🔻🔺ജോക്കർ 4️⃣ [𝓢𝓪𝓲 𝓥 𝓐𝓼𝓱𝓪𝓷] 3260

അര മണിക്കൂറിനു ശേഷം….

കണ്ണ് തുറന്ന ബിബിന് തല പൊട്ടിപ്പിളരുന്ന പോലെ… ചുറ്റും ഇരുട്ട് മാത്രം…അതിനു അപവാദമായി മങ്ങിയ ഒരു ചുകന്ന സീറോ ബൾബിന്റെ പ്രകാശം…

കൈകൾ ചലിപ്പിക്കാൻ പറ്റുന്നുണ്ടെങ്കിലും രണ്ടു കാലിനും വല്ലാത്ത വേദന… ഒപ്പം തല ചുറ്റുന്ന പോലെ….

 

ചുണ്ടിൽ എറിയുന്ന സിഗരറ്റുമായി ജോക്കർ… കണ്ണിലെ തീ അതിലും കൂടുതലാണ്…  ജോക്കർ ഒന്ന് കൈ ഞൊടിച്ചതും ലൈറ്റുകൾ ഓൺ ആയി…

 

ഒരാൾ പൊക്കത്തിൽ തന്നെ തല കീഴായി കെട്ടി തൂക്കി ഇട്ടിരിക്കുവാണെന്നു അപ്പോഴാണ് ബിബിന് മനസ്സിലായത്…..

 

“അശ്രിത…. ഓവർ ഡോസ് ആയി പോവോ?????” കയ്യിലിരുന്ന ബോട്ടിലിൽ നിന്നും സിറിഞ്ചിലേക്ക് മരുന്ന് നിറച്ചു കൊണ്ട് ജോക്കർ ചോദിച്ചു…

 

“ചേട്ടായി കൊടുക്ക്…. എനിക്ക് പോസ്റ്റ്മോർട്ടം റിപ്പോർട്ട് എഴുതുമ്പോൾ ഫൈൻഡിങ്‌സ് ആയി എഴുതാൻ ഒരു പോയിന്റ് കൂടി ആയല്ലോ… ഓവർഡോസ് ആയി ചത്താൽ എന്താ തലേം കുത്തി വീണു തല പൊട്ടി ചിതറി ചത്താൽ എന്താ…”

 

“ഓ… അങ്ങനെ ഒക്കെ ആയി ലേ…… ” ജോക്കർ ആശ്രിതയെ കണ്ണടച്ച് കാണിച്ചു… അവൾ തിരിച്ചും….

 

“അയ്യോ…. ഒരു കാര്യം മറന്നു… ഞാൻ ആരാണെന്നു അറിയണ്ടേ….” ജോക്കർ ബിബിന് നേരെ തിരിഞ്ഞു….

 

“അറിയണം… എന്തിനാ ചാവുന്നത് എന്ന് നീ അറിയണം…. ഈ ഫോട്ടോല് ഉള്ള ആളെ ഓർമ്മയുണ്ടോ നോക്ക്… ഇല്ലെങ്കിൽ ഞാൻ ഒരു കഥ കൂടി പറയാം….”

ജോക്കർ മൊബൈൽ ബിബിന് നേരെ നീട്ടി….

 

“ദേവയാനി…..” ബിബിന്റെ വായിൽ നിന്നും അറിയാതെ ആ പേര് പുറത്തേക്ക് വന്നു…..