് ഇറങ്ങി.

അവൻ അച്ഛന്റെ കൂടെയാണ് സ്കൂളിലേക്ക് പോയത്.

 

ആ സ്കൂളിൽ ബാലകൃഷ്ണന്റെയും ആദ്യ ദിവസം ആണല്ലോ. അതുകൊണ്ട് തന്നെ അവർ നേരത്തേ ഇറങ്ങി.

 

സമയം ഒൻപത് ആയതേ ഉള്ളു. പത്തുമണിക്കെ ക്ലാസ്സ്‌ തുടങ്ങൂ എന്നത് കൊണ്ടും അവിടുത്തെ വിദ്യാർത്ഥികൾ ഒക്കെ സ്കൂളിന് ചുറ്റുവട്ടം ആയത് കൊണ്ടും ഒൻപതര കഴിയാതെ പിള്ളേരൊക്കെ വരുന്നത് വളരെ വിരളമാണ്.