∆ ആഴങ്ങളിൽ ∆ 2 [രക്ഷാധികാരി ബൈജു] 129

“എന്തേ തുടർന്ന് പഠിക്കാൻ ആഗ്രഹമില്ലേ…”

“ഒരു പരിഭ്രമം കലർന്ന നോട്ടം എനിക്കു നൽകിയ ശേഷം.. ഉണ്ടെന്നവൾ മറുപടി നൽകി.” പിന്നീട് വീണ്ടും അവളുടെ കാര്യങ്ങൾ പലതും ഞാൻ തിരക്കി അവളെ കൂടുതൽ മനസ്സിലാക്കി.

“മ്മ് ശരി എന്നാൽ ഗോപിക ചെല്ല്… അവരെ ഇങ്ങ് പോരൂന്നു പറയൂ കേട്ടോ..”

“ശെരി ഏട്ടാ… എന്ന് പറഞ്ഞ ശേഷം ഒരു പുഞ്ചിരയോടെ അവൾ ഉള്ളിലേക്ക് പോയി.”

അവള് ഉള്ളിൽ കയറി അധികം വൈകാതെ എല്ലാവരും പുറത്തിറങ്ങി. പിന്നീട് അധികം വൈകിയില്ല പുറകാലെ എല്ലാം അറിയിക്കാമെന്ന് അഭി പറഞ്ഞ ശേഷം ഞങ്ങൾ ഉമ്മറത്തേക്ക് ഇറങ്ങി. ഞങ്ങളെ യത്രയാക്കാൻ അവളുടെ അച്ഛൻ ഒപ്പം വന്നപ്പോ എനിക്കു അച്ഛനോട് അല്പം സംസാരിക്കുവാനുണ്ടെന്ന് പറഞ്ഞു അദ്ധേഹത്തെ മാത്രം മറ്റി നിർത്തി ഞാനല്പം സംസാരിച്ചു. ആദ്യം അദ്ദേഹം മുഖം ചുളിച്ചുവെങ്കിലും അവസാനം എന്നെ സ്നേഹത്തോടെ ആലിംഗനം ചെയ്ത ശേഷം അദ്ദേഹമെന്നെ വണ്ടിയിലേക്ക് കയറ്റി.ഇതൊക്കെ കൂടി കണ്ടതോടെ അഭിയുടെയും, സുഭാഷിൻ്റെയും മുഖം നന്നേ തെളിഞ്ഞു. ഞാൻ കൂടി കയറിയതോടെ വണ്ടി തിരിക്കുവാനായി വശത്തേക്കെടുത്ത നേരം എല്ലാവരുടെയും പിന്നിലായി നിൽക്കുന്ന രണ്ടുകണ്ണുകൾ എന്നെ പ്രതീക്ഷയോടെ നോക്കുന്നത് കണ്ടഞാൻ രണ്ടു കണ്ണും ഒന്ന് ചിമ്മിച്ച് ശേഷം ഒന്ന് പുഞ്ചിരിച്ചു. ഇതൊക്കെ കണ്ടു എന്നറിയിക്കാൻ സുഭാഷ് മെല്ലെ ഒന്നു ചുമച്ചു. അങ്ങനെ ഒരു മൂകതയിൽ ഇങ്ങോട്ടേക്കു വന്ന വണ്ടി സന്തോഷത്തോടെ ഈ വീട്ടിൽ നിന്നും യാത്രയായി. അവിടെനിന്ന് ഇറങ്ങി അല്പദൂരം കഴിഞ്ഞില്ല… സുഭാഷും അമലും തുടങ്ങി….

“അപ്പോ നമുക്കിനി മറ്റൊരിടത്ത് കയറണ്ട അല്ലെ അഭിയെ…”

“നിങ്ങളെന്നാ ആളെ കളിയാക്കുവാണോ ഇവിടെ ചെറുക്കനെ അമ്മായിപ്പൻ കെട്ടിപ്പിടിച്ചാ യാത്ര ആക്കിയത് അവരത് ഉറപ്പിച്ചു. ഇനി എങ്ങും കയറുന്നില്ല നമ്മള് ടൗണിൽ എത്തി നല്ലൊരു ഹോട്ടലിൽ കയറുന്നു ഭക്ഷണം കഴിച്ചു പിരിയുന്ന അല്ലെടാ ഹരി…”

“വേണേൽ ഒരിടത്തു കൂടി കയറാം കേട്ടോ… ഞാൻ മെല്ലെ പറഞ്ഞത് കേട്ട് അഭിയൊന്നുനോക്കി…”

“എന്താടാ നിനക്കിഷ്ടമായില്ലെ ഈ ആലോചന. അഭി അല്പം പരിഭ്രമത്തോടെ ചോദിച്ചു.”

“ഇല്ല….”

എൻ്റെ ഈ പറച്ചിലിനൊപ്പം വണ്ടി പെട്ടന്ന് റോഡിൻ്റെ  വശത്തേക്ക് നീങ്ങി വേഗം നിന്നതും ഒരുമിച്ചായിരുന്നു…..

….. തുടരും …..

ഈ എഴുതുന്നത് എത്രത്തോളം ഒരു കഥരൂപമായി എന്ന് എനിക്കറിയില്ല. എഴുതുന്നതിലെ പരിചയക്കുറവു കൊണ്ടാണ്. അപ്പോ എവിടെങ്കിലും ഒക്കെ പോരായ്മ തോന്നിയാൽ പറഞ്ഞു തരണെ…അഭിപ്രായം എല്ലാവരും അറിയിക്കുമെന്ന് കരുതുന്ന വിശ്വാസത്തിൽ…

സ്നേഹത്തോടെ…. RB???