🔻🔺ജോക്കർ 4️⃣ [𝓢𝓪𝓲 𝓥 𝓐𝓼𝓱𝓪𝓷] 3260

ബിബിനെ കെട്ടി തൂക്കിയ കയറിൽ നിന്നും ജോക്കർ പിടിവിട്ടതും ഒരു ആർത്ത നാദത്തോടെ ബിബിൻ താഴേക്ക് പതിച്ചു…. തലയോട്ടി പൊട്ടി ചിതറി ചോരയും തലച്ചോറും നിലത്തു തെറിച്ചു…

************************************************

 

10.30pm

മാർത്ത മറിയം റെസിഡൻസ്…..

ബെഡ് റൂമിലൂടെ അങ്ങോട്ടും ഇങ്ങോട്ടും ഉലാത്തുവാണ് മറിയം….. ഫോൺ ബെല്ലടിച്ചതും അത് പ്രതീക്ഷിച്ചു നിൽക്കുന്നത്  പോലെ ആദ്യ റിങ്ങിൽ തന്നെ അറ്റൻഡ് ചെയ്തു….

“ഹലോ…. എന്തായി????”

“മാം.. എല്ലാ ചാനലിലേക്കും വീഡിയോ JOCKER എന്ന  ഐഡി യിൽ നിന്നുമാണ് മെയിൽ വന്നത്….ഐപി ട്രേസ് ചെയ്തപ്പോൾ ന്യൂസിലാൻഡിൽ ആണ് ലൊക്കേഷൻ കാണിക്കുന്നത്…. … സോ…”

“മ്മ്…. ഓക്കേ….”

മുന്നോട്ട് എങ്ങനെ എന്ന് അറിയാതെ മറിയം ബെഡിൽ ഇരുന്നു….

 

“മറിയൂ… എന്താ ഇത്ര ആലോചന……??”

രാത്രി കുടിക്കാനുള്ള വെള്ളവുമായി റൂമിലേക്ക് കയറി വന്ന വിജയേട്ടൻ ചോദിച്ചു…..

 

“ഒന്നുല്ല എട്ടാ… ഓരോന്ന് ആലോചിച്ച്….”

“അത് തന്നെ അല്ലെ ഞാനും ചോയ്ച്ചേ …. എന്തിനാ ഇങ്ങനെ ഓരോന്ന് ആലോചിച്ചു തല പെരുപ്പിക്കുന്നേ എന്ന്….. കേസിന്റെ കാര്യം ആണോ……???”

“മ്മ്…..”

“തോന്നി…. ഇങ്ങോട് വാ…. ” വിജയേട്ടൻ കട്ടിലിൽ ചാരി ഇരുന്നു കൊണ്ട് വിളിച്ചു…

 

മറിയം അപ്പോൾ തന്നെ കട്ടിലിലേക്ക് കയറി മടിയിൽ തല വെച്ചു കിടന്നു… വിജയേട്ടൻ പയ്യെ അവളുടെ നെറ്റിയിലും തലയിലും മൃദുവായി മസ്സാജ് ചെയ്ത് കൊടുത്തു…..

മസ്സാജിന്റെ സുഖത്തിൽ മറിയം പതിയെ കണ്ണുകൾ അടച്ചു…..

************************************************

11.30 pm

മാനന്തവാടി ബസ് സ്റ്റാന്റ്

“ചേട്ടായി…. ചേട്ടായി പറഞ്ഞ പോലെ Dr ബിബിൻ എസ് ഉണ്ണിയുടെ പോസ്റ്റ്മോർട്ടം റിപ്പോർട്ട്….”  കയ്യിലിരുന്ന ഫയൽ നീട്ടി കൊണ്ട് അശ്രിത പറഞ്ഞു….

 

“11.45 ന് ആണ് ബസ്… ടിക്കറ്റ് റിസർവ് ചെയ്തിട്ടുണ്ട്…” ജോക്കർ അശ്രിതയുടെ മുഖത്തു നോക്കാതെ ടിക്കറ്റ് എടുത്ത് അവൾക്ക് നേരെ നീട്ടി ഒപ്പം കുറച്ചു രൂപയും…..

 

” ഫോൺ നിലത്തു ഇട്ട് പൊട്ടിച്ചതല്ലേ…. നന്നാക്കണ്ടേ… ആവശ്യം വരും…. പിന്നെ പറഞ്ഞതൊന്നും മറക്കണ്ട… “

************************************************