?ബാല്യകാലസഖി 2? [കുട്ടപ്പൻ] 1186

ആലത്തൂരിലെതന്നെ സർക്കാർ സ്കൂളിലെ മാഷാണ് ശ്രീനിവാസൻ. സ്കൂളിൽ പോയി വന്നിട്ടുള്ള ഇരിപ്പാണ്.

 

” എവിടെ പോയതാ അമ്മേം എന്റെ ദേവൂട്ടിയും ” അയാൾ ഒരു പുഞ്ചിരിയോടെ ദേവികയോട് ചോദിച്ചു.

 

” ഞാനും അമ്മേം അമ്പലത്തിൽ പോയതാച്ചാ.. ”

അവൾ ഓടി അച്ഛന്റെ മടിയിൽ കേറിയിട്ടാണ് മറുപടി പറഞ്ഞത്.

 

“ആഹാ…. എന്നിട്ടെന്താ ദേവൂട്ടി പ്രാർത്ഥിച്ചേ?”

ശ്രീനിവാസൻ അവളുടെ കവിളിൽ തലോടിക്കൊണ്ട് ചോദിച്ചു.

 

” പ്രാർത്ഥിച്ചത് പറഞ്ഞാൽ ഫലം കിട്ടൂലാന്ന് അമ്മ പറഞ്ഞു. ന്നാലും ഞാൻ അച്ഛനോട് പറയാ… എന്റോടെ കളിക്കാൻ ഒരു കൂട്ട് തരണേന്നാ കണ്ണനോട് ഞാൻ പ്രാർത്ഥിച്ചേ ”

 

” അതിന് ദേവൂട്ടിക്ക് സ്കൂളിൽ ഒത്തിരി കൂട്ടുകാരില്ലേ? ”

 

അച്ഛൻ ചോദിച്ചു.

 

” അത് സ്കൂളിൽ അല്ലേ… സ്കൂളിൽ കളിക്കാൻ സമയം കുറച്ചല്ലേ ഉള്ളു. സ്കൂൾ വിട്ട് വീട്ടീ വന്ന ദേവു ഒറ്റക്കല്ലേ. ഇവിടന്ന് ദൂരെ ആയോണ്ട് അനുനേം അമ്മുനേം ഒന്നും ഇവിടേക്ക് കളിക്കാൻ വിടില്ല. ”

 

അവൾ അവളുടെ സങ്കടം പറഞ്ഞു.

 

ദേവൂനെ പ്രസവിച്ചപ്പോ സരസ്വതിയമ്മക്ക് കുറച്ച് പ്രശ്നങ്ങൾ ഉണ്ടായിരുന്നു. അതുകൊണ്ട് ഗർഭപാത്രം നീക്കം ചെയ്തിരുന്നു.

 

ഒരു കൂടപ്പിറപ്പോ കൂട്ടുകാരിയോ ഇല്ലാത്തത് തന്റെ മകളെ അലട്ടുന്നു എന്ന് കണ്ടപ്പോൾ ആ അച്ഛന് സങ്കടം വന്നു.

 

” ആരാ പറഞ്ഞെ ദേവൂട്ടി ഒറ്റക്കാന്ന്… അച്ഛനും അമ്മേം ഉണ്ടല്ലോ… നമ്മക്ക് കളിക്കലോ… എന്താ ഇപ്പൊ കളിക്കണ്ടേ….”

ശ്രീനിവാസൻ ചിന്തിക്കുന്നത് പോലെ കാണിച്ചു.

 

” നമ്മക് ഡോക്ടരും രോഗിയും കളിക്കാ… ഞാൻ ഡോക്ടർ.. അച്ഛൻ രോഗി….

Hmm നോക്കട്ടെ എന്താ രോഗംന്ന് ”

 

ദേവൂട്ടി കള്ളച്ചിരിയോടെ പറഞ്ഞു.

 

***********************