😈 Guardian Ghost 😈 part -2 ༆ കർണൻ(rahul)༆ 305

അവിടെ ഗോസ്റ്റിന്റെ കഴുത്തിൽ കത്തി മുട്ടിച്ച് വരയാനായി കാത്തിരുന്നവന്റെ കൊരവള്ളി വരുന്ന ഭാഗത്തൂടെ അവന്റെ തന്നെ കത്തി തറഞ്ഞു കയറിയിരിക്കുന്നു. ആ കത്തിയുടെ പിടിയിൽ ഗോസ്റ്റിന്റെ കൈ മുറുകിയിരിക്കുന്നു.

പക്ഷെ അതിലും കൂടുതൽ എല്ലാവരെയും ഭയപ്പെടുത്തിയത് കൊല്ലാൻ പോയവന്റെ രക്തം ഒഴുകി തലയിൽ അഭിഷേകം ചെയ്യുംപോലെ വീഴുമ്പോഴും ആ അച്ഛനെയും മോനെയും ചിരിയോടെ നോക്കിയിരിക്കുന്ന അവന്റെ ഭാവം അത് അത്രമേൽ ഭയാനകമായിരുന്നു.

അവർ മറന്നുപോയ അല്ലെങ്കിൽ അറിയാത്ത ഒരു കാര്യം ഉണ്ടായിരുന്നു. അവരുടെ മുന്നിൽ കൊലച്ചിരിയുമായി ഇരിക്കുന്നവന്റെ വിളിപ്പേര് ഗോസ്റ്റ് എന്നാണ്. രക്തം കാണുംതോറും കൊല്ലാനുള്ള ആവേശം കൂടുന്ന,

കൊല്ലുന്നത് ലഹരിയായി മാത്രം കാണുന്ന , കൊല്ലുന്നതിൽ മഹാകാലനെ പോലും വെല്ലുന്ന ചെകുത്താനാണവൻ.

എതിർക്കുന്നവർക്ക് മരണം മാത്രം വിധിക്കുന്ന അസുരൻ.

അങ്ങനെ ഉള്ള ഒരു അസുരന്റെ ചോരയെ തൊട്ടാൽ കിട്ടാൻ പോകുന്ന ശിക്ഷ മരണത്തിലും വലുതാണെന്നുള്ള ബോധ്യം അവർക്ക് വന്നു തുടങ്ങി എന്നത് അവരുടെ മാഞ്ഞു പോയ ചിരിയിൽ നിന്നും അതുപോലെ തന്നെ അവരിലേക്ക് ഇരച്ചു കയറി വരുന്ന മരണത്തിന്റെ തണുപ്പുള്ള ഭയത്തിൽ നിന്നും കാണുന്ന ഏതിരാൾക്കും മനസ്സിലാക്കാവുന്നതാണ്.

ആ ഞെട്ടലിൽ നിന്നും മുക്തർ ആയപ്പോൾ ബാക്കി ഉണ്ടായിരുന്ന മൂന്നു തടിയന്മാരും അവന്റെ അടുത്തേയ്ക്ക് തങ്ങളുടെ ആയുധങ്ങളുമായി പാഞ്ഞടുത്തു.

ആദ്യത്തെ തടിയന്റെ കഴുത്തിൽ കുത്തിയിരുന്ന കത്തി വലിച്ചൂരി അടുത്തായി ഓടി വന്നവന്റെ കഴുത്തിലേക്ക് എറിഞ്ഞു. അവൻ തലക്ഷണം നിലം പതിക്കുകയും ഒരു പിടച്ചിലോടെ പരലോകം പുൽകുകയും ചെയ്തു. ആ കാഴ്ച കണ്ടതും ബാക്കി രണ്ടുപേർ ഒന്ന് വിരണ്ടിരുന്നു. അവർ ഒന്ന് സ്ലോ ആയ സമയം മതിയായിരുന്നു അവന് ഒരു മലക്കം മറിഞ്ഞ് മരിച്ചു കിടക്കുന്നവന്റെ കഴുത്തിൽ നിന്ന് എറിഞ്ഞ കത്തി തിരിച്ചെടുക്കാൻ.

ബാക്കി രണ്ടുപേരും ഒരുമിച്ചു തന്നെ അവന്റടുത്ത് എത്തി. അവർ ഒന്നിച്ച് അവന്റെ നെഞ്ചിലേക്ക് അവരവരുടെ കത്തി കുത്തിയിരക്കാനായി ഓങ്ങി.