🔻🔺ജോക്കർ 4️⃣ [𝓢𝓪𝓲 𝓥 𝓐𝓼𝓱𝓪𝓷] 3260

11.00 pm

CI മാർത്ത മറിയം റെസിഡൻസ്….

 

ലാപ്ടോപിന്റെ മുന്നിൽ നിന്നും ഒന്ന് എഴുന്നേൽക്കുക പോലും ചെയ്യാതെ പണിയിലായിരുന്നു മറിയ…. കുറെ നേരം സ്ക്രീൻ നോക്കിയതിന്റെ ആവണം മറിയക്ക് തലയ്ക്കു വല്ലാത്ത പെരുപ്പ്…. ഒരു ചായ കിട്ടിയാൽ കൊള്ളാമായിരുന്നെന്നു മനസ്സിൽ വിചാരിച്ചപ്പോഴേക്കും ചായയുമായി കൊണ്ടേട്ടൻ എത്തി….

അല്ലേലും മറിയത്തിന്റെ മനസ്സ് കൊണ്ടേട്ടനോളം മനപ്പാടം ആക്കിയ മറ്റൊരാളില്ല….

 

‘കൊണ്ടേട്ടൻ ‘ ഈ പേര് കേൾക്കുമ്പോ ഒരു കൗതുകം തോന്നുന്നുണ്ടല്ലേ…

 

കുറച്ചു വർഷങ്ങൾക്ക് മുൻപ് മറിയം കൈലാസം പോലീസ് സ്റ്റേഷനിൽ SI ആയി ഇരിക്കുന്ന സമയത്താണ് , പോലീസ് സ്റ്റേഷന് അടുത്ത് ചായക്കട നടത്തിയിരുന്ന വിജയേട്ടനെ പരിചയപ്പെടുന്നതും, ഇഷ്ടത്തിലാവുന്നതും….

വിജയേട്ടന്റെ ചായയിലാണ് മറിയം വീണു പോയതു എന്നാണ് പരക്കെ സംസാരം… ചായയുടെ മേലെ സ്നേഹത്തിന്റെ മധുരത്തിലാണ് വീണതെന്നു മറിയം പറയും….

 

മറിയം ഒരു കട്ട വിജയ് ദേവർകൊണ്ട ഫാൻ ആണു… അങ്ങനെ ആണു വിജയൻ ഗസറ്റിൽ കൊടുത്ത് പേര് മാറ്റി വിജയ് ദേവർകൊണ്ട ആയതു… മറിയത്തിന്റെ മാത്രം കൊണ്ടെട്ടൻ….

 

കാര്യം കൊണ്ടേട്ടൻ ചായക്കടക്കാരൻ ആണേലും കാഞ്ഞ കുരുട്ടു ബുദ്ധിയാ…. പലപ്പോഴും മറിയത്തിനു അത് ഉപകാരപ്പെട്ടിട്ടും ഉണ്ട്‌….

“മറിയൂ… എന്താന്നു തലയൊക്കെ ചിക്കി പറിക്കുന്നെ…”

“ഒരു പുലിവാല് കേസ് വന്നിട്ടുണ്ട്….”

“ആവട്ടെ…. കാര്യം എന്താന്ന് പറഞ്ഞാൽ എന്റെ മണ്ടയും ഇച്ചിരി വർക്ക്‌ ചെയ്യിച്ചു നോക്കാം….”