അടുത്ത കുറച്ചു പാർട്ടുകൾ സത്യവും കുറ്റവും കണ്ടു പിടിക്കാനുള്ള ഓട്ടം ആണ്…. മുൻ പാർട്ടുകളെ അപേക്ഷിച്ചു കുറച്ചു ഡ്രൈ ആയിരിക്കാൻ സാധ്യത ഉണ്ട്… കൂടെ നിൽക്കുമല്ലോ….

      🔺🔻 🅹🅾🅲🅺🅴🆁🔺🔻9️⃣

                     #The_Card_Game…..

 Author : 𝓢𝓪𝓲 𝓥 𝓐𝓼𝓱𝓪𝓷 | Previous Part

Jockeer

സിബിഐ ഓഫീസ്, സ്പെഷ്യൽ ക്രൈം ബ്രാഞ്ച് (SCB), തിരുവനന്തപുരം

തപാൽ സെക്ഷനിൽ അന്നത്തെ കത്തുകൾ ഏല്പിച്ചു പോസ്റ്റ്‌ വുമൺ മടങ്ങി… സെക്ഷനിലെ ക്ലാർക്ക് ഓരോ കത്തും പൊട്ടിച്ചു അവ രജിസ്റ്ററിൽ എന്റർ ചെയ്തു. അതിനിടയിലാണ് ഒരു കോൺഫിഡൻഷ്യൽ കവർ ക്ലർക്കിന്റെ ശ്രദ്ധയിൽ പെട്ടത്. ഫ്രം അഡ്രസ് ഹൈകോർട്ട് എന്നു കണ്ടതും തിടുക്കപ്പെട്ടു മറ്റു തപാൽ ഒക്കെ എന്റർ ചെയ്ത് ആ കവർ പൊളിക്കാതെ സൂപ്രണ്ടിന്റെ റൂമിലേക്ക് നടന്നു …

ഡോറിൽ തട്ടി അകത്തേക്ക് കയറി തപാൽ രജിസ്റ്ററും കത്തുകളും ടേബിളിന് മുകളിൽ വെച്ചു. കോടതിയിൽ നിന്നും ഉള്ള കവർ പ്രത്യേകം മാറ്റി വെച്ചു….

“ഓർഡർ വന്നോ സുരേഷ്‌ജി….???”

“വന്നെന്നു തോന്നുന്നു സർ….”

“മ്മ്… മിഥുൻ വന്നോ???

“മിഥുൻ സർ ലീവ് കഴിഞ്ഞു ജോയിൻ ചെയ്തിട്ടില്ല…”