അനാമിക 2 [Jeevan] 246

വിഷ്ണു ചോദിച്ചു ..” വർഗീസ് ചേട്ടോ ഒരു പെണ്ണ് ഇവനെ തന്നെ നോട്ടം ഇട്ടേകുന്നു … കുറച്ചു    ദിവസം ആയി ഞാൻ ശ്രദ്ധിക്കുന്നു … ഇത് മറ്റേത് തന്നെ ആകില്ലേ …”

വർഗീസ്   ഏട്ടൻ പറഞ്ഞു … ” എനിക്ക് അറിയാൻ പാടില്ല മക്കളെ നിങ്ങൾ ആ കൊച്ചിനോട് തന്നെ ചോദിക്കു , പെൺപിള്ളേർ അങ്ങനെ ഒന്നും ആദ്യം  ഇങ്ങോട്ടു വന്നു ഇഷ്ടം ആണെന്ന് പറയാൻ സാധ്യത ഇല്ല … ഇവന് ഇഷ്ടം ആണേൽ അങ്ങോട്ടു ആദ്യം പറയുന്നത് ആകും നല്ലത് …”

“ അതിനു എനിക്കു അവളോടു ഇഷ്ടം ഒന്നും തോന്നിട്ടില്ല … ഈ നാറി വെറുതെ ഓരോന്ന് തട്ടി വിടുന്നത് അല്ലേ …എവിടെ കണ്ട ഒരു പരിചയം തോന്നുന്നു ..അത്ര തന്നെ …” ഞാന്‍ പറഞ്ഞു …

“ എങ്കില്‍ ശെരി മക്കളെ … ഞാന്‍ അങ്ങോട്ട് നീങ്ങുവാ .. കുറച്ചു പണി ഉണ്ട് …”

വര്‍ഗീസ് എട്ടനോടു യാത്ര പറഞ്ഞു ഞങ്ങളും ഇറങ്ങി , നേരെ ജംഗ്‌ഷനില്‍  ഉള്ള അനൂപ് ഏട്ടന്‍റെ ബേക്കറിയില്‍ കയറി ചായയും സമോസയും തട്ടി ഹോസ്റ്റലിലേക്ക് വിട്ടു …

അന്ന് രാത്രി ശ്രീ ലക്ഷ്മിയെ എവിടെ ആണ് കണ്ടത്  എന്നു ഓര്‍ത്ത്  കിടന്നു . പിറ്റേന്നു കുളിച്ചു റെഡി ആയി  ഇന്സ്റ്റിട്ടുഷ്യന്‍ ക്യാന്‍റീനില്‍  നിന്നു ദോശയും ചമ്മതിയും ചായയും തട്ടി ക്ലാസ്സിലേക്കു  നടന്നു . ബ്രേക് ടൈം വിഷ്ണുവിനെ തപ്പി ഞാന്‍ പുതിയതായി പണിഞ്ഞുകൊണ്ടിരുന്ന കെട്ടിടത്തിനടുത്തേക്ക്  ചെന്നു ..അവിടെ ആണ് ബ്രേക് സമയം  ഞാനും വിഷ്ണുവും മീറ്റ് ചെയ്യുന്നത് … അന്നു അവനെ  കണ്ടില്ല അവിടെ  . വല്ല പെണ്കുട്ടികളുടെയും ഡീറ്റൈല്‍സ്  തപ്പി പോയത് ആകും എന്നു കരുതി തിരികെ ക്ലാസ്സിന്‍റെ  ഭാഗത്തേക് വരാന്‍ തുടങ്ങിയപ്പോള്‍ ആണ് ഒരു പെണ്‍കുട്ടി പണിഞ്ഞുകൊണ്ടിരികുന്ന കെട്ടിടത്തിന്‍റെയും  പഴയ കെട്ടിടത്തിന്‍റെയും ഇടയില്‍ ഉള്ള ഗ്യാപ്പില്‍ നിന്നു കൊണ്ട് നോക്കുന്നത് കണ്ടത് . ഞാന്‍ അത് കണ്ടില്ല എന്ന രീതിയില്‍ തന്നെ നടക്കാന്‍ തുടങ്ങി … ആ ഭാഗം എത്തിയപ്പോള്‍ പെട്ടന്നു വെട്ടിത്തിരിഞ്ഞു അങ്ങോട്ടേക്ക് നോക്കി , ശ്രീ ലക്ഷ്മി  അവിടെ നില്പ്പു്ണ്ടാരുന്നു .

ഞാന്‍ അവളെ കണ്ടു എന്നു മനസ്സിലായപ്പോള്‍ അവള്‍ പെട്ടന്നു ഒന്നു പതറി , പിന്നെ ഒന്നും മിണ്ടാതെ , മുഖത്ത് പോലും നോക്കാതെ , വേഗം നടന്നു പഴയ കെട്ടിടത്തിലേക്ക് പോയി  കോണിപ്പടി കയറി മുകളിലെ നിലയിലേക്ക് പോയി . പൊക്കുമ്പോള്‍ കള്ളം കാണിച്ചു കണ്ടുപിടിക്കുമ്പോള്‍ ഉള്ള പോലെ ഒരു ചെറിയ പുഞ്ചിരി അവളുടെ ചുണ്ടില്‍ ഉണ്ടായിരുന്നു , അത് അവളുടെ കവിളിലെ നുണക്കുഴി  എടുത്തു കാട്ടി തന്നു .

“ നല്ല ഐശ്വര്യം ഉള്ള കുട്ടി, അറിഞ്ഞിട്ട പേര് തന്നെ ശ്രീ ലക്ഷ്മി , എന്നാലും ഇവളെ ഞാന്‍ എവിടെയാ കണ്ടത് …എന്തായാലും ഇന്ന് വൈകീട്ട് തന്നെ അവളെ പോക്കണം … “ ഇതും ആലോചിച്ചു ഞാന്‍ പഴയ കെട്ടിടത്തിലെക് കയറിയതും പിന്നില്‍ നിന്നു ഒരു വിളി ,

“ഡാ ജഗ്ഗു … അവിടെ നിക്കേട … “

ഞാന്‍ തിരിഞ്ഞു നോക്കിയപ്പോള്‍ വിഷ്ണു ഓടിവരുന്നു , “ നീ ഇവിടെ ഉണ്ടാരുന്നോ …”

“ ആ ഞാന്‍ ആ തെക്കോട്ട് മാറിയുള്ള മാവിന്‍റെ   മറവില്‍ നില്‍ക്കുന്നുണ്ടായിരുന്നു  …”

“ അപ്പോ നീ എല്ലാം കണ്ടോ വിഷ്ണു , അവള്‍ ഇവിടെ നോക്കി നില്കുമന്നുണ്ടായിരുന്നു …”

“ ഞാന്‍ ഇന്ന് കഴിച്ചിട്ട് നേരത്തെ വന്നിരുന്നു , അപ്പോള്‍ ആണ്  ഒരുത്തി പമ്മി പമ്മി വരുന്നത് കാണുന്നത് , അവള്‍ കാണാതെയിരിക്കാന്‍ വേണ്ടി   മറഞ്ഞു നിന്നതാ ഞാന്‍ , നീ എന്നാലും ആ പെണ്ണിനെ പേടിപ്പിക്കണ്ടായിരുന്നു അങ്ങനെ …” അതും പറഞ്ഞു അവന്‍ ചിരി തുടങ്ങി …