അനാമിക 2 [Jeevan] 246

ഞങ്ങള്‍ പ്രതീക്ഷിച്ച പോലെ തന്നെ ഏകദേശം അഞ്ചു മിനിറ്റ് കഴിഞ്ഞപ്പോളേക്കും അവള്‍ വരുന്നത് കണ്ടു . അത് കണ്ടു ഞാന്‍ ഒന്നു പതറി , എന്താ ചെയ്യേണ്ടെ എന്നു എനിക്കു ഒരു സംശയം ആയിരുന്നു, കാരണം ഇങ്ങനെ ഒരു സിറ്റേഷ്വന്‍ ജീവിതത്തില്‍ ആദ്യമാ . ഞാന്‍ വിഷ്ണുവിനോടു ചോദിച്ചു ഇനി എന്താ ചെയ്യേണ്ടത് എന്നു , അവന്‍ ആണേല്‍ എന്നെ നോക്കി ഒരു കള്ളച്ചിരി ചിരിച്ചു കൈ കൊണ്ട് എല്ലാം ഞാന്‍ ഏറ്റു എന്നു ആക്ഷന്‍ കാണിച്ചു . അവള്‍ അടുത്തു എത്തിക്കൊണ്ടിരുന്നതും എന്റെ  വെപ്രാളം കൂടി കൂടി വന്നു . പിന്നെ മനസ്സില്‍ ഓര്‍ത്തു …” എന്തായാലും നനഞ്ഞു ഇറങ്ങി , ഇനി കുളിച്ചു കയറാം …”

അവള്‍ വരുന്നതും നോക്കി എന്നെയും പിടിച്ച് വിഷ്ണു പതുങ്ങി ഇരുന്നു , അവള്‍ അടുത്തു എത്തിയതും എന്‍റെ കൈ പിടിച്ച് അവളുടെ മുന്നിലേക്ക് ഓട്ടച്ചാട്ടം ആയിരുന്നു . അവള്‍ നന്നായി പേടിച്ചു പോയിരുന്നു. മുഖം ഒക്കെ ഒറ്റ നിമിഷം കൊണ്ട് ആകെ വിളറി വെളുത്തുപോയിരുന്നു. പക്ഷേ ഞങ്ങളെ കണ്ടതും അവളുടെ മുഖത്ത് വീണ്ടും ജീവന്‍ വീണു. എങ്കിലും അവളുടെ ശ്വാസോച്ഛ്വാസം വളരെ വേഗത്തില്‍ തന്നെ ആയിരുന്നു , ആ ചെഞ്ചുണ്ടുകള്‍ വിറക്കുന്നുണ്ടായിരുന്നു. അവള്‍ എന്‍റെ  മുഖത്തേക്ക് ഒന്നു പാളി നോക്കിയിട്ട് നോട്ടം താഴേക്കു ആക്കി, പിടിക്കപ്പെട്ട കുറ്റവാളിയെ പോലെ .

എന്തു ചോദിക്കണം എന്നു അറിയാതെ വണ്ഡര്‍ അടിച്ചു നിന്ന എന്നെ ഒന്നു നോക്കി വിഷ്ണു അവളോടു ചോദിച്ചു , “ ശ്രീ ലക്ഷ്മി എന്നു ആണല്ലെ പേര് …”

അവള്‍ വിക്കി വിക്കി മറുപടി പറഞ്ഞു … “ അതേ… എന്റെ. പേര് എങ്ങനെ…”

വിഷ്ണു- “അതൊക്കെ ഞങ്ങള്‍ കണ്ടുപിടിച്ചു ….”

അവള്‍ – “ ശെരി … എങ്കില്‍ ഞാന്‍ ….ഞാന്‍ അങ്ങോട്ട് പൊയ്ക്കൊട്ടെ …”

വിഷ്ണു – “ പേടിക്കണ്ട , കൊച്ചു ഇവനെ കുറച്ചു ദിവസം ആയല്ലോ നോട്ടം ഇട്ടിട്ടു … എന്താ ഉദ്ദേശം …”

അവള്‍ – “ അത് … അത്…പിന്നെ ….ഇയാളെ എനിക്കു കണ്ടു പരിചയം ഉണ്ട്…അതാ നോക്കിയത്‌ …”

അത് കേട്ടു വിഷ്ണു എന്നെ ഒന്നു പാളി നോക്കി , ഞാന്‍ ആണേല്‍ എന്താ സംഭവിക്കുന്നത് എന്നു അറിയാതെ ആകെ ഞെട്ടിയിരിക്കുക ആയിരുന്നു  . പക്ഷേ ഇത് കേട്ടു ഞാന്‍ ചോദിച്ചു –

“ എങ്ങനെ ആണ് എന്നെ പരിചയം, എന്നെ കണ്ടിട്ടുണ്ടോ … തന്നെ എനിക്കും എവിടെയോ കണ്ടു മറന്ന പോലെ തോന്നിയിരുന്നു … “

അവള്‍ – “ അത് … ഞാന്‍ ബാംഗ്ലൂര്‍  വച്ച് കണ്ടതാ , ഇയാളും എന്നെ കണ്ടിരുന്നു , അന്ന് ബസ്സില്‍ വച്ചു , ഡ്രെസ്സില്‍ ജ്യൂസ് സ്പില്ല് ചെയ്തത് ഞാന്‍ ആയിരുന്നു …”

അത് കേട്ടു ഞാന്‍ ഞെട്ടി …, വിഷ്ണു എന്താ ഇവള്‍ ഈ പറയുന്നന്ത് എന്നു അറിയാതെ എന്നെ നോക്കി … ഞാന്‍ ആണേല്‍ എസ്‌എസ്‌ബി ഇന്‍റര്‍വ്യുവിന്  വേണ്ടി ബാംഗ്ലൂര്‍  പോയ കാര്യങ്ങള്‍ ഒക്കെ ഓര്‍ത്തെടുത്തു  … അന്ന് ഫ്രീ ആയപ്പോള് ബാംഗ്ലൂര്‍ പാലസ് കണ്ടു തിരിച്ചു ബസ്സില്‍ മടങ്ങി വന്നത് ആലോചിച്ചു …

” അതേ അന്ന് തിരിച്ചു വന്നപ്പോള്‍ ഒരു പെണ്‍കുട്ടി ….അതേ അത് ഇവള്‍ തന്നെ …എന്നാലും എന്തൊരു മാറ്റം … പക്കാ മോഡേണ്‍ ഡ്രെസ്സില്‍   , ഇറക്കി വെട്ടിയ കഴുത്തുള്ള ടോപ്പും ഹാഫ് പാന്റ്സ്  ഇട്ടു സണ്ഗ്ലാ്സ്സും വച്ചു വന്ന ആ പെണ്‍കുട്ടി … അത് ഇവള്‍ തന്നെ ആണ് …”

ഞാന്‍ – “ അതേ ഞാന്‍ ഓര്‍ക്കുന്നുണ്ട്  … താന്‍ ആരുന്നോ അത് , അന്ന് ഭയങ്കര മോഡേണ്‍ ലുക്ക് ആയിരുന്നല്ലോ, ഞാന്‍ അത് എന്തോ കന്നഡക്കാരി  കുട്ടി ആണെന്ന് ആണ്  കരുതിയിരുന്നത്  … അത് താന്‍ ആയിരുന്നോ …”