ഒരു ചെറിയ ആമുഖം ,

പ്രിയ സുഹൃത്തുക്കളെ   , നിങ്ങള്‍ ഓരോ ആളുകളും തന്ന സപ്പോര്‍ട്ടിനും  ഒരുപാട് നന്ദി . കഴിഞ്ഞ ഭാഗം ഒരുപാട് അക്ഷര പിശകുകള്‍ പറ്റി . അതിനു ആദ്യമേ ക്ഷമ  ചോദിക്കുന്നു . ആദ്യം ആയി എഴുതുന്നതു ആണ് , എഴുതി തുടങ്ങിയപ്പോള്‍ ആണ് ബുദ്ധിമുട്ട് മനസ്സിലാക്കുന്നെ . എങ്കിലും ഈ പാര്‍ട്ട്  മാക്സിമം തെറ്റുകള്‍ തിരുത്തി തന്നെ ആകും തരുന്നത്  .  അതേ പോലെ സ്പീഡിന്‍റെ കാര്യം , എഴുതി എക്സ്പീരിയന്സ് ഇല്ലാത്തത്  കൊണ്ട് അത് ചിലപ്പോള്‍ ശരിയാകില്ല , എങ്കിലും ഞാന്‍ പരമാവധി ശരിയാക്കിത്തരാന്‍  ശ്രമിക്കും എന്നു ഉറപ്പ് തരുന്നു . കഴിഞ്ഞ ഭാഗം തന്ന സപ്പോര്‍ട്ട്  ഈ ഭാഗവും എല്ലാവരും തുടരണം എന്നു അപേക്ഷിക്കുന്നു . തെറ്റുകള്‍ ഉണ്ടെല്‍ ചൂണ്ടി കാണിക്കാന്‍ മറക്കരുതേ .

*****************************

അനാമിക

Anamika Part 2 | Author : Jeevan | Previous Part

വിഷ്ണു , “ അളിയാ ജഗ്ഗു .. നീ ചൂടാകാതെ … പേര് ഞാന്‍ പറയാം , ആഹ് ..കിട്ടി ..അവളുടെ പേര് ശ്രീ ലക്ഷ്മി ….”

ഞാന്‍ മനസ്സില്‍ ഓർത്തു, ” നല്ല ശ്രീ ഉള്ള കുട്ടി , ശ്രീ ലക്ഷ്മി …”

//

ഞാന്‍ തിരികെ ലൈബ്രറിയുടെ  വാതിലിന്‍റെ   അവിടെ നിന്നു കൊണ്ട് അകത്തേക് എത്തി നോക്കി  , അവള്‍ അവിടെ ഉണ്ടായിരുന്നില്ല .  ഇവള് ഇത് എവിടെ പോയി എന്ന്‍ ആലോചിച്ചു നിന്നപ്പോളാണ് പിന്നില്‍ നിന്നും ഒരു മുരള്ച്ച  കേട്ടത് , തിരിഞ്ഞു  നോക്കിയപ്പോള്‍ ദേ നമ്മുടെ ശ്രീ കുട്ടി ആണ്  പിന്നിലായി നില്കുചന്നത് . അവളെ കണ്ടു ഞാന്‍ നന്നായി ഞെട്ടി , എന്തു ചെയ്യണം എന്നു അറിയാത്ത അവസ്ഥ  . അവളും ഞാന്‍ തിരിഞ്ഞപ്പോള്‍ ആണെന്ന് തോന്നുന്നു , ഞാന്‍ ആരാണെന്ന് മനസ്സിലാക്കിയത്  എന്നു തോന്നുന്നു . എന്നെ കണ്ടപ്പോൾ തന്നെ  പെണ്ണ് നന്നായി ഞെട്ടിയിരുന്നു. ഒരു നിമിഷം അവള്‍ മുഖം ഉയര്‍ത്തി  എന്നെ നോക്കി , ഞങ്ങളുടെ കണ്ണുകള്‍ പരസ്പരം ആദ്യം ആയി കൂട്ടി മുട്ടി  , പെട്ടന്നു തന്നെ അവളുടെ പേടമാന്‍ മിഴികള്‍ ലജ്ജാവഹം ആയി താഴ്ന്നു  പോയിരുന്നു . ഞാനും എന്‍റെ  നോട്ടം മാറ്റി , ഒന്നും മിണ്ടാതെ ലൈബ്രറിയുടെ മുന്നിലായുള്ള  നീണ്ട വരാന്തയിലേക്ക് ഇറങ്ങി നടന്നു കൊണ്ടു തിരിഞ്ഞു നോക്കിയപ്പോളും അവള്‍ അവിടെ നില്ക്കുന്നുണ്ടായിരുന്നു .

“പാവം ഞെട്ടല്‍ മാറി ഇല്ല എന്നു തോന്നുന്നു ”  എന്നു മനസ്സില്‍ ഓര്‍ത്തു കൊണ്ട് നിന്നപ്പോള്‍ അവള്‍ ചെറിയ ഒരു പാല്‍ പുഞ്ചിരി തൂകി ലൈബ്രറിയുടെ ഉള്ളിലേക്ക് പോയിരുന്നു .

ഇതൊക്കെ കണ്ടു കൊണ്ട് കാട്ട്  കോഴി വിക്കിണു ( ഞാന്‍ വിഷ്ണുവിനെ അങ്ങനെയാ വിളിക്കുന്നത് ,അല്ലേ വിക്കി എന്നും വിളിക്കും ) ഇത്തിരി മാറി വരാന്തയില്‍ തന്നെ നില്ക്കുന്നുണ്ടായിരുന്നു . എന്നെ കണ്ടപ്പോള്‍ വാ പൊത്തി ഒരു ആക്കിയ ചിരി ചിരിച്ചു . ഞാന്‍ അത് കണ്ടു ഒന്നു ചൂളി എങ്കിലും അവനോടു ഒരു കപട ദേഷ്യം കാണിച്ചുകൊണ്ട്  ചോദിച്ചു ,

” എന്താടാ നാറി ഇത്ര കിണിക്കാന്‍  , നിന്‍റെ  അപ്പന്‍ പെറ്റോ ”

” എന്‍റെ  കള്ള കാമുക … നീ ചൂടാവാതെ …. ” ..ഇതും പറഞ്ഞു അവന്‍ വീണ്ടും ചിരിച്ചു …”

” കാമുകനോ , കാമുകന്‍ നിന്‍റെ  അപ്പന്‍ സുരേന്ദ്രന്‍ … അതിനു അവളെ ഞാന്‍ എപ്പോള്‍ ആണേട ഇഷ്ടം ആണെന്ന് നിന്നോടു പറഞ്ഞേ …”  അവനെ വീണ്ടും തന്തയ്ക്ക് വിളിച്ച് കൊണ്ട് ഞാന്‍  ചോദിച്ചു .