🔻🔺ജോക്കർ 4️⃣ [𝓢𝓪𝓲 𝓥 𝓐𝓼𝓱𝓪𝓷] 3260

“അപ്പൊ മറന്നിട്ടില്ല അല്ലെ…. എങ്ങനെ മറക്കാനാ… നിനക്ക് കിട്ടിയതിൽ വെച്ച് ഏറ്റവും വലിയ പ്രതിഫലം ഇതിനായിരുന്നല്ലോ… ബിനാമി പേരിൽ ബത്തേരിയിൽ 4 ഏക്കർ സ്ഥലവും വീടും… നിന്റെ വേനൽ കാല വസതി…..”

“പ്ലീസ്…. എന്നെ ഒന്നും….”

“ശ് ശ് ശ്…… മിണ്ടരുത്…..

അന്ന് എനിക്ക് നഷ്ടമായതു എന്റെ പ്രിയപ്പെട്ടവളെ ആയിരുന്നു…. അവൾക്ക് വേണ്ടി ഇന്ന് നീയും ചാവും….. ചാവുന്നതിനു മുൻപേ ഒരു സത്യം കൂടി നീ അറിഞ്ഞോ… അവർ നിന്നെ പറ്റിച്ചതാണ്… ആ സ്ഥലം ഇപ്പോഴും ഇരുമ്പനം പ്ലാന്റേഷൻറെ സ്വന്തം ആണ്… നിനക്കു തന്ന പ്രമാണം വ്യാജമാണ്….”

ബിബിന്റെ മുഖത്തു വഞ്ചിക്കപ്പെട്ടതിന്റെ ദേഷ്യത്തെക്കാൾ ജീവ ഭയം ആണ് കൂടുതൽ…

“എന്താടാ.. നിനക്കു ദേഷ്യം വരുന്നുണ്ടോ… പൊട്ടനെ ചെട്ടി ചതിച്ചാൽ ചെട്ടിയെ ദൈവം ചതിക്കും എന്ന് മറന്നു പോയോ നീ…. ഹഹഹഹഹഹ……”

ജോക്കർ കയ്യിലിരുന്ന സിറിഞ്ച് ബിബിന്റെ കഴുത്തിൽ തന്നെ കുത്തി ഇറക്കി….

“പ്ലീസ്…. എന്നെ ഒന്നും….

ആആആആആആആ……”

 പറഞ്ഞു തീരുന്നതിനു മുൻപേ ബിബിൻ മുകളിലേക്ക് ഉയർന്നു….